ખાસ-ખબર ન્યૂઝ અમદાવાદ
રોયલ ચેલેન્જર્સ બેંગલુરુએ સતત બીજી વખત ઈંઙક જીતી લીધું છે. તેણે રવિવારે ફાઇનલમાં ગુજરાત ટાઇટન્સને 5 વિકેટે હરાવ્યું. વિરાટ કોહલીએ 18મી ઓવરના છેલ્લા બોલ પર છગ્ગો ફટકારી ટીમને જીત અપાવી. કોહલી 75 રન બનાવી અણનમ રહ્યો.
બેંગલુરુએ અમદાવાદના નરેન્દ્ર મોદી સ્ટેડિયમમાં ટોસ જીતીને બોલિંગ પસંદ કરી. ગુજરાતે 20 ઓવરમાં 8 વિકેટ ગુમાવીને 155 રન બનાવ્યા. બેંગલુરુએ 2025માં આ જ મેદાન પર પંજાબ કિંગ્સને હરાવીને ખિતાબ જીત્યો હતો. તે સતત બે ઈંઙક ટ્રોફી જીતનારી ત્રીજી ટીમ બની ગઈ છે. ચેન્નઈ સુપરકિંગ્સ અને મુંબઈ ઇન્ડિયન્સ પણ આવું કરી ચૂકી છે. 156 રનના ટાર્ગેટનો પીછો કરતા છઈઇને વેંકટેશ ઐયર અને વિરાટ કોહલીએ ઝડપી શરૂઆત અપાવી. ઐયરે 16 બોલમાં 32 રન બનાવ્યા, જ્યારે કોહલીએ શરૂઆતથી જ ઇનિંગ્સને સંભાળી રાખી. બંને વચ્ચે પ્રથમ વિકેટ માટે 27 બોલમાં 62 રનની પાર્ટનરશીપ થઈ. દેવદત્ત પડિક્કલ (1), રજત પાટીદાર (15) અને કૃણાલ પંડ્યા (1) જલ્દી આઉટ થયા, પરંતુ કોહલીએ બીજા છેડેથી રન બનાવવાનું ચાલુ રાખ્યું. ટીમ ડેવિડે 17 બોલમાં 24 રનની ઇનિંગ્સ રમીને કોહલીનો સાથ આપ્યો. અંતે જીતેશ શર્મા (11*) સાથે કોહલીએ ટીમને જીત સુધી પહોંચાડી. કોહલી 42 બોલમાં 75 રન બનાવીને અણનમ રહ્યો. ગુજરાત ટાઇટન્સની શરૂઆત ખરાબ રહી હતી અને ટીમે 55 રન સુધીમાં જ પોતાની 3 વિકેટ ગુમાવી દીધી હતી. શુભમન ગિલ (10), સાઇ સુદર્શન (12) અને નિશાંત સિંધુ (20) ઝડપથી આઉટ થઈ ગયો હતો. ત્યારબાદ જોસ બટલર (19) પણ મોટી ઇનિંગ રમી શક્યો નહોતો. જોકે, વોશિંગ્ટન સુંદરે એક છેડો સંભાળી રાખતા 37 બોલમાં અણનમ 50 રન બનાવ્યા હતા અને અર્શદ ખાન (15) તેમજ જેસન હોલ્ડર (7) સાથે નાની-નાની પાર્ટનરશીપ કરીને ટીમને 20 ઓવરમાં 155/8 ના સ્કોર સુધી પહોંચાડી હતી.
