વડાપ્રધાન નરેન્દ્ર મોદીએ આજે કાશીમાં 14 કિલોમીટરનો રોડ શો કર્યો હતો. તેઓ BLW ગેસ્ટ હાઉસથી કાશી વિશ્વનાથ મંદિર પહોંચ્યા હતા. 108 પંડિતોએ શંખનાદ સાથે તેમનું સ્વાગત કર્યું હતું. તેમણે બાબા વિશ્ચનાથની પૂજા, અર્ચના કરી હતી અને રૂદ્રાભિષેક કર્યો હતો. પાંચ પુજારીઓએ વડાપ્રધાનને પૂજા કરાવી, તેમને માળા પહેરાવી અને ત્રિપુંડ કર્યું.
રોડ શો દરમિયાન, ભાજપના કાર્યકરો ઢોલ અને રણશિંગાના તાલ પર નાચતા જોવા મળ્યા હતા. વિવિધ સ્થળોએ વડા પ્રધાનનું સ્વાગત કરવામાં આવ્યું હતું. કાફલા પર ફૂલોની વર્ષા કરવામાં આવી હતી.
- Advertisement -
વડા પ્રધાને અભિવાદનમાં હાથ હલાવ્યો હતો. મંદિરથી વડા પ્રધાન રોડ માર્ગે એરપોર્ટ જશે. ત્યાંથી તેઓ મુખ્યમંત્રી યોગી આદિત્યનાથ સાથે હરદોઈ જશે, જ્યાં તેઓ ગંગા એક્સપ્રેસવેનું ઉદ્ઘાટન કરશે.
આ 594 કિલોમીટરનો એક્સપ્રેસવે મેરઠથી પ્રયાગરાજને જોડશે. 11 વર્ષમાં વડા પ્રધાનની કાશીની આ 54 મી મુલાકાત છે. જોકે, 2026ની આ પહેલી મુલાકાત છે. અગાઉ, વડા પ્રધાન નવેમ્બર 2025માં કાશીની મુલાકાતે આવ્યા હતા.
