જૂનાગઢ જિલ્લામાં વાદળછાયાં વાતાવરણ સાથે અમી છાંટણા થયા
ખાસ-ખબર ન્યૂઝ જૂનાગઢ, તા.19
- Advertisement -
જૂનાગઢ કેરળમાં 30 મેં આસપાસ વરસાદી સિસ્ટમ સક્રિય થઇ હતી પણ તે સિસ્ટમ દક્ષિણ ભારત પર આવીને ધીમી પડી જતા હવે સોરઠ પંથકમાં સારા વરસાદ માટે ખેડૂતોએ હજુ રાહ જોવી પડશે તેવા એંધાણ વર્તાય રહ્યા છે હજુ સુધી વાવણી લાઈક વરસાદ થયો નથી જૂનાગઢ જિલ્લામાં કયાંક વરસાદના ઝાપટા તો ક્યાંક અમી છાંટણા સાથે જિલ્લા ભરમાં બે દિવસથી વાદળછાયું વાતારણ વચ્ચે લોકોને ગરમીથી આશિંક રાહત મળી છે.
હવામાન વિભાગ અને આગાહીકારો દ્વારા પેહલા વરસાદ સમય કરતા વેહલો આવશે તેવી આગાહીઓ થઇ હતી જોકે કેરળમાં વરસાદની એન્ટ્રી થયા બાદ દક્ષિણ ભારત પોંહચતા વરસાદી સિસ્ટમ ધીમી પડી જવાથી હજુ સારા વરસાદ માટે સોરઠ પંથકના ખેડૂતોએ રાહ જોવી પડશે જે ગતિથી ચોમાસુ સક્રિય થયું હતું તે સિસ્ટમ ધીમી પડતા વરસાદમાં વિલંબ જોવા મળી રહ્યો છે.તો જૂનાગઢ જિલ્લામાં છેલ્લા ચાર દિવસમાં વિસાવદર, માંગરોળ અને જૂનાગઢ શહેરમાં છૂટોછવાયા વરસાદી ઝાપટા સાથે ક્યાંક અમી છાંટણા જોવા મળ્યા છે.આમ હજુ વાવણી લાઈક વરસાદ પડ્યો નથી ત્યારે ખેડૂતો પણ સારા વરસાદની ચાતક નજરે રાહ જોઈ રહ્યા છે.
