ટ્રમ્પ વહીવટીતંત્ર રાજકીય દબાણ લાવીને યુનિવર્સિટીના શૈક્ષણિક કાર્યને ક્ધટ્રોલ કરવા માંગે છે: યુનિવર્સિટીનો આરોપ
ખાસ-ખબર ન્યૂઝ વોશિંગ્ટન, તા.23
અમેરિકાની હાર્વર્ડ યુનિવર્સિટીએ સોમવારે રાષ્ટ્રપતિ ડોનાલ્ડ ટ્રમ્પના વહીવટ સામે કોર્ટમાં અરજી કરી છે. યુનિવર્સિટીએ આરોપ લગાવ્યો છે કે ટ્રમ્પ વહીવટીતંત્ર રાજકીય દબાણ લાવીને યુનિવર્સિટીના શૈક્ષણિક કાર્યને ક્ધટ્રોલ કરવા માંગે છે. હાર્વર્ડે આરોપ લગાવ્યો છે કે આ યુનિવર્સિટીના બંધારણીય અધિકારોનું ઉલ્લંઘન કરે છે.
ખરેખરમાં, ટ્રમ્પ વહીવટીતંત્રે હાર્વર્ડનું 2.2 બિલિયન ડોલરનું ભંડોળ રોકી દીધું છે. આ સાથે, યુનિવર્સિટી તરફથી એવી પણ માંગ કરવામાં આવી છે કે તે ઓક્ટોબર 2023 પછી કેમ્પસમાં બનેલી યહૂદી વિરોધી ઘટનાઓ પર તૈયાર કરાયેલા તમામ અહેવાલો અને ડ્રાફ્ટ્સ પણ સરકારને સુપરત કરે. વહીવટીતંત્ર ઇચ્છે છે કે આ અહેવાલો તૈયાર કરનારા તમામ લોકોના નામ જાહેર કરવામાં આવે.
હાર્વર્ડ યુનિવર્સિટીના પ્રોફેસરોએ 12 એપ્રિલના રોજ મેસેચ્યુસેટ્સ ફેડરલ ડિસ્ટ્રિક્ટ કોર્ટમાં રાષ્ટ્રપતિ ડોનાલ્ડ ટ્રમ્પના વહીવટ સામે કેસ પણ કર્યો હતો.
યુનિવર્સિટીના ભંડોળ રોકવાની ધમકી સામે પ્રોફેસરોના બે જૂથો દ્વારા આ કેસ કરવામાં આવ્યો હતો. ખરેખરમાં તે સમયે, ટ્રમ્પ વહીવટીતંત્ર હાર્વર્ડ યુનિવર્સિટીને આપવામાં આવેલા 9 બિલિયન ડોલરના ફંડની સમીક્ષા કરી રહ્યું હતું.
- Advertisement -
હાર્વર્ડના પ્રોફેસરોએ ટાંક્યું હતું કે ટ્રમ્પનો નિર્ણય યુએસ બંધારણના પ્રથમ સુધારાનું ઉલ્લંઘન કરે છે. પ્રોફેસરોએ આરોપ લગાવ્યો છે કે યુનિવર્સિટીના ભંડોળમાં કાપ મૂકવો એ અભિવ્યક્તિની સ્વતંત્રતાનું ઉલ્લંઘન છે. કોર્ટમાં કરવામાં આવેલી અરજીમાં ટ્રમ્પ પ્રશાસનના નિર્ણય પર રોક લગાવવાની પણ માંગ કરવામાં આવી છે.
હાલમાં ટ્રમ્પ વહીવટીતંત્રે હાર્વર્ડને એક પત્ર મોકલ્યો હતો. આ પત્રમાં યુનિવર્સિટીને કેટલીક શરતો પૂરી કરવા કહેવામાં આવ્યું હતું. આમ કરવામાં નિષ્ફળતાથી યુનિવર્સિટીને ફેડરલ ભંડોળ અટકાવવાનો ભય હતો.
ટ્રમ્પ વહીવટીતંત્રના દાવાને કારણે આ પગલું ભરવામાં આવ્યું હતું કે હાર્વર્ડ જેવી પ્રતિષ્ઠિત સંસ્થાઓ યહૂદી-વિરોધ (યહૂદીઓ સામે નફરત) રોકવામાં નિષ્ફળ ગઈ છે. વહીવટીતંત્રે આરોપ લગાવ્યો હતો કે કેમ્પસમાં યહૂદી વિદ્યાર્થીઓ અને પ્રોફેસરો સાથે ભેદભાવ કરવામાં આવે છે. યુનિવર્સિટીને મળતું ફંડિંગ રિસર્ચ, વિદ્યાર્થી શિષ્યવૃત્તિ અને ઘણા સાયન્સ અને મેડિકલ પ્રોજેક્ટ્સ માટે મહત્વપૂર્ણ છે.
ગયા વર્ષે, ગાઝામાં ચાલી રહેલા ઇઝરાયલ-હમાસ યુદ્ધ સામે ઘણી અમેરિકન યુનિવર્સિટીઓમાં પેલેસ્ટાઇનના સમર્થનમાં પ્રદર્શનો યોજાયા હતા. આ પ્રદર્શનોમાં હજારો વિદ્યાર્થીઓએ ભાગ લીધો હતો. અઙના અહેવાલ મુજબ, 1000થી વધુ વિદ્યાર્થીઓની ધરપકડ પણ કરવામાં આવી હતી.
આ દરમિયાન, હાર્વર્ડ યુનિવર્સિટીમાં વિદ્યાર્થીઓએ પેલેસ્ટિનિયન ધ્વજ ફરકાવ્યો. યુનિવર્સિટીએ તેને નીતિ વિરુદ્ધ ગણાવ્યું અને કહ્યું કે વિદ્યાર્થીઓ સામે કાર્યવાહી કરવામાં આવશે.
