જો તમે પણ ઘરમાં બાલ ગોપાલ લાવ્યા હોવ તો અમુક નિયમોનું પાલન કરવું ખૂબ જ જરૂરી છે. તેનાથી જ તમને પુજાનો સંપૂર્ણ લાભ મળશે.
કૃષ્ણ જન્માષ્ટમી 18 ઓગસ્ટ 2022, ગુરુવારે ઉજવવામાં આવશે. શાસ્ત્રોમાં બાળ ગોપાલની પૂજા માટે કેટલાક નિયમો જણાવવામાં આવ્યા છે. તેનું પાલન કરવાથી જ શ્રીકૃષ્ણની પૂજાનું ફળ મળે છે.
- Advertisement -
સ્નાન
જો ઘરમાં બાળ ગોપાલની મૂર્તિ હોય તો તેને રોજ સ્નાન કરવું જોઈએ. શંખમાં સ્વચ્છ પાણી ભરીને કાન્હાને સ્નાન કરાવવું શ્રેષ્ઠ છે. કૃષ્ણના સ્નાનું પાણી તુલસીના કુંડામાં નાખી દો.
નવા વસ્ત્રો
સ્નાન કર્યા પછી કાન્હાને સ્વચ્છ વસ્ત્રો પહેરાવી દો. ધ્યાન રાખો કે શ્રી કૃષ્ણે જે કપડા એક વખત પહેર્યા છે. તેને ધોયા વગર ફરીથી ઉપયોગ ન કરવો. તેમને ચંદન, આભૂષણથી સજાવો. શ્રી કૃષ્ણની પૂજા શ્રૃંગાર વિના અધૂરી માનવામાં આવે છે.
- Advertisement -
ભોગ
ધાર્મિક ગ્રંથો અનુસાર કાન્હાને દિવસમાં ચાર વખત ભોગ ચઢાવવો જોઈએ. તમે માખણ, દહીં, ખાંડ, ખીર આપી શકો છો.
એકલા ના મુકો
એક વખત ઘરમાં કાન્હાને સ્થાપિત કર્યા બાદ તેમને એકલા ન મુકો. જો તમે લાંબા સમય માટે ક્યાંક બહાર જઈ રહ્યા છો તો શ્રી કૃષ્ણને સાથે લઈ જાઓ. પ્રાણ પ્રતિષ્ઠા પછી દરરોજ કાન્હાની પૂજા કરવી ખૂબ જ જરૂરી છે.
આરતી
સવારે અને સાંજે શ્રી કૃષ્ણની આરતી કરો. બાળ ગોપાલને યાદ કરો અને તેમના મંત્રોનો જાપ કરો. કાન્હાની મૂર્તિ પાસે રાધાજીનો ફોટો રાખો.
