એર ઈન્ડિયાની મુંબઈથી ન્યૂયોર્ક જતી ફ્લાઈટમાં બોમ્બની ધમકીના કારણે તેને દિલ્હી તરફ ડાયવર્ટ કરવામાં આવી હતી. હાલ પોલીસ અને સુરક્ષા એજન્સીઓ વિમાનની તપાસ કરી રહી છે.
એર ઈન્ડિયાની ફ્લાઈટને લઈને મોટા સમાચાર સામે આવી રહ્યા છે. મુંબઈથી ન્યૂયોર્ક જઈ રહેલી એર ઈન્ડિયાની ફ્લાઈટને બોમ્બની ધમકી મળી છે, ત્યાર બાદ તેને દિલ્હી તરફ ડાયવર્ટ કરવામાં આવી છે. ફ્લાઈટનું ટૂંક સમયમાં જ આઈજીઆઈ એરપોર્ટ પર ઈમરજન્સી લેન્ડિંગ કરવામાં આવ્યું હતું.
- Advertisement -
દિલ્હી પોલીસના જણાવ્યા અનુસાર બોમ્બની ધમકી મળ્યા બાદ એર ઈન્ડિયાની ફ્લાઈટ જે મુંબઈથી ન્યૂયોર્ક જઈ રહી હતી તેને સુરક્ષાના કારણોસર દિલ્હી ડાયવર્ટ કરવામાં આવી છે. વિમાન હાલમાં IGI એરપોર્ટ પર છે.
તમામ મુસાફરો અને ફ્લાઇટ ક્રૂને ફ્લાઇટમાંથી ઉતારી દેવામાં આવ્યા છે.આ સાથે જ દિલ્હી પોલીસે તમામ મુસાફરોને કોઈપણ પ્રકારની અપ્રમાણિત માહિતી ન ફેલાઈ એ માટે સહયોગની અપીલ કરી છે.
