જર્મનીમાં શુક્રવારે (20 ડિસેમ્બર) સાઉદીના એક ડોક્ટરે મેગડેબર્ગના ક્રિસમસ માર્કેટમાં ભીડ પર પૂરપાટ ઝડપે પોતાની કાર ચડાવી દીધી હતી, જેમાં બે લોકોના મોત થયા હતા. મૃતકોમાં એક બાળકનો પણ સમાવેશ થાય છે. જ્યારે 70 લોકો ઈજાગ્રસ્ત થયા છે.
હવે શહેરમાં કોઈ ખતરો નથી
- Advertisement -
પહેલા એવા અહેવાલ હતા કે આ અકસ્માતમાં 11 લોકોના મોત થયા હતા, પરંતુ અધિકારીઓએ પુષ્ટિ કરી હતી કે હજુ સુધી માત્ર બે જ લોકોના મોત થયા છે. સેક્સની-એન્હાલ્ટ રાજ્યના વડા રેનર હેસેલહોફે આ ઘટના વિશે જણાવ્યું હતું કે, ‘આ તબીબી વ્યક્તિ બે દાયકાથી જર્મનીમાં વસવાટ કરે છે. આ એકમાત્ર ગુનેગાર છે, અને શહેર માટે અન્ય કોઈ ખતરો નથી.’
કારમાંથી કોઈ વિસ્ફોટકો મળ્યા નથી
પોલીસે વાહનમાં વિસ્ફોટકો હોવાની આશંકા વ્યક્ત કરી હતી, પરંતુ તપાસમાં કોઈ વિસ્ફોટક મળી આવ્યું ન હતું. આ ભયાનક ઘટના સમયે, પોલીસે તાત્કાલિક કાર્યવાહી કરી અને બજારમાં પહોંચીને પરિસ્થિતિને કાબૂમાં લીધી હતી. હાલ પોલીસે વ્યક્તિની ધરપકડ કરી. સ્થાનિક પ્રશાસને કહ્યું કે, ‘પોલીસે શંકાસ્પદ હુમલાખોરની ધરપકડ કરી લીધી છે. તે વ્યવસાયે ડોક્ટર છે અને સાઉદી અરેબિયાનો રહેવાસી હોવાનું કહેવાય છે. કારમાં તે એકલો હતો.’
- Advertisement -
