બિગ બોસ 15ની ટ્રોફી થઈ તેજસ્વી પ્રકાશને નામ

ફર્સ્ટ રનર-અપ પ્રતીક સહજપાલ સ્ટેજ પર થયો ભાવુક

તેજાના ઉપનામ સાથે બિગ બોસમાં જાણીતી થયેલી તેજસ્વી પ્રકાશ રિયાલિટી શો બિગ બોસ 15ની વિજેતા બની છે. જ્યારે ફર્સ્ટ રનર-અપ પ્રતીક સહજપાલ બન્યો છે. ટ્રોફીથી એકદમ દૂર રહેનાર પ્રતીક સહજપાલ સ્ટેજ પર ભાવુક બન્યો હતો.

તેમજ અનેક રીયાલિટી શોમાં જજ તરીકે રહેનાર કરણ કુંદ્રા ઓછા વોટને કારણે ટોપ 2માં પણ સ્થાન બનાવી શક્યો નહોતો. ટોપ 4માં શમિતા શેટ્ટી અને ટોપ 5માં નિશાંત ભટ્ટ રહ્યા હતા. નિશાંત ભટ્ટ 10 લાખ રૂપિયા લઈને વિજેતાની રેસમાંથી બહાર નીકળી ગયો હતો.

 બિગ બોસ – 15 ના ફિનાલેમાં પ્રમોશન માટે ફિલ્મ “ગેહરાયિઆ”ની ટીમ હાજર રહી

ગ્રાન્ડ ફિનાલેમાં અગાઉની સિઝનના વિનર પણ હાજર રહ્યા હતા. સિઝન 4ની વિનર શ્વેતા તિવારી, સિઝન 6ની વિનર ઉર્વશી ધોળકીયા, સિઝન 7ની વિનર ગૌહર ખાન, સિઝન 8નો વિનર ગૌતમ ગુલાટી અને સિઝન 14ની વિનર રૂબીના દિલેકની શાનદાર હાજરીએ શોમાં એકસ્ટ્રા ચમક લાવી હતી.

નાગિન-6 માં જોવા મળશે તેજસ્વી પ્રકાશ

બિગ બોસ 15ની વિજેતા ઘોષિત થવાની સાથે તેજસ્વી પ્રકાશ કલર્સના પ્રચલિત શો નાગિન – 6 માં પણ જોવા મળશે તેની જાહેરાત કરવામાં આવી છે. આ સાથે સેહનાઝ ગીલે “ મેરે દિલ કો પતા હૈ ” ના ગીત પર ડાન્સ કરીને બિગ બોસ 13ના વિનર સિદ્ધાર્થ શુક્લાને ટ્રીબ્યુટ આપ્યું હતું.

સિદ્ધાર્થને યાદ કરીને સલમાન ખાન અને સેહનાઝ ભાવુક થઈને રડી પડ્યા હતા.

આ ઉપરાંત એમેઝોન પ્રાઈમ પર 11 ફેબ્રુઆરીના રોજ રિલીઝ થનાર ગહેરાયિઆ ફિલ્મની સ્ટાર કાસ્ટ હાજર રહી હતી. દિપીકા પાદુકોણ અને અનન્યા પાંડેના ગ્લેમર્સ લુકે શોમાં વધુ ગ્લેમર ઉમેર્યું હતું.