ગિર સોમનાથ જિલ્લા વિકલાંગ ખેલ મહાકુંભમાં વેરાવળનું અંધ અપંગ કલ્યાણ કેન્દ્ર મોખરે રહ્યું

ખાસ-ખબર ન્યૂઝ ગિર સોમનાથ
ગીર સોમનાથ વિકલાંગ ખેલ મહાકુંભ તા. 10 ના રોજ કોડીનાર ખાતે યોજાયો. ગોળા ફેંક માં જ્યોતિ સિસોદિયા પ્રથમ ક્રમે તેમજ બરછી ફેક માં ત્રીજા, મહિલા બ્લાઇન્ડ ચેસમાં ભારતી રામ ત્રીજા ક્રમે, ભાઈઓમાં વિપુલ લેવા બીજા ક્રમે, લાંબી કુદમાં રવિ વાંઝાએ બીજો ક્રમ મેળવેલ તેમજ બચ્છી ફેકમાં ત્રીજા ક્રમે વિજેતા થયેલ, બ્લાઇન્ડ ક્રિકેટ ટુર્નામેન્ટમાં અંધ અપંગ કલ્યાણ કેન્દ્રની ટીમ બીજા ક્રમે આવેલ. આમ સમગ્ર ખેલ મહાકુંભમાં સંસ્થાનું ગૌરવ વધારવા બદલ ટ્રસ્ટીઓ તેમજ દાતાઓએ સંસ્થાની પ્રવૃત્તિઓને બિરદાવેલ હોવાનું મંત્રી ભીખુભાઈ સિસોદિયા ની એક યાદીમાં જણાવેલ છે.