વુમન્સ T-20 વર્લ્ડકપમાંથી ભારત બહાર

ઓસ્ટ્રેલિયાએ 6 વિકેટે હરાવ્યું : કેપ્ટન હરમનપ્રીતની ફિફ્ટી કામ ન આવી

ભારતીય વુમન્સ ટીમ T-20 વર્લ્ડ કપમાંથી બહાર થઈ ગઈ છે. લૉર્ડ્સમાં રમાયેલી મેચમાં ઑસ્ટ્રેલિયાએ ભારતને 6 વિકેટે હરાવ્યું. કેપ્ટન હરમનપ્રીત કૌરની અડધી સદીની ઇનિંગ્સ પણ ટીમને જીત અપાવી શકી નહીં. ભારતે ટૉસ જીતીને પ્રથમ બેટિંગ કરતા 20 ઓવરમાં 4 વિકેટે 170 રન બનાવ્યા. શેફાલી વર્મા અને સ્મૃતિ મંધાનાએ પ્રથમ વિકેટ માટે 66 રન જોડીને ઝડપી શરૂઆત અપાવી. શેફાલી 34 અને સ્મૃતિ 38 રન બનાવીને આઉટ થઈ. કેપ્ટન હરમનપ્રીત કૌરે 27 બોલમાં 56 રનની ઇનિંગ્સ રમી. તેમણે 6 ચોગ્ગા અને 3 છગ્ગા ફટકાર્યા. હરમનપ્રીતે જેમિમા રોડ્રિગ્સ (34 રન, રિટાયર્ડ આઉટ) સાથે ત્રીજી વિકેટ માટે 64 રનની ભાગીદારી કરી. છેલ્લી ઓવરમાં તેમણે ઑસ્ટ્રેલિયન કેપ્ટન સોફી મોલિન્યુ પર સતત ત્રણ છગ્ગા ફટકારીને ભારતનો સ્કોર 170 રન સુધી પહોંચાડ્યો. જવાબમાં ઑસ્ટ્રેલિયાની શરૂઆત ખરાબ રહી. રેણુકા સિંહે પહેલી જ ઓવરમાં જ્યોર્જિયા વૉલને આઉટ કરી દીધી. ત્યારબાદ શ્રી ચરણીએ ફીબી લિચફિલ્ડ અને દીપ્તિ શર્માએ બેથ મૂનીની વિકેટ લઈને ભારતને મેચમાં ટકાવી રાખ્યું. જોકે એલિસ પેરી અને એશ્લે ગાર્ડનરે ચોથી વિકેટ માટે સદીની ભાગીદારી કરીને મેચનો રસ્તો ઓસ્ટ્રેલિયા તરફ વાળી દીધો. પેરીએ 56 રનની ઇનિંગ રમી. ગાર્ડનર 53 રન બનાવીને અણનમ રહી. ઓસ્ટ્રેલિયાએ 19 ઓવરમાં 4 વિકેટે 172 રન બનાવીને ટાર્ગેટ ચેઝ કરી લીધો.

ઓસ્ટ્રેલિયાએ 19મી ઓવરમાં 4 વિકેટે 172 રન બનાવીને ટાર્ગેટ ચેઝ કરી લીધો. જ્યોર્જિયા વેરહેમે શ્રી ચરણીની છેલ્લી બોલ પર ચોગ્ગો ફટકારીને ટીમને જીત અપાવી. આ હાર સાથે ભારતની સફર સમાપ્ત થઈ ગઈ, જ્યારે સ્ટેન્ડ્સમાં હાજર સાઉથ આફ્રિકાની ટીમે સેમિફાઇનલમાં સ્થાન નિશ્ચિત કરી લીધું. જોકે, જીત પહેલા જ શ્રી ચરણીએ એલિસ પેરીને શેફાલી વર્માના હાથે કેચ કરાવીને પોતાની બીજી વિકેટ લીધી. પેરીએ 38 બોલમાં 56 રન બનાવ્યા. જ્યારે એશ્લે ગાર્ડનરે અણનમ 53 રનની ઇનિંગ રમી. ગાર્ડનર અને પેરીએ ચોથી વિકેટ માટે 57 બોલમાં 100 રન જોડીને ઓસ્ટ્રેલિયાની જીતનો પાયો નાખ્યો.