અંગ્રેજીમાં સત્યનારાયણની કથાનો એક વીડિયો વાયરલ થયો છે જે ખરેખર સાંભળવો ગમે તેવો છે.
બધાએ પોતપોતાની માતૃભાષામાં સત્યનારાયણ કથા અવશ્ય સાંભળી હશે. સત્યનારાયણ કથા સાંભળવાનો પણ એક લ્હાવો હોય છે અત્યાર સુધી તો આપણે ફક્ત હિંદી કે સંસ્કૃતમાં સત્યનારાયણની કથા સાંભળી હશે પરંતુ પહેલી વાર અંગ્રેજીમાં સત્યનારાયણની કથા થઈ હોવાનો એક વીડિયો સોશિયલ મીડિયા પર વાયરલ થયો છે જેમાં પંડિતજી અંગ્રેજીમાં સત્યનારાયણ કથા સંભળાવી રહ્યા છે. વીડિયોમાં પંડિતજી અંગ્રેજીમાં વાર્તા સંભળાવતા જોવા મળી રહ્યા છે અને ઘરના સભ્યો ત્યાં બેસીને વાર્તા સાંભળી રહ્યા છે, જેમાં પુરુષો, મહિલાઓ અને બાળકોનો સમાવેશ થાય છે. દરેક વ્યક્તિ ખૂબ જ ઉત્સાહથી વાર્તા સાંભળી રહ્યા છે.
- Advertisement -
વીડિયો દક્ષિણ ભારતનો હોવાની શક્યતા
વીડિયો જોઇને અંદાજો લગાવી શકાય છે કે આ વીડિયો દક્ષિણ ભારતનો છે, કારણ કે વીડિયોમાં જોવા મળતી પૂજા સામગ્રી અને સમગ્ર પૂજા પદ્ધતિ દક્ષિણ ભારતીય સંસ્કૃતિની હોય તેવું લાગી રહ્યું છે. વિડિઓમાં કથા સાંભળનાર પરિવાર પણ દક્ષિણ ભારતીય લાગે છે. દક્ષિણ ભારતના ઘણા ભાગોમાં અંગ્રેજી બોલાય છે. અનુમાન લગાવવામાં આવી રહ્યું છે કે આ વીડિયો દક્ષિણ ભારતમાં સ્થિત એક ઘરનો છે.
Satyanarayan katha in English, for new generation understanding pic.twitter.com/ptsiVQX5dg
— KulwantSingh ਲੰਬੜਦਾਰ 🇮🇳 (@KulwantJanjue) August 10, 2022
- Advertisement -
સોશિયલ મીડિયા પર ખૂબ જોવાયો વાયરલ વીડિયો
સોશિયલ મીડિયાના અલગ અલગ પ્લેટફોર્મ પર આ વીડિયો વધુને વધુ વાયરલ થઇ રહ્યો છે. આ વીડિયોને હજારો વખત જોવામાં આવ્યો છે અને લોકો તેના પર ઘણી કમેન્ટ પણ કરી રહ્યા છે.
નવી પેઢી અને અંગ્રેજીમાં ભણેલા છોકરાઓને કામ લાગશે
અંગ્રેજીમાં સત્યનારાયણની કથા નવી પેઢી અને અંગ્રેજીમાં ભણેલા છોકરાઓને કામમાં લાગશે.
