સિધ્ધાર્થ રાઠોડ : પરિપ્રેક્ષ્ય
તેનું નામ યયાતિ હતું. તેની ફોઈને મહાભારતમાં ખૂબ જ રસ અને તેમાં પણ તેમને વિ. સ. ખાંડેકરની ‘યયાતિ’ નવલકથા બહુ જ ગમતી એટલે જ તેમણે તેનું નામ તે કથાના મુખ્ય પાત્ર પરથી રાખ્યું. યયાતિ એક પ્રાઇવેટ બેંકમાં ક્રેડિટ કાર્ડનું માર્કેટિંગ સંભાળતો. અમુક્વાર સારું વેચાણ થવા છતાં પણ તેનો બોસ ઘોડાસરા તેને ઘણીવાર અમૃતવચન સંભળાવતો. તેના પરિણામ સ્વરૂપે યયાતિનું મગજ સપ્તાહમાં 3-4 દિવસ તો ગરમ જ રહેતું હોય. આજે પણ તેમ જ હતું. યયાતિ ગુસ્સાથી લાલઘૂમ થતો દિવાનખંડમાં પ્રવેશ્યો. આવતાં વેંત જ તેણે પોતાનું બેગ સોફા પર ઘા કર્યું. દેવયાનીએ રસોડામાંથી તે જોયું અમે હંમેશની જેમ તેને આખી પરિસ્થિતીનો તાગ મળી ગયો. જલદી જલદી તે લોટ ગૂંથવા લાગી. તે યયાતિની ‘બેટર હાફ’ હતી.
- Advertisement -
તેમના બંનેના લગ્ન થયા ત્યારે જ તેના એક એક્સ બોયફ્રેન્ડે તેણે અચાનક કરેલા બ્રેકઅપથી ગુસ્સે થઈને તેને બદદુઆ આપી હતી કે તેનું લગ્નજીવન ડામાડોળ જ રહેશે અને અમુક હદ સુધી એવું જ બન્યું. યયાતિ આમ તેને મારતો નહીં પણ તે ક્રોધી સ્વભાવનો હતો એટલે એવી કોઈ પરિસ્થિતીમાં તે દેવયાનીને બહુ જ આકરા વેણ કહી દેતો. સાથે તે એક વુમનાઇઝર હતો. સ્ત્રીના મનની ગહનતાનો ક્યાસ તે આસાનીથી કાઢી લેતો. તેની આ મથરાવટીના લીધે ઓફિસમાં પણ તેની ઘણી સખીઓ હતી. તેના આવા અપલક્ષણો હોવા છતાં દેવયાની તેને દિલોજાનથી ચાહતી અને તેણે યયાતિને ગુમાવવાનો ભય, અસલામતી અને તણાવને પોતાના નસીબમાં લખાયેલા માનીને સ્વીકારી લીધા હતા. જોકે, યયાતિ ગમે તેટલીવાર દેવયાનીને નારાજ કરીને પણ આખરે તેને રિઝાવી લેતો જ.
યયાતિએ બેગ ફેંક્યું ત્યાં જ તેનો દીકરો પૂરવ આવ્યો. આદતવશ તે પપ્પાને વળગી ગયો પણ તેના પપ્પાએ તેને આઘો હડસેલીને ધૂત્કાર્યો એટલે તે રડતો રડતો બહાર જતો રહ્યો. ત્યાં બાજુમાં જ એક માલધારી પરિવાર રહેતો હતો અને પૂરવ તેમનો લાડકો હતો. ઘણીવાર એવું બનતું કે ઘરથી કંટાળીને પૂરવ ત્યાં જતો રહેતો અને ત્યાં જઈને તેમના ઢોરઢાંખરને જોવા તેને બહુ ગમતા. ખાસ કરીને તેઓ જેને પોતાનો ‘કમાઉ દીકરો’ કહેતા તેવા એક અલમસ્ત બળદને પૂરવ નિહારી જ રહેતો. આજે પણ તે મનમાં ધૂંધવાતો ધૂંધવાતો ત્યાં જતો રહ્યો. તે આવ્યો ત્યાં તેના દાદાદાદી આવી ગયા હતા અને ડાઈનિંગ ટેબલ પર તેની રાહ જોતા હતા. હજી પૂરવ ગુસ્સે તો હતો જ એટલે તે દાદાના ખોળામાં જઈ બેઠો.
“દાદા, આજે મને કોઈ વાર્તા કહેશો?”
“ના બટા, ગળું સાવ ખરાબ છે જો ને બહાર વાતાવરણ કેવી ખરાબ છે. ચોમાસું અને તેમાંય આ ગંદકી. તાવ જેવુ લાગે છે દિકા. તું કાલે આવજે ને”
“ના બેટા, દાદાજી નહીં તો દાદીમા તને વાર્તા કહેશે. તું તારે ત્યાં તેમની સાથે સૂઈ જજે હોં! સવારે ટાઈમે ઊઠીને સ્કૂલે જાવા માટે તૈયાર થઈ જજે”, યયાતિએ વચ્ચે ડબકો મૂક્યો.
દેવયાની આ જોઈને સમસમી ઉઠી પણ તેનું આમ પણ કઈં ચાલે એમ નતું. મન મારીને તે પોતાને માનસિક રીતે તૈયાર કરવા લાગી. તે આખા સમય દરમિયાન યયાતિ મનમાં ને મનમાં મલકતો હતો.
યયાતિ બેડમાં લાંબા પગ કરીને ડાબા પગ પર જમણો પગ ચડાવીને બેઠો હતો ત્યાંજ તેની પત્ની આવી. દેવયાની પોતાના પતિને આવી રીતે બેસેલો જોઈને ચિડાઈ ગઈ હતી છતાં પણ તેણે ત્યાં બેડરૂમમાં બેત્રણ આંટા માર્યા. તે આખા દિવસના શ્રમથી થાકીને ચૂર થઈ ગઈ હતી. કંટાળીને આખરે તેને કપડા બદલાવ્યા અને નાઇટગાઉન પહેરીને બેડ પર ડાબી બાજુએ સૂઈ ગઈ. થોડીવાર સુધી તો યયાતિએ કઈં કર્યું નહીં પણ પછી તે દેવયનીના નિતંબ પર હળવેકથી ટાપલી મારવા માંડ્યો.
- Advertisement -
દેવયાનીએ પોતાના બંને ધ્રૂજત પગ ફર્શ પર ટેકાવ્યા અને નાઈટગાઉન પહેરીને તે ધ્રુસકે ધ્રુસકે રડવા લાગી. તેને રડતી જોઈને અત્યાર સુધી લાંબા પગ કરીને સૂતેલો યયાતિ તેના વાંસા પર હાથ ફેરવવા માંડ્યો. દેવયાનીએ તેનો હાથ ત્યાંથી હટાવી લીધો.
“તમને ખબર છે આખો દિવસ કામ કરીનેકરીને મારા શરીરનો ખો નીકળી જાય છે! તમને તો આના સિવાય કઈં સૂઝે નહીં ને ક્યારેય.”
“ડાર્લિંગ, જો મારી વાત..”
“નથી સાંભળવી મારે..” હિબકે ચડેલી દેવયાની હવે રોષથી સાંગોપાંગ ધ્રૂજવા લાગી હતી, “તમને ખબર છે ને કે સેક્સ માટે ગુજરાતીમાં કેવો સરસ શબ્દ છે: સંભોગ! તેનો મતલબ થાય બંને પોતપોતાની રીતે થોડોથોડો ભોગ આપે અને બંને સામે કઇંક મેળવે. અહિયાં તો મારો ભોગ લેવાય છે અને બદલામાં ઉપેક્ષા સિવાય કઈં મળતું નથી. આમ કેમ ચાલે, યયાતિ?”
“સોરી, ડાર્લિંગ. પણ મારો ઇરાદો તને દુઃખી કરવાનો જરાય નહતો.”
“તમારું સોરી રાખો તમારી પાસે. હવે બસ મને સૂવા દો. સવારે પણ ઘણું કામ મારી રાહ જુએ છે.”
“હા ઠીક છે. તને એક વાત કહેવી હતી પણ ચાલે.. પછી..”
“શું?”
“કઈં ખાસ નથી. બસ..”
“ના કહો.”
“અચ્છા તો કહું. ખોટું ના લગાડતી.”
“તમે સૂતા સૂતા મારી બેચેની વધારી મૂકી છે. હવે લો બોલો જ કે શું વાત છે?”
“વાત ખાલી એટલી જ છે કે મને તું .. પથારીમાં બહુ ઠંડી લાગે છે.”
“શુંઉઉઉ બોલ્યા?”
“કઈં નહીં સોરી. પણ..”
“હું પથારીમાં બહુ જ ઠંડી છું એમ?”
“સોરી વહાલી પણ હા. હકીકત તો એ છે કે ઘણીવાર જ્યારે તારી સાથે … કરતો હોય ત્યારે મનોમન રતિની કલ્પના કરતો હોઉ છું.”
“રતિ?”
“તને યાદ નથી. પેલી સિરિયલમાં આવે ને તે! તે મને બહુ જ સેક્સી લાગે છે તો હું આપણે બંને .. કરતા હોઈએ ત્યારે મનોમન તારી જગ્યાએ તેને ધારી લઉં છું.”
“એમ..એટલે તમને આપણી એવી ક્ષણો દરમિયાન હું નહીં પણ તે છપ્પરપગી રતિ યાદ આવે છે?”
“સાંભળ, વહાલી ખોટું ના લગાડ પણ..”
“નાઆઆઆ..”
આમ કહીને અવિશ્વાસથી કાંપતી દેવયાનીએ યયાતિને પથારીમાં ધક્કો મારીને લેટાવી દીધો
પથારીમાં સૂતેલા યયાતિના ચહેરા પર એક વિજયી પર લુચ્ચું સ્મિત દેખાઈ આવ્યું.
