23 ફેબ્રુઆરીના રોજ ગ્રહોના સેનાપતિ મંગળનું કુંભ રાશિમાં ગોચર થવા જઈ રહ્યું છે. આ રાશિમાં પહેલાથી જ રાહુ, બુધ, સૂર્ય અને શુક્ર ચતુર્ગ્રહી યોગ બનાવી રહ્યા છે. આવી સ્થિતિમાં શનિના સ્વામિત્વ વાળી કુંભ રાશિમાં મંગળનું ગોચર ખૂબ જ ખાસ માનવામાં આવી રહ્યું છે. જ્યોતિષ શાસ્ત્ર પ્રમાણે મંગળ વ્યક્તિને શક્તિશાળી અને સાહસી બનાવે છે. જો કુંડળીમાં મંગળની સ્થિતિ સારી હોય તો મુશ્કેલ કામ પણ સરળતાથી થઈ જાય છે. મંગળનું આ ગોચર 4 રાશિના જાતકો માટે ખૂબ જ સારું રહેશે. તો ચાલો જાણીએ કે આ ભાગ્યશાળી રાશિઓ કઈ-કઈ છે.
મેષ રાશિ
- Advertisement -
મંગળ તમારી રાશિના અગિયારમા ભાવમાં ગોચર કરી રહ્યો છે. આ આવક અને ઈચ્છા પૂર્તિનો ભાવ હોય છે. મંગળ આ સ્થાન પર બેસવાથી તમને માતા-પિતા તરફથી આર્થિક સહાયતા મળશે. લાંબા સમયથી અટકેલા પ્રોજેક્ટ્સને વેગ મળશે. બિઝનેસ વર્ગને વિશેષ લાભ મળશે. હિંમત વધશે અને ન્યાયિક મોરચે પણ લાભ મળશે.
વૃષભ રાશિ
મંગળ તમારા દસમાં ભાવમાં ગોચર કરી રહ્યો છે. આ સ્થાન તમારા કરિયર અને પિતા સાથે સ્થાન ધરાવે છે. તમને કરિયરમાં મોટી સફળતા મળશે. અચલ સંપત્તિમાં વધારો થઈ શકે છે. સંપત્તિ સાથે સબંધિત કોઈ વિવાદ દૂર થઈ શકે છે. કોર્ટ-કચેરીના મામલે રાહત મળશે. પારિવારિક જીવન શાનદાર રહેશે. સ્વાસ્થ્યમાં સુધારો થશે.
- Advertisement -
વૃશ્ચિક રાશિ
મંગળ તમારા ચોથા ભાવમાં ગોચર કરી રહ્યો છે. આ ભાવ ભવન, જમીન, વાહનો અને માતા સાથે સબંધ ધરાવે છે. આવી સ્થિતિમાં આ ગોચર બાદ તમને ભૂમિ-ભવન સંબંધિત લાભ મળી શકે છે. નવું વાહન ખરીદવાની શક્યતા છે. માતાના સહયોગથી મહત્વપૂર્ણ કાર્યો પૂર્ણ થશે. આ સમય દરમિયાન તમારા દ્વારા કરવામાં આવેલા પ્રયોગો વિશેષ લાભદાયી સાબિત થઈ શકે છે. તમારી પાસે આવકના એકથી વધુ સ્ત્રોત હોવાની શક્યતા છે.
મકર રાશિ
મંગળ તમારી રાશિના બીજા ભાવમાં ગોચર કરી રહ્યો છે. આ ભાવ ધન અને સ્વભાવ સાથે સંબંધ ધરાવે છે. મંગળનું આ ગોચર તમને આર્થિક મોરચે લાભ અપાવશે. ખોરાક કે પૈસાની કોઈ અછત નહીં રહે. સાસરિયા પક્ષ તરફથી લાભ મળવાના યોગ બનશે. તમે ધાર્મિક બાબતોમાં વધુ સક્રિય રહેશો. ઘરમાં કોઈ શુભ પ્રસંગ કે ધાર્મિક વિધિ શક્ય છે. તમારો આત્મવિશ્વાસ વધશે અને તમારા દ્વારા લેવામાં આવેલા મોટા નિર્ણયો અસરકારક સાબિત થશે.
