– શિવપાલની પાર્ટીનો સપામાં વિલય
યુપીની રાજનીતિની એક મહત્વની ઘટનામાં ભત્રીજા અખિલેશ અને કાકા શિવપાલ યાદવ વચ્ચેનો ઝગડો શમી ગયો છે.
- Advertisement -
મૈનપુરી લોકસભા સીટ પર સમાજવાદી પાર્ટીના ઉમેદવાર ડિમ્પલ યાદવ શાનદાર જીત તરફ આગળ વધી રહી છે. આ દરમિયાન સપા અધ્યક્ષ અખિલેશ યાદવે શિવપાલ યાદવના ઘરે જઈને તેમને મળ્યા હતા. અખિલેશ યાદવે સમાજવાદી પાર્ટીનો ઝંડો શિવપાલ સિંહ યાદવને સોંપ્યો હતો. આ સાથે શિવપાલ એસપીમાં જોડાયા હતા અને પોતાની પાર્ટીનો પીએસપીનો સમાજવાદી પાર્ટીમાં વિલય કરાવ્યો હતો.
મેનપુરી પેટાચૂંટણીમાં ડિંપલ યાદવ રેકોર્ડબ્રેક જીત તરફ
મુલાયમ સિંહ યાદવના નિધન બાદ મૈનપુરીમાં પેટાચૂંટણી યોજાઈ હતી. આવી સ્થિતિમાં મુલાયમનો વારસો કહેવાતી આ બેઠક સપા પરિવાર માટે ઘણી મહત્વની માનવામાં આવતી હતી. આ જ કારણ હતું કે ચૂંટણી પહેલા અખિલેશ યાદવ પોતાના કાકા શિવપાલ યાદવ સાથે જૂના સંબંધો ખતમ કરવા માટે રાજી થઇ ગયા હતા. આ પછી શિવપાલ યાદવ અને અખિલેશે મળીને આ સીટ પર ચૂંટણી પ્રચાર કર્યો હતો. આ પહેલા 2022ની વિધાનસભા ચૂંટણીમાં શિવપાલ યાદવ અને અખિલેશ યાદવ જૂના વિવાદને ખતમ કરવા માટે ભેગા થયા હતા. શિવપાલે પણ સપાની ટિકિટ પર જસવંતનગર વિધાનસભા બેઠક પર ચૂંટણી લડી હતી અને જીતી હતી.
મુલાયમસિંહના નિધન બાદ કાકા અને ભત્રીજા ભેગા થયા
મુલાયમ સિંહ યાદવનું આ વર્ષે 10 ઓક્ટોબરના રોજ નિધન થયું હતું. આ પછી અખિલેશ અને શિવપાલ વચ્ચે ઘણી નિકટતા જોવા મળી હતી. એવું પહેલેથી જ કહેવાતું હતું કે અખિલેશ અને શિવપાલ હવે સાથે આવી શકે છે. આવું જ કંઈક મૈનપુરી ચૂંટણીમાં મતદાન પહેલા થયું હતું. અખિલેશ યાદવ પોતાની પત્ની ડિમ્પલ યાદવ સાથે શિવપાલના ઘરે તેમને મળવા ગયા હતા. આ દરમિયાન શિવપાલે પોતાના સમર્થનની જાહેરાત કરી હતી. આ પછી શિવપાલ અને તેમના પુત્ર આદિત્યએ પણ ડિમ્પલ માટે ઉગ્ર પ્રચાર કર્યો હતો.