સંરક્ષણ ક્ષેત્રે સ્વનિર્ભર બનવા અદાણી ડિફેન્સની વધુ એક કવાયત

ઈઝરાયેલની કંપની સાથે ટેકનોલાજી અને સિસ્ટમ ડેવલપમેન્ટ માટે કરાર થયા
ખાસ-ખબર સંવાદદાતા
અદાણી ગ્રૂપ ડિફેન્સ સેક્ટરમાં ભારતને આત્મનિર્ભર બનાવવા અગ્રેસર છે. અદાણી એન્ટરપ્રાઇઝે ઈઝરાયેલની ડિફેન્સ ઈલેક્ટ્રોનિક્સ કંપની સાથે મોટા કરાર પર હસ્તાક્ષર કર્યા છે. બંને કંપનીઓ સંરક્ષણ એપ્લિકેશન માટે ટેકનોલોજી અને સિસ્ટમ ડેવલપમેન્ટ માટે સાથે મળીને કામ કરશે. જેમાં ઇઝરાયેલની કંપની અદાણી એન્ટરપ્રાઇઝની સ્ટેપ-ડાઉન સબસિડિયરીમાં 44 ટકા હિસ્સો લેશે.
અદાણી એન્ટરપ્રાઇઝે ઇઝરાયેલની એલ્બિટ સિસ્ટમ્સ લિમિટેડ સાથે મળીને રક્ષાક્ષેત્રે મોટો સોદો કર્યો છે. કંપનીની સંપૂર્ણ માલિકીની પેટાકંપની અદાણી ડિફેન્સ સિસ્ટમ્સ એન્ડ ટેક્નોલોજીસ લિમિટેડ (અઉજઝક)એ ઊજક સાથે કરાર પર હસ્તાક્ષર કર્યા છે. બંને કંપનીઓ વચ્ચેના સોદાની વિગતો જાણીએ તો અદાણી ડિફેન્સ સિસ્ટમની સંપૂર્ણ માલિકીની પેટાકંપની અથર્વ એડવાન્સ્ડ સિસ્ટમ્સ એન્ડ ટેક્નોલોજી (અઅજઝક) સાથે ઇઝરાયેલની ઊજક 44 ટકા હિસ્સા ભાગીદારી કરશે. એટલે કે ત્યારબાદ કંપનીમાં અદાણી જૂથનો હિસ્સો 56 ટકા રહેશે. ડીલ પ્રમાણે અથર્વ એડવાન્સ્ડ સિસ્ટમ્સ ઇઝરાયેલની આંતરરાષ્ટ્રીય ડિફેન્સ ઇલેક્ટ્રોનિક્સ કંપની એલ્વિટ સિસ્ટમ્સને શેર ઇશ્યૂ કરશે. કંપની પ્રવક્તાએ જણાવ્યું હતું કે આ કરારો સંરક્ષણ એપ્લિકેશ્સ માટે વિવિધ તકનીકો અને સિસ્ટમના વિકાસ અને ઉત્પાદન હેતુ કરવામાં આવ્યા છે. આત્મનિર્ભરતાની પહેલ સાથે કંપની સંરક્ષણ અને એરોસ્પેસમાં ગ્લોબલ લીડર બનવા વિશ્ર્વ-કક્ષાના હાઇ-ટેક સંરક્ષણ ઉત્પાદનો માટે કાર્યરત છે. અદાણી ડિફેન્સે ભારતની પ્રથમ માનવરહિત એરિયલ વ્હિકલ મેન્યુફેક્ચરિંગ ફેસિલિટી સ્થાપી છે. કંપનીએ સંરક્ષણ અને સીવીલ એપ્લિકેશન બંને માટે કાઉન્ટર ડ્રોન સિસ્ટમ્સ લાગુ કરવાની પણ પહેલ કરી છે. સંરક્ષણ ક્ષેત્રમાં વૈશ્ર્વિક ધોરણોને અનુરૂપ સુવિધાઓ અને ક્ષમતાઓનાં સેટઅપ સાથે અદાણી ડિફેન્સ ભારતને વૈશ્ર્વિક નિકાસના નકશા પર લાવવાનો માર્ગ મોકળો બનાવી રહી છે.