કોવિડ મહામારીનાં 3 વર્ષ: ભારતની ઇકોનોમી તાકતવર બની, પણ મોંઘવારી આસમાને

 દેશમાં મધ્યમ વર્ગ પર બોજો વધી રહ્યો છે: વ્યાજદરો વધતા EMIનો માર પડ્યો: કોરોના પછી મોંઘવારી ફુંફાડા મારી રહી છે: રશિયા-યુક્રેન યુદ્ધે બળતામાં ઘી હોમ્યું છતાં ભારતની આર્થિક વિકાસની ગાડી દોડી

ખાસ-ખબર સંવાદદાતા
માર્ચ 2020નો મહિનો કોણ ભૂલી શકે. કોરોના રોગચાળો ફાટી નીકળતાં, 22 માર્ચે જનતા કફર્યુ લાદવામાં આવ્યો હતો અને 24 માર્ચે પ્રથમ વખત લોકડાઉન થયું હતું. આ પછી, લોકડાઉનનો સમયગાળો જેણે દેશમાં આર્થિક પ્રવળત્તિઓને ખરાબ રીતે અસર કરી, તે જ સમયે અર્થતંત્રને નકારાત્મક ઝોનમાં મૂકયું. તેની કંપનીઓના બિઝનેસ પર પણ નકારાત્મક અસર જોવા મળી, જેના કારણે લાખો લોકોએ નોકરી ગુમાવી. કોવિડ રોગચાળાના તે સમયગાળાને ત્રણ વર્ષ થઈ ગયા છે. આવી સ્થિતિમાં, એ મૂલ્યાંકન કરવું જરૂરી છે કે કોરોના રોગચાળાને કારણે લોકડાઉનના નિર્ણયની અસર લગભગ 1000 દિવસ પછી એટલે કે ત્રણ વર્ષ પછી પણ અર્થવ્યવસ્થા અને સામાન્ય માણસ પર ઊંડી હતી.

ભારત ઝડપથી બહાર આવ્યું
આ બધું હોવા છતાં, ભારતે ખૂબ જ ઝડપી આર્થિક ગતિ પકડી છે. તમામ મુશ્કેલીઓ છતાં ભારતનો વિકાસ અને આર્થિક ગતિ અકબંધ રહી. ઇન્ડસ્ટ્રી ચેમ્બર એસોચેમના ડાયરેક્ટર જનરલ દીપક સૂદ કહે છે કે સરકાર દ્વારા આર્થિક ગતિ વધારવા માટે લેવામાં આવેલા પગલાં આર્થિક પ્રવળત્તિઓને પાટા પર લાવવામાં ઘણી હદ સુધી મદદરૂપ થયા છે. ઉદ્યોગો અને સામાન્ય લોકોના સહયોગથી ભારતમાં આર્થિક પ્રવળત્તિઓ જે રીતે પાટા પર પાછી આવી છે, તે પ્રશંસનીય છે. આજની તારીખમાં ભારતની અર્થવ્યવસ્થા એવા સ્તરે પહોંચી ગઈ છે કે તે કોઈપણ પડકારનો સામનો કરવા તૈયાર છે.

EMIના બોજા હેઠળ દબાયો આમ આદમી
અર્થશાસ્ત્રી એસ. વેંકટેશ કહે છે કે લોકડાઉનની અર્થવ્યવસ્થાની સાથે સામાન્ય માણસને પણ ખરાબ અસર થઈ છે. પ્રથમ મોટી અસર એ થઈ કે લોન મોંઘી થઈ. જે દેશમાં 70 થી 80 ટકા જરૂરી ચીજવસ્તુઓ લોન પર એટલે કે ઊખઈં પર ખરીદવામાં આવે છે, ત્યાં લોકોના ખિસ્સા પર તેની શું અસર થઈ હશે તેનો અંદાજ લગાવી શકાય છે. વૈશ્વિક સ્તરે કાચો માલ મોંઘો બન્યો છે. આ કારણે ભારતમાં શાકભાજી, કઠોળ, ઘઉં અને અન્ય ખાદ્ય ચીજોના ભાવ સતત વધતા રહ્યા છે. કિચનનું બજેટ બગડ્યું. આવક ઘટી. સામાન્ય માણસ હજુ પણ તેમાંથી બહાર આવવાનો પ્રયાસ કરી રહ્યો છે. જઊંઈં કેપિટલ વેન્ચર્સના વડા નરેન્દ્ર વાધવા કહે છે કે લોકડાઉન પછી ઘણા ક્ષેત્રો પાછા ફર્યા છે, પરંતુ ઘણા ક્ષેત્રોમાં પડકારો હજુ પણ છે. લઘુ ઉદ્યોગો હજુ સંપૂર્ણ રીતે પાટા પર પાછા આવવાના બાકી છે. રોજગારી હજુ પણ સંતોષકારક સ્તરે આવી નથી.