વડોદરાના એક આર્ટિસ્ટે કોફીમાંથી ચિત્ર દોર્યાં, અનોખા અંદાજમાં સેમીફાઈનલ જીતની ઉજવણી કરી

ફાઈનલમાં પણ ભારતની ટીમ જીત મેળવે તે શુભેચ્છા સાથે વડોદરાના કોફી આર્ટિસ્ટે ખેલાડીઓને પ્રોત્સાહન આપવા કોફીમાંથી આપણા ભારતીય ટીમના દિગ્ગજ ખેલાડીના પેઈન્ટિંગ દોર્યા છે

ભારતની ટીમ સેમિફાઈનલમાં ઈંગ્લેન્ડની ટીમને હરાવીને ટી-20 વિશ્વકપની ફાઈનલમાં પહોંચી છે… ફાઈનલમાં પણ ભારતની ટીમ જીત મેળવે તે શુભેચ્છા સાથે વડોદરાના કોફી આર્ટિસ્ટે ખેલાડીઓને પ્રોત્સાહન આપવા કોફીમાંથી આપણા ભારતીય ટીમના દિગ્ગજ ખેલાડીના પેઈન્ટિંગ દોર્યા છે… કોફીમાંથી પેઈન્ટિંગ દોરીને કોફી આર્ટિસ્ટે ખેલાડીઓને આપવાની ઈચ્છા દર્શાવી છે.. જો ટીમ ફાઈનલ જીતી જાય તો વર્લ્ડકપની સાથે ટીમ ઈન્ડિયાનું ચિત્ર દોરીને ટીમને આપવાની ઇચ્છા કોફી આર્ટિસ્ટે વ્યકત કરી છે.

અત્યાર સુધી કોફીથી અનેક પેઇન્ટિંગ્સ બનાવ્યા

કોફી આર્ટીસ્ટ ઉદય કોરડે દ્વારા કોફીની મદદથી અનેક અવનવા પેઇન્ટિંગ્સ બનાવવામાં આવ્યા છે. તેમણે શિવાજી મહારાજ, વડાપ્રધાન મોદી, અક્ષય કુમાર ભગવાન ગણેશ સહિતના પેઇન્ટિંગ્સ કોફીથી બનાવ્યા છે.

પોર્ટ્રેટ બનાવવા માટે ખાસ ફ્રાન્સના હેન્ડમેડ પેપર

આ કોફી પોર્ટ્રેટ બનાવવા માટે ખાસ ફ્રાન્સના હેન્ડમેડ પેપર વાપરવામાં આવતા હોય છે.હેન્ડમેડ પેપર ખૂબ જ મોંઘા હોય છે