ચોમાસું 12 દિવસ મોડું મુંબઇ પહોંચ્યું : ભારે વરસાદ ચાલું

UPમાં વાવાઝોડા-વરસાદથી વૃક્ષો અને પોલ ઉખડી ગયા : કરા પડ્યા

મધ્યપ્રદેશમાં વીજળી, પંજાબમાં વૃક્ષ પડવાથી બેનાં મોતઇ

ચોમાસું 12 દિવસના વિલંબ બાદ મંગળવારે મુંબઈ પહોંચી ગયું છે. સામાન્ય રીતે ચોમાસું 11 જૂન સુધીમાં મુંબઈ પહોંચી જાય છે. ચોમાસાના આગમન સાથે જ શહેરના અનેક વિસ્તારોમાં ધોધમાર વરસાદ વરસી રહ્યો છે. હવામાન વિભાગના જણાવ્યા અનુસાર, દક્ષિણ પશ્ચિમ ચોમાસું તેલંગાણા, ઓડિશા, છત્તીસગઢ, ઝારખંડ અને બિહારના કેટલાક વિસ્તારોમાં આગળ વધ્યું છે. આગામી 2-3 દિવસમાં ગુજરાત અને મધ્ય પ્રદેશમાં પહોંચી શકે છે. ત્યારબાદ 3-4 દિવસમાં ઉત્તર પ્રદેશમાં પણ પ્રવેશ કરશે. આ તરફ, મધ્ય પ્રદેશના 17 જિલ્લામાં સોમવારે વરસાદ થયો. છતરપુરમાં વીજળી પડવાથી બે છોકરીઓ દાઝી ગઈ. તેમાંથી એકનું હોસ્પિટલમાં મૃત્યુ થયું. જ્યારે, પંજાબના અમૃતસરમાં વાવાઝોડાથી ઝાડ પડતા એક બાળકનો જીવ ગયો. ઉત્તર પ્રદેશના 6 શહેરોમાં સોમવારે બપોર બાદ વરસાદ થયો. બસ્તીમાં વાવાઝોડા-વરસાદને કારણે વૃક્ષો અને થાંભલા ઉખડી ગયા. એક ઝાડ કાર પર પડ્યું. રસ્તા પર થાંભલો પડવાથી ટ્રાફિક જામ થઈ ગયો.

મહારાષ્ટ્ર, તેલંગાણા, ઓડિશા, ઝારખંડ અને બિહારના પણ કેટલાક જિલ્લાઓમાં ચોમાસું આગળ વધ્યું છે. જોકે, ચોમાસું વધુ ઝડપ પકડે તેવી શક્યતાઓ ઓછી છે. ચોમાસાના પવનો નબળા છે. આવા સંજોગોમાં મધ્ય પ્રદેશ, વિદર્ભ અને ઉત્તર પ્રદેશને ચોમાસા માટે એક અઠવાડિયું વધુ રાહ જોવી પડી શકે છે. દિલ્હી, હરિયાણા, પંજાબને જુલાઈ સુધી રાહ જોવી પડશે. સોમવાર સુધીમાં દેશમાં સામાન્ય 106 મિમીની સરખામણીમાં માત્ર 60.6 મિમી વરસાદ નોંધાયો છે. એટલે કે અત્યાર સુધીમાં 43% ઓછો વરસાદ થયો છે.

હૈદરાબાદમાં ભારે વરસાદ થયો. ઘણા રસ્તાઓ અને કોલોનીમાં પાણી ભરાઈ ગયું. ઘણા વિસ્તારોમાં વીજળી પણ ગુલ રહી. મંગળવારે સવારે 5 વાગ્યા સુધી કેથીરેડ્ડીપલ્લીમાં 12.9 સેમી, ચંદાનગરમાં 12.7 સેમી અને લિંગમપલ્લીમાં 11.7 સેમી વરસાદ નોંધાયો. હવામાન વિભાગે તેલંગાણાના જગતિયાલ, રાજન્ના સિરસિલ્લા, મેડક અને કામારેડ્ડી જિલ્લાઓમાં મંગળવારે ભારે વરસાદનું એલર્ટ જાહેર કર્યું છે. મુંબઈમાં પણ વરસાદને લઈને ઓરેન્જ એલર્ટ છે. હવામાન વિભાગે ગાજવીજ સાથે વરસાદની ચેતવણી આપી છે. મધ્ય પ્રદેશ, વિદર્ભ અને ઉત્તર પ્રદેશને ચોમાસા માટે એક અઠવાડિયું વધુ રાહ જોવી પડી શકે છે. દિલ્હી, હરિયાણા, પંજાબને જુલાઈ સુધી રાહ જોવી પડશે. સોમવાર સુધીમાં દેશમાં સામાન્ય 106 મિમીની સરખામણીમાં માત્ર 60.6 મિમી વરસાદ નોંધાયો છે. એટલે કે અત્યાર સુધીમાં 43% ઓછો વરસાદ થયો છે.