‘કાર્યદક્ષ પેનલ’ના સમર્થનમાં લોકડાયરા સહિતના કાર્યક્રમનું લીગલ સેલ યુવા સહાયક ટીમ દ્વારા આયોજન

બારની ચૂંટણીમાં અનુભવી, સરળ, તરવરિયા ઉમેદવારોના સમન્વય એવી કાર્યદક્ષ પેનલ તરફી માહોલ

ખાસ-ખબર ન્યૂઝ રાજકોટ

રાજકોટના વકીલોની માતૃસંસ્થા એવી રાજકોટ બાર એસોસિએશનની ચૂંટણી આગામી તા. 20ના રોજ યોજાનાર છે. આ ચૂંટણીમાં રાજકોટના વકીલો તેમના પ્રતિનિધિઓને ચૂંટી મોકલવાના છે. રાજકોટના વકીલોની સંસ્થાનું સુકાન સંભાળવા માટે અનેક લોકોએ ઉમેદવારી નોંધાવી છે ત્યારે આ વખતે અનુભવી અને નવયુવાન ઉમેદવારોના સમન્વય સમી કાર્યદક્ષ પેનલ તરફી વકીલ મતદારોમાં જબરો જુવાળ અને સમર્થન જોવા મળી રહ્યું છે. કાર્યદક્ષ પેનલના તમામ ઉમેદવારોમાં અનુભવી અને સિનિયર વકીલો, તરવરિયા યુવા વકીલો તથા મહિલા ઉમેદવારને પણ પૂરતુ પ્રાધાન્ય આપીને સમાવેશ કરવામાં આવ્યો છે.

આગામી તા. 20ના રોજ યોજાનાર મતદાન વખતે રાજકોટના વિવિધ ક્ષેત્રે વકીલાત કરતાં સિનિયર, જુનિયર અને મહિલા વકીલ મતદારો દ્વારા આ વખતે ખરેખર કાર્ય કરવા સક્ષમ એવી કાર્યદક્ષ પેનલના તમામ ઉમેદવારોને જીતાડવા માટે પ્રચંડ સમર્થન મળી રહ્યું છે. તમામ મતદારોએ કાર્યદક્ષ પેનલને પ્રચંડ બહુમતીથી વિજેતા બનાવવા વિજયી ભવ:ના આશીર્વાદ સાથે શુભેચ્છાઓ પાઠવી છે. કાર્યદક્ષ પેનલના સમર્થનમાં આજરોજ સાંજે નાગર બોર્ડિંગ ખાતે સાંજના 7-30 કલાકે રાજકોટની તમામ વકીલઆલમ જેમાં વિવિધ ક્ષેત્રે વકીલાત કરતા વકીલ મતદારો ઉપસ્થિત રહેવાના છે. રાજકોટમાં ક્રીમીનલ બાર એસો., જુનિયર બાર એસો., મહિલા બાર એસો., એમ.એ.સીપી બાર એસો., યુવા લોયર્સ, લેબર બાર એસો. ગ્રાહક સુરક્ષા ફોરમ બાર એસો. રેલવે બાર એસો. ફેમીલી બાર એસો. રેવન્યુ બાર એસો. નોટરી બાર એસો. રેવન્યુ પ્રેક્ટિશનર બાર એસો., નોટરી પ્રેક્ટિશનર બાર એસો., ઈન્કમટેક્સ- સેલ્સટેકસ બાર એસો. યુનિટી ઓફ લોયર્સ સહિતના વિવિધ ક્ષેત્રે વકીલાત કરતાં સિનિયર, જુનિયર, મહિલા વકીલો આજના આ સંમેલનમાં મોટી સંખ્યામાં ઉમટી પડશે.

લીગલ સેલ યુવા સહાયક ટીમ દ્વારા આયોજિત આજના આ સંમેલનમાં ભવ્ય લોકડાયરો, હસાયરો, કરાઓકે, ફન વિથ ગેમ્સ ઉપરાંત ઠંડીની મોસમમાં તાપણું, શેરડી, જીંજરા અને ચીકીની મજા સાથે તમામ લોકો આ કાર્યક્રમ માણશે. આજના આ કાર્યક્રમમાં રાજકોટના તમામ વકીલો મોટી સંખ્યામાં ઉમટીને પોતાનું સમર્થન કાર્યદક્ષ પેનલના તમામ ઉમેદવારો જેમાં કાર્યદક્ષ પેનલ થકી પ્રમુખપદના ઉમેદવાર દિલીપભાઈ જોષી, ઉપપ્રમુખપદે મયંકભાઈ પંડ્યા, સેક્રેટરીપદે સંદિપભાઈ વેકરીયા (સેન્ડી), જોઈન્ટ સેક્રેટરી પદે જીતેન્દ્રભાઈ પારેખ, ટ્રેઝરર પદે કૈલાસ જાની, લાઈબ્રેરી સેક્રેટરી પદે રવિભાઈ ધ્રુવ, મહિલા અનામત કારોબારી સભ્યપદે શ્રીમતિ રૂપલબેન થડેશ્ર્વર, કારોબારીના નવ સભ્યો જેમાં આંબલીયા ભાવિક, ડાકા અનીલભાઈ, ડોબરીયા હિરેનકુમાર, હેરંજા હુસેન, કવાડ સંજય, પુન્ધેરા મહેશ, રાજાણી કિશન, શુક્લ નીલ, વ્યાસ ચિત્રાંક તરફી જાહેર કરશે અને કાર્યદક્ષ પેનલના તમામ ઉમેદવારોને જંગી બહુમતીથી વિજેતા બનાવવા એકઅવાજે સૌ પોતાનું સમર્થન કાર્યદક્ષ પેનલ પ્રત્યે વ્યક્ત કરશે. આજરોજ અખબારની મુલાકાતે કાર્યદક્ષ પેનલના તમામ ઉમેદવારો હાજર રહ્યા હતા.

આજના આ કાર્યક્રમને સફળ બનાવવા રાજકોટ ભાજપ લીગલ સેલ સંયોજક પીયુષભાઈ શાહ, સહસંયોજક કમલેશભાઈ ડોડીયાની રાહબરી હેઠળ યુવા વકીલોની એક ટીમ સતત કાર્યરત છે જેમાં ક્ધવીનર અભિષેક શુક્લ, સહક્ધવીનર સાગર હપાણી સાથે યુવા વકીલો હર્ષિલ શાહ, રીતિનભાઈ મેંદપરા, જીતેશભાઈ રાઠોડ, મિતભાઈ સૌમિયા, પાર્થરાજસિંહ ઝાલા, ભાર્ગવભાઈ બોડા, રાહુલ મકવાણા, પ્રદીપ પરમાર, કેવળ પુરોહિત, ચેતન ચોવટીયા, હેમલ ગોહેલ, યશ ચોલેરા, ભૂમિકા પટેલ, નમિતાબેન કોઠીયા, રેખાબેન પટેલ, નિરાલી કોરાટ, મોનલ પટેલ, અંકિતા સોની, શ્ર્વેતા પરમાર, નેહા જોષી, નેહા વ્યાસ, જીગ્નેશ જોશી, હિમાંશુ પારેખ, નિશાંત જોષી, ભુવનેશ શાહી, વિશાલ સોલંકી, વિશાલ કોટેચા, કલ્પેશ મૈયડ, હર્ષ ઘીયા, પરાગ લોલારીયા, જસ્મીન ગઢીયા, ભરત પરમાર, ધવલ પડીયા, શીવદિપસિંહ ઝાલા, રાજન કોટેચા, જીગર સંઘવી, દિપ વ્યાસ, ઝીલ, અક્ષય, મીલન જોષી, ચંદ્રસિંહ પરમાર, નીતિશ કથીરીયા, પારસ શેઠ, અમીત લાખાણી, અંકુર લીંબાસીયા, જય રંગાણી, મયુર ઠુંમર, કૃણાલ વેકરીયા, યશ માલાણી તેમજ મહિલા વકીલોમાં સર્વે મેઘાવી ગજજર, હેપી પટેલ, કલ્પના ખોલીયા, ડીમ્પલ મોદી, રજનીબા રાણા, ચેતનાબેન કાછડીયા આ કાર્યક્રમને સફળ બનાવવા સતત જહેમત ઉઠાવી રહ્યા છે. આઈ.ટી. વિભાગને લગતી કામગીરી અને ફોટોગ્રાફી એડવોકેટ જસ્મીનભાઈ કે. ગઢીયા, કમલેશ ધોરડા, અંકીતા ધોરડા, પ્રેસ મીડિયા ઈન્ચાર્જ પારસ શેઠ જહેમત ઉઠાવી રહ્યા છે.