આગામી કેમ્પ તા.1/05/2024 નાં રોજ 3 દિવસ માટે યોજાશે
ખાસ-ખબર ન્યૂઝ રાજકોટ, તા.4
- Advertisement -
સાસ્કૃતિક, સામાજિક અને તબીબીક્ષેત્રમાં અગ્રેસર રહેનાર સરગમ ક્લબ શહેરમાં જયપુર ફૂટકેમ્પના રૂપમાં વધુ એક સેવાકેન્દ્ર ચલાવી રહેલ છે. સરગમ ક્લબ અને લંડન મા કૃપા ફાઉન્ડેશન જયંતિભાઈ ખંગ્રામ ના સયુંકત ઉપક્રમે તા.1/04/2024 થી 3/04/2024 ના રોજ આ જયપુર કેમ્પ યોજાયેલ. આ કેમ્પમાં કુલ 91 દર્દીઓ એ લાભ લીધો જેમાં કેલીપર્સ નાં દર્દી 34 લેગ (પગ) નાં દદી 41 અને રીપેરીંગ 16 દર્દી વિનામૂલ્યે લાભ લીધો. સરગમ કલબના પ્રમુખ ગુણવંતભાઈ ડેલાવાળા અને જયંતિભાઈ ખંગ્રામ એ જણાવ્યા અનુસાર, આ કેમ્પમાં જરૂરતમંદોને વિનામૂલ્યે કૃત્રિમ પગ બેસાડવામાં આવે છે.
સાથોસાથ કેલીપર્સ અને ઘોડી વગેરે વિનામૂલ્યે આપવામાં આવેલ છે.આ કેમ્પમાં અમોને મા કૃપા ફાઉન્ડેશન (લંડન) ટ્રસ્ટી જયંતીભાઈ ખંગ્રામ, રશ્મીભાઈ શાહ. અશોકભાઈ ડાલિયા, રમેશભાઈ પોપટ, બ્રિજેશભાઈ મોદી નો સહયોગ મળેલ છે. દર વર્ષે 1 એપ્રિલ ના રોજ લંડન નિવાસી જયંતીભાઈ ખંગ્રામ દ્રારા જયપુર ફૂટ કેમ્પ યોજાશે. આ કેમ્પની સફળતા માટે સરગમ ક્લબના પ્રમુખ ગુણવંતભાઈ ડેલાવાળા તેમજ મનુભાઈ માંડલિયા તથા કમાણી ફાઉન્ડેશનનાં માર્ગદર્શન હેઠળ યોજાયો હતો. આ કેમ્પ ને સફળ બનાવવા માટે દીપકભાઈ કમાણી, રશ્મિભાઈ કમાણી, કિશોરભાઈ પરમાર, જે.કે. સરાઠે તથા સરગમ કલબના કમિટી મેમ્બર પ્રફુલભાઈ મિરાણી, અનવરભાઈ ઢેબા જહેમત ઉઠાવી હતી. આગામી કેમ્પ તા.1/05/2024 નાં રોજ 3 દિવસ માટે યોજાશે.
