અમદાવાદમાં લખનઉએ ગુજરાતને 33 રનથી હરાવ્યું: મિચેલ માર્શની પહેલી IPL સેન્ચુરી

પૂરનની ફિફ્ટી; વિલિયમ ઓરોર્કે 3 વિકેટ ઝડપી

ખાસ-ખબર ન્યૂઝ નવી દિલ્હી

લખનઉ સુપર જાયન્ટ્સે IPL 2025ની 64મી મેચમાં ટેબલ ટોપર ગુજરાત ટાઇટન્સને 33 રનથી હરાવ્યું છે. નરેન્દ્ર મોદી સ્ટેડિયમમાં ગુરુવારે 236 રનનો ટાર્ગેટ ચેઝ કરી રહેલી ગુજરાત ટાઇટન્સની ટીમ 20 ઓવરમાં 7 વિકેટે માત્ર 202 રન જ બનાવી શકી. લખનઉએ 20 ઓવરમાં 2 વિકેટ ગુમાવીને 235 રન બનાવ્યા હતા. લખનઉ તરફથી વિલિયમ ઓરોર્કે 3 વિકેટ ઝડપી. આવેશ ખાન અને આયુષ બદોનીને 2-2 વિકેટ મળી. ગુજરાતના શાહરૂખ ખાને 57, શેરફેન રૂધરફોર્ડે 38, અને જોસ બટલરે 33 રન બનાવ્યા. કેપ્ટન શુભમન ગિલે 35 રન અને સાઈ સુદર્શને 21 રનનું યોગદાન આપ્યું. સુપર જાયન્ટ્સ તરફથી મિચેલ માર્શે 64 બોલમાં 8 છગ્ગાની મદદથી 117 રન બનાવ્યા. નિકોલસ પૂરને 27 બોલમાં 56 રનનું યોગદાન આપ્યું. GTના અરશદ ખાન અને સાઈ કિશોરને એક-એક વિકેટ મળી.ઇનિંગની છેલ્લી ઓવર નાખી રહેલા આયુષ બદોનીએ માત્ર 4 રન આપીને 2 વિકેટ ઝડપી. તેણે ત્રીજા બોલ પર કાગિસો રબાડાને અને છેલ્લા બોલ પર સાઈ કિશોરને આઉટ કર્યો. આ રીતે લખનઉએ આ મેચ 33 રનથી જીતી લીધી. ટીમે ગુજરાતને હાલની સિઝનમાં બીજી વખત હરાવ્યું છે.18મી ઓવર ફેંકવા આવેલા શાહબાઝ અહેમદે ઇકોનોમીકલ બોલિંગ કરી. તેણે એક વિકેટ લીધી. તેણે અરશદ ખાનને પણ આઉટ કર્યો. અરશદ ફક્ત એક જ રન બનાવી શક્યો.16મી ઓવર ફેંકતા આકાશ દીપે 17 રન આપ્યા. શાહરૂખ ખાને ઓવરના પહેલા ત્રણ બોલ પર સતત ત્રણ બાઉન્ડરી ફટકારી. જેમાં બે ચોગ્ગા અને એક છગ્ગો સામેલ હતો.