ઉત્તરપ્રદેશના આગરા-લખનઉ એક્સપ્રેસ વે પર ભીષણ કાર અકસ્માત, 5 ડોકટરોના મોત

પૂરપાટ કાર ડીવાઈડર સાથે ભટકાઈને રોંગ સાઈડમાં ફંગોળાતા ટ્રકમા ઘુસી ગઈ

ઉત્તરપ્રદેશના આગરા-લખનઉ એક્સપ્રેસ વે પર પૂરપાટ ઝડપે દોડતી કાર ડિવાઈડર સાથે ભટકાતાં હવામાં ફંગોળાઈ ગઈ હતી. અકસ્માત એટલો ગોઝારો હતો કે મિની પીજીઆઈ

સૈફઈમાં તહેનાત પાંચ ડોક્ટરો મૃત્યુ પામી ગયા હતા. લખનઉમાં એક લગ્ન સમારોહમાં હાજરી આપીને આ ડોક્ટરો પાછા ફરી રહ્યા આ ભારે દુર્ઘટના બની હતી. ઘટનાની જાણ થતાં જ તંત્રમાં દોડધામ મચી ગઈ હતી. તાત્કાલિક ધોરણે રાહત અને બચાવ કામગીરી હાથ ધરવામાં આવી હતી. જોકે કારના કચ્ચરઘાણ વળી ગયો હતો. કારમાંથી શબ કાઢવા માટે મથામણ કરવી પડી હતી.

માહિતી અનુસાર આ અકસ્માત આગરા-લખનઉ એક્સપ્રેસ વે પર સર્જાયો હતો. બધા ડોક્ટરો પોતાની કારમાં લખનઉથી આગરા તરફથી જઈ રહ્યા હતા. આ દરમિયાન તેમની કાર પૂરપાટ ઝડપે. ડિવાઈડર સાથે ભટકાઈને રોંગ સાઈડમાં જતી રહી હતી. જેના કારણે સામેથી આવતા ટ્રક સાથે ભયંકર ટક્કર થઇ ગઇ હતી. આ દુર્ઘટના બુધવારે વહેલી સવારે લગભગ ત્રણ વાગ્યાના સુમારે થઇ હતી. મૃતકોમાં સામેલ લોકો સૈફઈ મેડિકલ યુનિવર્સિટીના ડોક્ટર છે જે તમામ પીજી સ્ટુડન્ટ્સ હતા. આ ઉપરાંત એક અન્ય ઘાયલ છે.