પોરબંદર સરકારી હોસ્પિટલમાં ભરતી કૌભાંડ: ડૉ. તિવારી પર શંકાના વાદળ

જાગૃત નાગરિક દ્વારા ડૉક્ટર સામે કારણદર્શક નોટિસ, તપાસની માંગણી ઉઠી

ખાસ-ખબર ન્યૂઝ પોરબંદર

પોરબંદર જિલ્લાના સૌથી મોટા સરકારી હોસ્પિટલ ભાવસિંહજી સિવિલમાં ગેરકાયદે ભરતી અને કર્મચારીના નકલી પ્રમાણપત્રોના કૌભાંડના અનાવરણ પછી સમગ્ર જિલ્લામાં ચકચાર મચી છે. સીવીલ સર્જન ડો. તિવારી પર પણ શંકા ઊભી થઇ છે કે તેઓ આ ગેરકાયદે પ્રકરણમાં શામેલ છે. જાગૃત નાગરિક અને આરટીઆઈ એક્ટિવિસ્ટ રમેશભાઈ માલદે ઓડેદરાએ સીવીલ સર્જનને કારણદર્શક નોટીસ પાઠવી છે. નોટીસમાં જણાવાયું છે કે, ગેરકાયદે રીતે ડેન્ટલ ટેક્નીશિયન તરીકે દેવ વૈદ્ય નામના શખ્સની ભરતી કરવામાં આવી હતી.

આ શખ્સના શૈક્ષણિક પ્રમાણપત્રો નકલી હોવાનું સાબિત થયા પછી, તે શખ્સને દૂર કરવામાં આવ્યો હતો. પરંતુ, સીવીલ સર્જન દ્વારા આ મામલે પોલીસ ફરિયાદ દાખલ કરવામાં ઉદાસીનતા દેખાડવામાં આવી છે, જે તેમના પોતાને પર શંકા ઊભી કરે છે. અરજદાર રમેશભાઈ ઓડેદરાએ પોતાના દાવાઓ સાથે પુરાવાઓ રજૂ કર્યા છે અને કહ્યું છે કે ડો. તિવારી દ્વારા ગેરકાયદે ભરતી પ્રક્રિયા સામે કોઈ પગલાં લેવામાં આવ્યા નથી. કમલાબાગ પોલીસ મથકને ફરિયાદ કરવા માટે રજૂઆત કરવામાં આવી હોવા છતાં પણ, કોઈ કાર્યવાહી ન થવા પાછળ ડો. તિવારીની ભૂમિકા પર ગંભીર સવાલો ઊભા થાય છે. કારણ દર્શક નોટિસમાં સાફ ચેતવણી આપવામાં આવી છે કે, જો ડો. તિવારી આ મામલે સાત દિવસની અંદર ખુલાસો નહીં કરે તો તેમના પર સરકારના નિયમો અનુસાર કાનૂની કાર્યવાહી કરવામાં આવશે. અરજદારનું કહેવું છે કે, ગેરકાયદે ભરતી પ્રક્રિયા સીધી રીતે લાયકાત ધરાવતા ઉમેદવારો સાથે ન્યાયચૂકતા ન કરી એ સાબિત કરે છે.

હવે આગળ શું?
આ મામલે આરોગ્ય વિભાગના ઉચ્ચ અધિકારીઓ સુધી પણ રજૂઆત કરવામાં આવી છે. જો ડો. તિવારી સામે કોઈ પગલાં લેવામાં નહીં આવે તો આ મામલો વધુ ઉગ્ર બને તેવી સંભાવના છે. પોરબંદર જિલ્લામાં આજે પણ સરકારી વ્યવસ્થાની પારદર્શિતા અને જવાબદારી પર ગંભીર ચર્ચાઓ ચાલી રહી છે. આગામી પગલાંમાં શું થશે તે હવે સમય જ જણાવશે!