એઈમ્સ ભોપાલમાં કરવામાં આવેલા સંશોધનમાં જાણવા મળ્યું છે કે, મૃત વ્યક્તિના શરીરમાંથી કાઢવામાં આવેલ શુક્રાણુ સાડા ઓગણીસ કલાક સુધી જીવિત રહી શકે છે. આ સાથે કોઈપણ મહિલા પણ માતા બની શકે છે.
ડોક્ટરોએ મૃતકના શરીરમાંથી વીર્ય કાઢ્યું
પ્રોફેસર ડો. રાઘવેન્દ્ર કુમાર વિદુઆ, ફોરેન્સિક મેડિસિન અને ટોક્સિકોલોજી વિભાગ, AIIMS ભોપાલ અને તેમની ટીમે પોસ્ટમોર્ટમમાં વીર્ય પુન:પ્રાપ્તિ પર એક અભ્યાસ હાથ ધર્યો છે.
- Advertisement -
જેમાં પોસ્ટમોર્ટમ બાદ 125 મૃત વ્યક્તિઓના શરીરમાંથી શુક્રાણુઓ કાઢવામાં આવ્યા હતા અને તેમને સાચવવામાં આવ્યા હતા. જેમાં 47.22 ટકા લોકોના શુક્રાણુ જીવંત જોવા મળ્યા હતા.
આ પ્રકારનું સંશોધન દેશમાં પ્રથમ વખત કરવામાં આવ્યું છે
મૃત વ્યક્તિઓ પર આ પ્રકારનું સંશોધન દેશમાં પ્રથમ વખત AIIMS ભોપાલમાં કરવામાં આવ્યું છે. ગ્રીસના એથેન્સમાં આયોજિત 26મી ત્રિ-વાર્ષિક ઇન્ટરનેશનલ એકેડેમી ઓફ લીગલ મેડિસિન કોન્ફરન્સમાં આ સંશોધનનો સમાવેશ કરવામાં આવ્યો હતો.
ડો. કુમારે કહ્યું કે, આ સંશોધન 2022માં ઈન્ડિયન કાઉન્સિલ ઑફ મેડિકલ રિસર્ચ (ICMR), નવી દિલ્હીના સહયોગથી શરૂ કરવામાં આવ્યું હતું, જેમાં ખાસ કરીને 47.22 ટકા કેસોમાં જીવંત શુક્રાણુઓ મેળવવામાં આવ્યા હતા, જેનો ઉપયોગ IVF પ્રક્રિયામાં થઈ શકે છે. આ નવી પદ્ધતિની પેટન્ટ માટે ICMRને અરજી મોકલવામાં આવી છે અને ટૂંક સમયમાં પેટન્ટ મળવાની સંભાવના છે.
- Advertisement -
