જૂનાગઢનાં બરફીનાં નામે વેંચાય છે ડ્રગ્સ, પોલીસની સતર્કતા વધી
રાજ્યનાં મેગા સિટીમાંથી ડ્રગ્સનું દુષણ જૂનાગઢ જેવા શહેરમાં પહોંચ્યું?
- Advertisement -
જૂનાગઢ પોલીસની સતર્કતાનાં કારણે 233 ગ્રામ ડ્રગ્સ પકડાયું
ખાસ-ખબર સંવાદદાતા
જૂનાગઢમાં ટુંકા સમયમાં ડ્રગ્સ પકડાવાની બે ઘટના બની છે. પહેલા ગડુ નજીકને એસઓજીએ એક શખ્સને ડ્રગ્સ સાથે ઝડપી લીધો હતો. બાદ એલસીબીએ જૂનાગઢમાંથી 233 ગ્રામ ડ્રગ્સનો જથ્થો પડકી પાડ્યો હતો. આ જથ્થો જૂનાગઢનાં ઇતિહાસનો સૌથી મોટો જથ્થો હોવાનું માનવામાં આવી રહ્યું છે. જૂનાગઢમાં ડ્રગ્સની ઘટના બાદ પોલીની સર્તકતા વધી ગઇ છે. પરંતુ સવાલ એ છે કે, રાજ્યનાં મેગાસિટીની માફક જૂનાગઢ પણ ડ્રગ્સનાં ભરડામાં આવી રહ્યું છે ?. જૂનાગઢનાં યુવાનો પણ ડ્રગ્સનાં રવાડે ચડી રહ્યાં છે ?. જૂનાગઢમાં એક ચર્ચા મજુબ બરફીનાં નામે ડ્રગ્સનું વેંચાણ થઇ રહ્યું છે. પોલીસની સર્તકતાથી હાલતો ડ્રગ્સ વેંચનાર ભુર્ગભમાં ઉતરી ગયા છે.
- Advertisement -
જૂનાગઢમાં દારૂનાં જથ્થાને તો વારંવાર પોલીસ પકડી રહી છે. બુટલેગરોનાં પેતરા નિષ્ફળ બનાવી રહી છે. આ ઉપરાંત ગાંજા સાથે પણ અનેક લોકોને પોલીસને પકડી પાડયાં છે. પરંતુ લાંબા સમય બાદ જૂનાગઢમાંથી ડ્રગ્સ પકડાયું છે. જૂનાગઢ એસઓજીએ ગડુ નજીકથી એક શખ્સને ડ્રગ્સ સાથે પકડી પાડ્યો હતો. બાદ જૂનાગઢમાં ડ્રગ્સનું દુષણ હોવાની શંકા સેવાઇ હતી. પોલીસ સર્તક બની હતી. બાદ જૂનાગઢ એલસીબીએ શહેરમાંથી 233.78 ગ્રામ મેફેડ્રોન ડ્રગ્સનો જથ્થો પકડી પાડ્યો હતો અને આ જથ્થો આજ સુધીનો સૌથી મોટી હોવાનું મનાવામાં આવી રહ્યું છે. ડ્રગ્સ સાથે પકડાયેલા શખ્સની પુછપરછમાં છુટક વેંચાણ કરતા હોવાનું સામે આવ્યું છે. એનો અર્થ એ થયો કે જૂનાગઢમાં અનેક લોકો ડ્રગ્સનાં બંધાણી થઇ ગયા છે.
રાજ્યનાં મેગા સિટીમાં ડ્રગ્સનાં સેવનનું દુષણ વધી રહ્યું છે. પરંતુ હવે જૂનાગઢ જેવા સિટીમાં પણ ડ્રગ્સનું દુષણ પહોંચ્યું છે. ડ્રગ્સ યુવાધનને બરાદ અને ખોખલો કરી નાખે છે. આર્થીક રીતે પણ પાયમાલ બનાવી દે છે. જૂનાગઢમાં બે ઘટનામાં એક મુંબઇથી અને બીજા શખ્સને મુળ હરિયાણાનાં હાલ સુરતનાં શખ્સે ડ્રગ્સ પહોંચાડ્યું હતું. જૂનાગઢનાં ડ્રગ્સનું દુષણ ફેલાવતા શખ્સનું નેટવર્ક મુંબઇ અને હરિયાણા સુધી વિસ્તૃત થઇ ગયું છે. આ નેટવર્કને ખતમ કરવામાં નહી આવે તો મેગા સિટીની જેમ જૂનાગઢ પણ ડ્રગ્સનાં ભરડામાં આવી જશે. જૂનાગઢમાં ધણા સમયથી કેટલાક લોકો ડ્રગ્સનું સેવન કરે છે. અને શહેરમાં બરફીનાં નામે ડ્રગ્સ વેચાતું હોવાની પણ ચર્ચા છે. પરંતુ જૂનાગઢમાં પોલીસે મોટો જથ્થો પકડી ડ્રગ્સનું વેચાણ કરતા તત્વો ધૂળ ચાટતા કરી દીધા છે. પરંતુ અહીંથી પોલીસની ફરજ વધી જાય છે. જૂનાગઢ જેવા નાના શહેરનાં અને શહેરનાં યુવાનધનને ડ્રગ્સ જેવા દુષણથી દુર રાખવા વધુ સર્તકતા રાખવી પડશે.
પોલીસ પોતાની ફરજ નિષ્ઠાનાં કારણે જ જૂનાગઢનાં ડ્રગ્સ જેવા દુષણથી દુર રાખી શકશે. હાલ જૂનાગઢ જિલ્લાનાં એસપી રવી તેજા વાસમ શેટ્ટીની સર્તકતાથી ડ્રગ્સ વેંચાનાર ભુર્ગભમાં જતા રહ્યાં છે. બીજી તરફ એલસીબી પીઆઇ એચ.આઇ.ભાટી અને ટીમ જૂનાગઢમાંથી પકડાયેલા ડ્રગ્સનાં મુળ સુધી જવા પ્રયાસ કરી રહ્યાં છે. એક માત્ર પોલીસ જ જૂનાગઢમાં વધતા ડ્રગ્સનાં દુષણમાંથી બચાવી શકે તેમ છે.
સોરઠનાં દરિયા કિનારે સતર્કતા વધારવી પડશે
પોરબંદર દરિયામાંથી અનેક વખત ડ્રગ્સ પકડાયું છે. તેમજ રાજ્યનાં અનેક બંદરો પરથી ડ્રગ્સનો મોટો જથ્થો પકડાયો છે. જૂનાગઢ અને ગીર સોમનાથ જિલ્લા પાસે દરિયા કિનારો મોટો છે. તેમજ પોરંબદર પણ નજીક છે. ત્યારે જૂનાગઢમાં આવતા ડ્રગ્સને રોકવા સોરઠનાં દરિયા કિનારે સર્તકતા વધારવી પડશે.
સોરઠમાં 3 મરિન પોલીસ સ્ટેશન છે
દરિયા સીમા સુરક્ષા અને પેટ્રોલીંગ માટે જૂનાગઢ અને ગીર સોમનાથ જિલ્લામાં 3 મરીન પોલીસ સ્ટેશન આવેલા છે. જેમાં માંગરોળ, સોમનાથ અને નવા બંદર મરીન પોલીસ સ્ટેશનનો સમાવશે થાય છે. મરીન પોલીસ સ્ટેશનનાં સ્ટાફ દ્વારા સુમદ્રમાં પેટ્રોલીંગ કરવામાં આવે છે. સોઠરમાં આવતા ડ્રગ્સને રોકવા માટે મરીન પોલીસની પણ જવાબદરી વધી જાય છે. આ ઉપરાંત પોબંદરમાં પણ 3 મરીન પોલીસ સ્ટેશન આવેલા છે.
ડ્રગ્સ સાથે પકડાયેલો શખ્સ 10 દિવસનાં રીમાન્ડ પર
જૂનાગઢ એલસીબીએ દોલતપરામાંથી હરેશ ભુપત વદરને 233.78 ગ્રામ ડ્રગ્સ સાથે પકડી પાડ્યો હતો. આ ઘટનાની તપાસ એસઓજી પીઆઇ એ.એમ. ગોહિલને સોંપવામાં આવી છે. પોલીસને હરેશ વદરને કોર્ટમાં રજુ કરતા કોર્ટે 10 દિવસનાં રીમાન્ડ મંજુર કર્યાં હતાં. પકડાયેલા શખ્સે કોને કોને ડ્રગ્સ આપ્યું ? તેમજ અન્ય કોઇની સંડોવણી છે કે નહી તેની તપાસ પોલીસે શરૂ કરી છે.
