રોહિતએ ટેસ્ટમાંથી રિટાયરમેન્ટ લીધું

ઇંગ્લેન્ડના પ્રવાસ કેપ્ટનશીપ પરથી દૂર કરાશે તેવી અટકળો હતી; વન-ડે રમવાનું ચાલું રાખશે

ખાસ-ખબર ન્યૂઝ  નવી દિલ્હી

રોહિત શર્માએ ટેસ્ટ ક્રિકેટમાંથી નિવૃત્તિ લીધી છે. તેણે પોતાના ઇન્સ્ટાગ્રામ એકાઉન્ટ પર એક સ્ટોરી શેર કરીને પોતાની નિવૃત્તિ વિશે માહિતી આપી. રોહિત, જે પહેલાથી જ ઝ20માંથી નિવૃત્તિ લઈ ચૂક્યો છે, તે વન-ડે રમવાનું ચાલુ રાખશે. બુધવારે સાંજે એવા અહેવાલો આવ્યા હતા કે તેમને ઇંગ્લેન્ડ પ્રવાસ પર ટેસ્ટ કેપ્ટનશીપ પરથી દૂર કરવામાં આવશે. જે પછી તેણે રેડ બોલ ક્રિકેટને અલવિદા કહ્યું.રોહિતે કહ્યું- સપોર્ટ માટે આભાર રોહિત શર્માએ પોતાના ઇન્સ્ટાગ્રામ હેન્ડલ પર એક સ્ટોરી શેર કરી અને લખ્યું, ’નમસ્તે, હું બધાને કહેવા માંગુ છું કે હું ટેસ્ટ ક્રિકેટમાંથી નિવૃત્તિ લઈ રહ્યો છું. રેડ બોલ ક્રિકેટમાં દેશનું પ્રતિનિધિત્વ કરવું એ મારા માટે ગર્વની ક્ષણ હતી. પ્રેમ અને સમર્થન માટે બધાનો આભાર. હું દેશ માટે ઘઉઈં ફોર્મેટમાં રમવાનું ચાલુ રાખીશ.’ રોહિતે 12 ટેસ્ટ સદી ફટકારી રોહિતે 2013માં ભારત માટે ટેસ્ટ ડેબ્યૂ કર્યું હતું.

2021 દરમિયાન તે પ્લેઇંગ-11માં પોતાનું સ્થાન મજબૂત કરવામાં સફળ રહ્યો અને 2022માં કેપ્ટનશીપ પણ મેળવી. ભારત માટે 67 ટેસ્ટમાં, તેણે 40.57ની સરેરાશથી રન બનાવ્યા, પરંતુ ઘરઆંગણે તેની સરેરાશ ઘટીને 31.01 થઈ ગઈ.ઓસ્ટ્રેલિયામાં રોહિતની સરેરાશ 24.38 અને સાઉથ આફ્રિકામાં 16.63 હતી. જોકે, ઇંગ્લેન્ડમાં તેણે 44.66ની સરેરાશથી સ્કોર કર્યો. તેણે ગયા પ્રવાસમાં ઓપનિંગ કરતી વખતે સદી પણ ફટકારી હતી. રોહિતની નિવૃત્તિ પછી, ટીમ ઈન્ડિયા યશસ્વી જયસ્વાલ અને કેએલ રાહુલને ટેસ્ટ ટીમમાં કાયમી ઓપનર તરીકે ફિટ કરવા પર ધ્યાન કેન્દ્રિત કરી શકે છે.રોહિત ન્યૂઝીલેન્ડ અને ઓસ્ટ્રેલિયા સામે નિષ્ફળ રહ્યો હતો રોહિત ન્યૂઝીલેન્ડ અને ઓસ્ટ્રેલિયા સામેની છેલ્લી ટેસ્ટ સિરીઝમાં પણ બેટથી ખરાબ રીતે નિષ્ફળ ગયો હતો. તે ન્યૂઝીલેન્ડ સામે 15.16 અને ઓસ્ટ્રેલિયા સામે 6.20ની સરેરાશથી રન બનાવી શક્યો. પસંદગીકારોએ હવે નિર્ણય લીધો છે કે રોહિતના આ ફોર્મને કારણે તેને કેપ્ટનશીપની જવાબદારી સોંપી શકાય નહીં.રોહિત પહેલી ટેસ્ટ રમી શક્યો નહીં. તે બીજી ટેસ્ટમાં પ્લેઇંગ-11નો ભાગ બન્યો, પરંતુ મિડલ ઓર્ડરમાં બેટિંગ કરવા આવ્યો.