એલન મસ્કની કંપની xAI એઆઈ ટ્યુટર્સને શોધી રહી છે. આ કામ માટે કંપની દર કલાકના 5 હજાર રૂપિયા સુધી આપવા તૈયાર છે. આ એક વર્ક ફ્રોમ હોમ જોબ છે.
એલન મસ્ક એઆઈ ટ્યુટર્સની શોધમાં છે. આ જોબ ઓપનિંગ મસ્કની AI કંપની xAI માટે છે. રિપોર્ટ અનુસાર, કંપની આ કામ માટે 5000 રૂપિયા પ્રતિ કલાક સુધી ચૂકવવા તૈયાર છે. આ કામ તમને તદ્દન ટેક્નિકલ લાગી શકે છે, પરંતુ વાસ્તવમાં તે એટલું ટેકનિકલ નથી. AI ટ્યુટર તરીકે, તમારે ફક્ત એ જ જોવાનું હોય છે કે xAIની આર્ટિફિશિયલ ઈન્ટેલિજન્સ સિસ્ટમ આપવામાં આવેલ ડેટા અને ફીડબેકને યોગ્ય રીતે સમજવા અને શીખવામાં સક્ષમ છે કે કેમ. એકંદરે, આ કામ xAIની આર્ટિફિશિયલ ઇન્ટેલિજન્સ સિસ્ટમને વધુ સ્માર્ટ બનાવવાનું છે.
- Advertisement -
ટેક્નિકલ ટીમ સાથે કરવાનું રહેશે કામ
xAI નું મિશન એક એવી AI બનાવવાનું છે જે વિશ્વભરની વસ્તુઓને સમજી શકે. એક ટ્યુટર તરીકે તમારું કામ આ AI ને લેબલ અને સ્પષ્ટ ડેટા પ્રદાન કરવાનું રહેશે જેથી તે તેનાથી સરળતાથી શીખી શકે. આ ડેટા સાથે, AI સિસ્ટમ ભાષાને સારી રીતે સમજી શકશે. આનાથી યુઝર્સ આને ચેટબોટ અને AI રાઈટિંગ આસિસ્ટન્ટ તરીકે પણ યુઝ કરી શકશે. AI ટ્યુટરે કંપનીની ટેકનિકલ ટીમ સાથે કામ કરવું પડશે અને AIની જરૂરિયાતો અનુસાર ડેટાને મેનેજ કરવો પડશે. AI ટ્યુટરે એ પણ કન્ફર્મ કરવું પડશે કે AI સિસ્ટમને આપવામાં આવતા ડેટાની ક્વોલિટી ટોપ લેવલની હોય.
નોકરી માટે કોણ છે લાયક?
- Advertisement -
AI ટ્યુટર માટે xAI એવા લોકોને શોધી રહી છે જેઓ અંગ્રેજી લખવા અને વાંચવામાં સારા હોય. આ માટે ટેક એક્સપર્ટ હોવું જરૂરી નથી. જો કે, જો તમે લેખન અથવા પત્રકારત્વ સંબંધિત કોઈ કાર્ય કર્યું છે, તો તે તમારા માટે પ્લસ પોઈન્ટ હશે. આ ઉપરાંત, જો તમારી રીસર્ચ સ્કીલ્સ પણ સારી છે, તો xAI માં નીકળેલી વેકેન્સી તમારા માટે એક સુવર્ણ તક હોઈ શકે છે.
બે અઠવાડિયાની ટ્રેનિંગ
આ રિમોટ એટલે કે વર્ક ફ્રોમ હોમ જોબ છે. જો તમારું સિલેકશન થઈ જાય છે તો તમને બે અઠવાડિયાની ટ્રેનિંગ આપવામાં આવશે. આ પછી તમારે સવારે 9 થી સાંજના 5.30 સુધી કામ કરવું પડશે. સારી વાત એ છે કે ટ્રેનિંગ પૂરી થયા પછી તમે તમારા ટાઈમ ઝોન પ્રમાણે કામ કરવાનો સમય પસંદ કરી શકો છો. આ કામ માટે તમને પ્રતિ કલાક $35 થી $65 (લગભગ રૂ. 2,900 થી રૂ. 5,400) મળશે. આ ઉપરાંત, કંપની એઆઈ ટ્યુટર્સને મેડિકલ, ડેન્ટલ અને વિઝન ઈન્સ્યોરન્સ પણ આપશે.
