રાજકોટ મહાનગરપાલિકા દ્વારા વોર્ડ નં.૦૮માં શેઠ ઉપાશ્રય ખાતે વેક્સિનેશન કેમ્પ યોજાયો.

દેશના માન.પ્રધાનમંત્રી દ્વારા મફત વેક્સિનની પરીકલ્પનાને સાકાર કરવા રાજયના માન.મુખ્યમંત્રી વિજયભાઈ રૂપાણી દ્વારા રાજયમાં વેક્સિનેશન મહાભિયાનનો શુભારંભ કરવામાં આવ્યો છે. જેના અનુસંધાને રાજકોટ મહાનગરપાલિકા દ્વારા તમામ કેન્દ્રો પર ૧૮ વર્ષથી મોટી ઉંમરના તમામ લોકોને સ્થળ પર જ રજીસ્ટ્રેશન કરી કોરોના વેક્સિન આપવામાં આવશે.

આ અભિયાનને વધુ વેગ મળે અને શહેરના વધુમાં વધુ શહેરીજનોને વેક્સિનનો લાભ લે તેવા શુભ આશયથી સંસ્થા, ટ્રસ્ટ, સોસાયટી, શાળા, કોલેજો વિગેરેને જોડી વેક્સિન કેમ્પ યોજવાનું નક્કી કરેલ. જે અંતર્ગત આજ તા.૨૫/૦૬/૨૦૨૧ના રોજ વોર્ડ નં.૦૮માં શેઠ ઉપાશ્રય ખાતે વેક્સિન કેમ્પ યોજાયો.

આ કેમ્પમાં મેયર ડૉ.પ્રદિપ ડવ, ડે.મેયર ડૉ.દર્શિતાબેન શાહ, સ્ટેન્ડિંગ કમિટી ચેરમેન પુષ્કરભાઇ પટેલ, આરોગ્ય સમિતિના ચેરમેન ડૉ.રાજે બેન ડોડીયા, કોર્પોરેટર ડૉ.દર્શનાબેન પંડ્યા, પ્રીતિબેન દોશી, અશ્વિનભાઈ પાંભર, બિપીનભાઈ બેરા, રાજકોટ શહેર ભાજપ ઉપપ્રમુખ મહેશભાઈ રાઠોડ, મંત્રી રઘુભાઈ ધોળકિયા, મહિલા મોરચના પ્રમુખ કિરણબેન માંકડિયા, વોર્ડ પ્રભારી નીતિનભાઈ ભૂત, પ્રમુખ તેજસભાઈ જોષી, મહામંત્રી કાથડભાઈ ડાંગર, જયસુખભાઈ મારવિયા, પ્રાથમિક શિક્ષણ સમિતિના સભ્ય પિનાબેન કોટક, તેમજ શેઠ ઉપાશ્રય, રોયલ પાર્ક જૈન મોટા સંઘ, રેસકોર્ષ પાર્ક જૈન સંઘ, ગોંડલ રોડ જૈન સંઘ વિગેરેના હોદેદારઓ વિગેરે ઉપસ્થિત રહ્યા હતા.