OTT પર રિલીઝ થશે વરુણ ધવન અને જાહ્નવી કપૂરની ફિલ્મ ‘બવાલ’: આ OTT પ્લેટફોર્મએ ખરીદ્યા રાઇટસ

વરુણ ધવન અને જાહ્નવી કપૂર સ્ટારર ફિલ્મ ‘બવાલ’ પર અપડેટ સામે આવી છે. આ ફિલ્મ થિયેટરોમાં નહીં પરંતુ OTT પર રિલીઝ થશે અને તેના માટે એક મોટી ડીલ કરવામાં આવી છે.

છેલ્લા ઘણા સમયથી થિયેટર અને OTT પ્લેટફોર્મ વચ્ચે એક જંગ ચાલી રહી છે. દર્શકો ફિલ્મો જોવા થિયેટરમાં ઓછા જાય છે અને ઘરે બેઠા OTT પ્લેટફોર્મ પર ફિલ્મો જોવાનું વધુ પસંદ કરે છે. એવામાં હાલ બોલિવૂડ એક્ટર વરુણ ધવન અને એક્ટ્રેસ જાહ્નવી કપૂર સ્ટારર ફિલ્મ ‘બવાલ’ જે ઘણા સમયથી ચર્ચામાં છે આ ફિલ્મ વિશે એક મહત્વની અપડેટ બહાર આવી છે. આ ફિલ્મનું નિર્દેશન નિતેશ તિવારીએ કર્યું છે અને ચાહકો આ ફિલ્મ માટે ખૂબ જ ઉત્સાહિત છે.

🎬 Exciting news for Indian cinema! 🌟 The much-awaited film #Bawaal, starring @Varun_dvn and #JanhviKapoor, is set to make history as the first Indian film to premiere at the iconic Eiffel Tower! 🗼🇮🇳 A game-changer indeed!#SiddharthKannan #SidK #varundhawan #janhvikapoor pic.twitter.com/vrzMyq5cnz

— Siddharth Kannan (@sidkannan) June 22, 2023

OTT પર રિલીઝ થશે ‘બવાલ’
ફિલ્મ વિશે એક મોટું અપડેટ સામે આવ્યું છે અને આ ફિલ્મ થિયેટરોમાં નહીં પરંતુ OTT પર રિલીઝ થશે અને તેના માટે એક મોટી ડીલ કરવામાં આવી છે. મીડિયા રિપોર્ટ્સ અનુસાર વરુણ ધવન અને એક્ટ્રેસ જાહ્નવી કપૂર સ્ટારર ફિલ્મ ‘બવાલ’ ના નિર્માતા સાજિદ નડિયાદવાલાએ આ ફિલ્મ માટે અમેઝોન પ્રાઇમ વીડિયો સાથે રૂ. 110 કરોડનો કરાર કર્યો છે.

110 કરોડમાં ફાઇનલ કરી ડીલ
એટલે કે આ ફિલ્મ સિનેમાઘરોમાં રિલીઝ કરવાને બદલે સીધી પ્રાઇમ વીડિયો પર રિલીઝ કરવામાં આવશે. જણાવી દઈએ કે આ ફિલ્મ પહેલા 7 એપ્રિલે સિનેમાઘરોમાં રિલીઝ થવાની હતી પરંતુ VFX અને ટેકનિકલ સમસ્યાઓના કારણે તે થઈ શકી નહીં. જો કે ફિલ્મની OTT રીલિઝ ડેટ હજુ સુધી કન્ફર્મ કરવામાં આવી નથી.

VARUN DHAWAN – JANHVI KAPOOR: ‘BAWAAL’ TO PREMIERE ON AMAZON PRIME VIDEO… IT’S OFFICIAL… #Bawaal – starring #VarunDhawan and #JanhviKapoor – to premiere on #AmazonPrimeVideo in July 2023… The film reunites producer #SajidNadiadwala and director #NiteshTiwari after the success… pic.twitter.com/B0nTLvKgjC

— taran adarsh (@taran_adarsh) June 19, 2023

વરુણ-જાહ્નવીની આગામી ફિલ્મ
ઉલ્લેખનીય છે કે સુશાંત સિંહ રાજપૂત અને શ્રદ્ધા કપૂર સ્ટારર ફિલ્મ છિછોરે બાદ સાજિદ નડિયાદવાલા અને નિતેશ તિવારી બીજી વખત એક સાથે કામ કરી રહ્યા છે. વરુણ ધવનના પ્રોજેક્ટ વિશે વાત કરીએ તો તે હાલ ભેડિયા 2નું શૂટિંગ કરી રહ્યા છે તો બીજી તરફ જ્હાન્વી કપૂર મિસ્ટર એન્ડ મિસિસ માહીમાં રાજકુમાર રાવ સાથે જોવા મળશે. આ ફિલ્મમાં જાન્હવી કપૂર ક્રિકેટ રમતી જોવા મળશે.