ઓમિક્રોનનું ટેસ્ટિંગ કરનાર પ્રથમ કિટ Omisureને મંજૂરી

મુંબઈની ટાટા મેડિકલે તૈયાર કરી છે કિટ

કિટ એસ-જીન ટાર્ગેટ ફેલિયર સ્ટ્રેટેજીથી ઓમિક્રોન છે કે નહીં એ અંગેની તપાસ કરે છે

ખાસ-ખબર સંવાદદાતા
કોરોનાનો નવા વેરિયન્ટ ઓમિક્રોન સમગ્ર વિશ્વમાં ઝડપથી ફેલાઈ રહ્યો છે. આ દરમિયાન ICMRAએ મોટો નિર્ણય લીધો છે. ICMRAએ ઓમિક્રોનની તપાસ કરનારી પ્રથમ કિટને મંજૂરી આપી છે. એને ટાટા મેડિકલે તૈયાર કરી છે. એનું નામ Omisure છે.

ટાટા મેડિકલ, મુંબઈની કિટને મંજૂરી 30 ડિસેમ્બરે મળી ગઈ હતી. જોકે આ અંગેની માહિતી હવે જાહેર કરવામાં આવી છે. અત્યારસુધી ઓમિક્રોનની તપાસ કરવા માટે બીજી કિટનો ઉપયોગ થઈ રહ્યો છે. આ મલ્ટિપ્લેક્સ કિટનું અમેરિકાની થર્મો ફિશર દ્વારા માર્કેટિંગ કરવામાં આવી રહ્યું છે. આ કિટ એસ-જીન ટાર્ગેટ ફેલિયર સ્ટ્રેટેજીથી ઓમિક્રોન છે કે નહીં એ અંગેની તપાસ કરે છે. હવે ટાટાની જે કિટને મંજૂરી આપવામાં આવી છે એનું નામ ટાટા એમડી ચેક RT-PCR ઓમિશ્યોર છે. ઓમિક્રોન કોરોનાનો નવો વેરિયન્ટ છે. એને ડેલ્ટા કે ડેલ્ટા પ્લસ જેટલો ઘાતક માનવમાં આવી રહ્યો નથી, જોકે એની સરખામણીએ એ ખૂબ જ ઝડપથી ફેલાઈ રહ્યો છે. સ્વાસ્થ્ય મંત્રાલયે જણાવ્યું હતું કે દેશમાં ઓમિક્રોનના કુલ કેસની સંખ્યા વધીને 1892 થઈ છે.

મહારાષ્ટ્ર અને દિલ્હીમાં ઓમિક્રોનના સૌથી વધુ 568 અને 382 કેસ છે. ઓમિક્રોનના 1892 દર્દીમાંથી 766 દર્દી સાજા થઈ ગયા છે.