કિરણ રાવનાં ડાયરેક્શનમાં બનેલી ફિલ્મ ‘લાપતા લેડીઝ’નું ટ્રેલર રિલીઝ થઈ ગયું છે. નિતાંશી ગોયલ, સ્પર્શ શ્રીવાસ્તવ અને રવિ કિશનની સ્ટાર કાસ્ટ ધરાવતી આ ફિલ્મનું ટ્રેલર કોમેડી અને સસ્પેંસથી ભરપૂર છે. જુઓ.
આમિર ખાન પ્રોડક્શન્સ અને કિરણ રાવનાં ડાયરેક્શનમાં બનેલી ફિલ્મ ‘લાપતા લેડીઝ’નું ટ્રેલર રિલીઝ થઈ ગયું છે. દર્શકોને આ ટ્રેલર ઘણું રોમાંચક અને કોમેડી લાગી રહ્યું છે. નિતાંશી ગોયલ, સ્પર્શ શ્રીવાસ્તવ અને રવિ કિશનની સ્ટાર કાસ્ટ ધરાવતી આ ફિલ્મનું ટ્રેલર કોમેડી અને સસ્પેંસથી ભરપૂર છે.
- Advertisement -
1 માર્ચનાં રિલીઝ થશે
‘લાપતા લેડીઝ’ આ વર્ષે 1 માર્ચનાં રોજ થિયેટર્સમાં રિલીઝ થશે. કિરણ રાવે પોતાની ફિલ્મ ‘લાપતા લેડીઝ’નું ટ્રેલર પોતાના ઈંસ્ટાગ્રામ હેન્ડલ પર શેર કર્યું છે. આ સાથે જ તેમણે લખ્યું કે- ‘ ઘૂંઘટ ઊઠી ચૂક્યાં છે.. #LaapataaLadiesનું ટ્રેલર આવી ગયું છે! BMS ઓફરનો ફાયદો ઊઠાવવા માટે અત્યારે જ ટિકિટ પ્રી-બુક કરો”
રોમાંચક સ્ટોરી
લાપતા લેડીઝની સ્ટોરીની વાત કરીએ તો આ 2 દુલ્હનોનાં ફરવાની, ભૂલથી ટ્રેન બદલાઈ જવાની આસપાસ રહેશે. ટ્રેલરની શરૂઆત દુલ્હનનાં ગૃહપ્રવેશથી થાય છે પણ ઘૂંઘટ ઊંચો થાય છે ત્યારે ખબર પડે છે કે દૂલ્હો ખોટી દૂલ્હનને ઘરે લઈ આવ્યો છે. જે બાદ તે પોતાના એક મિત્ર સાથે પોલીસ સ્ટેશનમાં પોતાની લાપતા પત્નીની રિપોર્ટ લખાવે છે. ફિલ્મમાં એક્ટર રવિ કિશને પોલીસવાળાનો રોલ પ્લે કર્યો છે જેમાં તેણે પોતાની દમદાર એક્ટિંગ દેખાડી છે.
- Advertisement -
ફિલ્મને સ્ટેંડિંગ ઓવેશન મળ્યું
બિપ્લબ ગોસ્વામીની સ્ટોરી પર બેસ્ડ આ ફિલ્મની 2023માં ટોરેંટો ઈંટરનેશનલ ફિલ્મ ફેસ્ટિવલમાં સ્ક્રીનિંગ થઈ ચૂકી છે. લાપતા લેડીઝને TIFFમાં સ્ટેંડિંગ ઓવેશન પણ મળ્યું હતું. ફિલ્મમાં નિતાંશી ગોયલ અને સ્પર્શ શ્રીવાસ્તવ સિવાય પ્રતિભા રાંટા, છાયા કદમ અને રવિ કિશનનું પાત્ર પણ મહત્વનું છે.
