નરેન્દ્રભાઈ મોદીના કટઆઉટને રાખડી બાંધતા અંજલીબેન રૂપાણી સ્પર્ધામાં બનાવાયેલ રાખડી રાજ્યના સંવેદનશીલ મુખ્યમંત્રી વિજયભાઈ રૂપાણીના કાંઠે બાંધી તેમના આરોગ્ય અને સુખાકારી માટે પ્રાર્થના કરાશે
શહેર ભાજપ મહિલા મોરચાના પ્રભારી અંજલીબેન રૂપાણી, પ્રદેશ ભાજપ મંત્રી બીનાબેન આચાર્યના માર્ગદર્શન હેઠળ અને પ્રમુખ કિરણબેન માકડીયા, મહામંત્રી લીનાબેન રાવલ, કિરણબેન હરસોડાની આગેવાનીમાં આગામી દિવસોમાં રક્ષાબંધનનું પાવન પર્વ આવી રહયુ હોય તેની ઉજવણીના ભાગરૂપે શહેર ભાજપ મહિલા મોરચા ધ્વારા શહેરના મેયર બંગલા ખાતે બહેનો માટે રાખડી સ્પર્ધાનું આયોજન કરવામાં આવેલ. આ રાખડી સ્પર્ધામાં દેશના પ્રધાનમંત્રી માન. નરેન્દ્રભાઈ મોદી અને રાજયના સંવેદનશીલ મુખ્યમંત્રી વિજયભાઈ રૂપાણીના કટઆઉટને બહેનોએ રાખડી બાંધી તેમનો ગ્રેટ કોરોના વોરીયર્સ તરીકે આભાર વ્યકત કર્યો હતો. અને દરેક બહેનો ફોટાની યાદગીરી રૂપે ફોટોફ્રેમ આપી હતી. ત્યારે આ રાખડી સ્પર્ધામાં ૧૦૮ સ્પર્ધક બહેનોએ ભાગ લીધો હતો. અને વિજેતા બહેનોને ઈનામ અને સર્ટીફીકેટ આપવામાં આવ્યા હતા. આ કાર્યક્રમને સફળ બનાવવા ડે.મેયર ડો. દર્શીતાબેન શાહ, કાશ્મીરાબેન નથવાણી, રૂપાબેન શીલુ, ભાનુબેન બાબરીયાએ જહેમત ઉઠાવી હતી.આ સ્પર્ધામાં દરેક વોર્ડમાંથી મહિલા કોર્પોરેટરો, હોદેદારો તેમજ બહેનો ઉપસ્થિત રહયા હતા.
