અભિનેત્રી દેબીના બેનર્જી અને અભિનેતા ગુરમીત ચૌધરી હંમેશા ચાહકો સાથે તેમના મજબૂત બોન્ડ શેર કરે છે. ટીવીની દુનિયાનું આ કપલ હંમેશા હેડલાઈન્સમાં રહે છે.
હાલમાં જ દેબિનાએ પોતાની પ્રેગ્નન્સીની ખુશી ફેન્સ સાથે શેર કરી હતી. આ સમયે, દેબિના તેની પ્રેગ્નેન્સીની સફરનો આનંદ માણી રહી છે અને તેની સુંદર સફરની તસવીરો અને વીડિયો સતત ચાહકો સાથે શેર કરી રહી છે. ટીવી સ્ટાર કપલ ગુરમીત ચૌધરી તથા દેબિના બેનર્જી પેરેન્ટ્સ બનવાના છે. દેબિના બેનર્જી આ દિવસોમાં પ્રેગ્નન્ટ છે. પ્રેગ્નેન્સીના છેલ્લા મહિનામાં એક્ટ્રેસે એક એવો ફોટો શેર કર્યો છે, જેને જોઈને બધા નવાઈમાં જોતા રહી ગયા છે. દેબિનાને હાલમાં આઠમો મહિનો જાય છે. આવી સ્થિતિમાં તેનો પતિ ગુરમીત ચૌધરી તેની ખૂબ કાળજી લઈ રહ્યો છે.
- Advertisement -
પ્રેગ્નન્ટ દેબીના અવારનવાર પોતાની પ્રેગ્નન્સી સાથે જોડાયેલા ફોટો ઈન્સ્ટાગ્રામ પર શેર કરતી રહે છે. દેબિનાએ પ્રેગ્નન્સીના છેલ્લા મહિનાઓમાં સૌથી મુશ્કેલ યોગાસન કરીને તમામ લોકોને નવાઈમાં મૂકી દીધા છે. ઉલ્લેખનીય છે કે આ પહેલાં અનુષ્કા શર્માએ પતિ વિરાટ કોહલીની મદદથી શીર્ષાસાન કર્યું હતું.
દેબિનાએ કહ્યું, પાર્ટનરને કારણે આ શક્ય બન્યું: ગુરમીત ચૌધરી બન્યો દેબીનાનો યોગા ટ્રેનર. દેબિના કોઈ પણ જાતના ટેકા વગર શીર્ષાસન કરતી જોવા મળી હતી. તેની બાજુમાં પતિ ગુરમીત ચૌધરી ઊભો હતો. નોંધનીય છે કે અનુષ્કા શર્માએ દીવાલના ટેકે ઊભા રહીને શીર્ષાસન કર્યું હતું. દેબિનાએ તસવીર શૅર કરીને કહ્યું હતું, ‘જ્યારે તમને જીવન ઊંધા કરી દે ત્યારે બસ તમે તમારો દૃષ્ટિકોણ બદલો. ધ્યાન આપવા જેવી વાત એ છે કે મેં પ્રેગ્નન્ટ થતાં પહેલાં પણ આસન કર્યું હતું, પરંતુ કંઈ ના થયું અને ત્યારે મેં વિચાર્યું કે આ રીતે લટકતા રહીએ તો ફોટો સારો આવે છે. આવું હું વર્ષોથી કરું છું અને આમ કરીને મને સારું ફીલ થયું. મને લાગ્યું કે આ આઇડિયા સારો છે, ત્યાં સુધી મેં આ કર્યું છે.’
https://www.instagram.com/p/Cboky35KXza/
- Advertisement -
વધુમાં દેબિનાએ કહ્યું હતું, ‘ધ્યાન રહે કે પ્રેગ્નન્સીમાં તમારી સેન્ટર ઓફ ગ્રેવિટી બહુ જલ્દી બદલાઈ જાય છે. આ જ કારણે બેલેન્સ રાખવું જોખમી છે. આ તો મારો પાર્ટનર સ્ટ્રોંગ છે અને તેણે મારું બરોબર ધ્યાન રાખ્યું હતું. જો તમે આ કરો તો અનુભવી યોગ ટીચરની હાજરીમાં જ કરો.’
યુઝર્સે કમેન્ટ્સ કરી : દેબિનાની આ તસવીર પર કેટલાંક યુઝર્સે વખાણ કર્યા હતાં તો કેટલાંક નારાજ પણ થયા હતા. એક કહ્યું હતું કે યોગ બાળક તથા માતા બંને માટે લાભદાયી છે. કેટલાંકે ચિંતા પ્રગટ કરીને કહ્યું હતું કે ખબર નહીં કેમ પ્રેગ્નન્સીમાં આ બધું કરવું જરૂરી છે? આ સિવાય કોઈ આસન જ નથી કે? અન્ય એકે કહ્યું હતું કે તેની માતાએ પ્રેગ્નન્સીના 8-9 મહિના સુધી આ કર્યું હતું અને તે દસમા મહિને જન્મી હતી.
દેબિના તથા ગુરમીતે 9 ફેબ્રુઆરીએ સો.મીડિયામાં એક તસવીર શૅર કરી હતી. આ તસવીરમાં દેબિના બેબી બમ્પ ફ્લૉન્ટ કરતી જોવા મળી હતી. આ તસવીર શૅર કરીને તેમણે કહ્યું હતું, ‘અમે 3 થવા જઈ રહ્યા છીએ. જુનિયર ચૌધરી આવશે. તમારા આશીર્વાદ જોઈએ.’
ગુરમીત અને દેબિના 2008માં ટેલિકાસ્ટ થયેલા ટીવી શો ‘રામાયણ’માં રામ-સીતા બન્યાં હતાં. આ શોથી બંનેને ઘણી પોપ્યુલારિટી મળી હતી. શોના ત્રણ વર્ષ બાદ એટલે કે 2011માં બંનેએ લગ્ન કર્યાં હતાં. બંને ડાન્સ રિયાલિટી શો ‘નચ બલિયે’ અને ‘પતિ, પત્ની ઔર વો’ શોમાં પણ સાથે જોવા મળ્યાં હતાં. 11 વર્ષ બાદ બંને ‘શુભો બિજોયા’ નામની શોર્ટ ફિલ્મમાં સાથે જોવા મળ્યા હતા. દેબિના 2016-17માં ટેલિકાસ્ટ થયેલ ‘સંતોષી મા’માં મુખ્ય ભૂમિકામાં હતી. ત્યારબાદ તે ‘તેનાલી રામ’, ‘ખીચડી રિટર્ન્સ’, ‘લાલ ઇશ્ક’, ‘કિચન ચૅમ્પિયન’ જેવા શોમાં દેખાઈ હતી, પરંતુ તેમાં ક્યાંકે તેનો સ્પેશિયલ અપિયરન્સ હતો તો ક્યાંક કન્ટેસ્ટન્ટ તરીકે દેખાઈ હતી. ગુરમીતની વાત કરીએ તો તે છેલ્લે ફિલ્મ ‘ધ વાઇફ’માં જોવા મળ્યો હતો.
