વ્હાઇટ હાઉસના સ્ટેટ ડિનરમાં વડાપ્રધાન મોદીનું ગ્રાન્ડ વેલકમ: બોલિવુડના હિટ સોન્ગ ‘છૈયા છૈયા’ પર પરફોર્મન્સ થયું

વ્હાઇટ હાઉસમાં સ્ટેટ ડિનરનું આયોજન કરવામાં આવ્યું હતું જ્યાં નરેન્દ્ર મોદીએ તેના ભાષણમાં ફિલ્મ RRRના ગીત ‘નાટુ-નાટુ’ પ્રત્યે અમેરિકાના યુવાનોના ક્રેઝને વિશે પણ વાત કરી હતી.

દેશના વડાપ્રધાન નરેન્દ્ર મોદી અમેરિકાના 4 દિવસના પ્રવાસે છે. પીએમ મોદીએ 22 જૂન ગુરુવારે વ્હાઇટ હાઉસ પહોંચ્યા હતા જ્યાં રાષ્ટ્રપતિ જો બાયડન અને ફર્સ્ટ લેડી જીલ બાયડને પીએમ મોદીનું જોરદાર સ્વાગત કર્યું હતું. આ સાથે જ પીએમ મોદીના સ્વાગતમાં વ્હાઇટ હાઉસની બહાર ફિલ્મ ‘દિલ સે’ના હિટ ગીત ‘છૈયા છૈયા’ પર એક કેપેલા ગ્રુપ ‘પેન મસાલા’એ પરફોર્મ કર્યું હતું. જેનો વીડિયો આ સમયે સોશિયલ મીડિયા પર ખૂબ જ ઝડપથી વાયરલ થઈ રહ્યો છે.

#WATCH | With every passing day, Indians and Americans are getting to know each other better… Kids in India become Spiderman on Halloween and America's youth is dancing to the tunes of 'Naatu Naatu': PM Modi during the official State Dinner at The White House pic.twitter.com/45lqIcpxmo

— ANI (@ANI) June 23, 2023

અમેરિકામાં લોકો ‘નાટુ-નાટુ’ પર ડાન્સ કરતાં થઈ ગયા
ગઇકાલે રાત્રે વ્હાઇટ હાઉસમાં સ્ટેટ ડિનરનું આયોજન કરવામાં આવ્યું હતું જ્યાં નરેન્દ્ર મોદીએ ભાષણ આપ્યું હતું. જેમાં પીએમ મોદીએ ફિલ્મ RRRના ગીત ‘નાટુ-નાટુ’ પ્રત્યે અમેરિકાના યુવાનોના ક્રેઝને વિશે પણ વાત કરી હતી. પીએમ મોદીએ તેના ભાષણમાં કહ્યું હતું કે, ‘ જેમ જેમ સમય પસાર થતો જાય છે એમ એમ ભારત અને અમેરિકાના લોકોમાં સમજ વધતી જાય છે. હવે બંને દેશ એકબીજાના નામના સાચા ઉચ્ચારણ કરતાં થઈ ગયા છે. હવે ભારતમાં બાળકો સ્પાઇડર મેન બની રહ્યા છે અને અમેરિકામાં લોકો ‘નાટુ-નાટુ’ પર ડાન્સ કરતાં થઈ ગયા છે.’ ભાષણમાં ‘નાટુ-નાટુ’ ગીતનો ઉલ્લેખ કરતાંની સાથે જ તળીઓનો ગળગળાટ સાંભળવા મળ્યો હતો.

#WATCH | Amidst the love for Baseball, Cricket is also getting popular in the US. The American team is trying their best to qualify for the Cricket World Cup to be held in India later this year. I wish them good luck and success: PM Modi during the official State Dinner at The… pic.twitter.com/996i2fkdJx

— ANI (@ANI) June 23, 2023

અમેરિકામાં ક્રિકેટ પ્રત્યે લોકોનો રસ વધી રહ્યો
પીએમ મોદીએ પોતાના ભાષણ દરમિયાન સ્પોર્ટ્સ વિશે કહ્યું કે, ‘રતમાં બેઝબોલનો ઉત્સાહ વધી રહ્યો છે તો અમેરિકામાં બેઝબોલ સિવાય ક્રિકેટની લોકપ્રિયતા પણ વધવા લાગી છે. આ વર્ષે ભારતમાં ક્રિકેટ વર્લ્ડકપ રમાવાનો છે. અમેરિકી ટીમ તેના માટે ક્વોલિફાય થવા માટે શ્રેષ્ઠ પ્રયાસ કરી રહી છે અને એ માટે અમે તેમને શુભેચ્છા પાઠવીએ છીએ.’ પીએમ મોદીના રાજકીય ભાષણ વચ્ચે રમતગમતના ઉલ્લેખથી વ્હાઇટ હાઉસના કાર્યક્રમમાં હાજર દરેકના ચહેરા પર સ્મિત આવી ગયું હતું. હાલ એમના એ ભાષણનો એ વિડીયો ઘણો વાયરલ થઈ રહ્યો છે.