પ્લાસ્ટિક મુક્ત ગિરનાર માટે તંત્ર દ્વારા કડક કાર્યવાહી
ખાસ-ખબર ન્યૂઝ જૂનાગઢ, તા.13
- Advertisement -
જૂનાગઢ પ્લાસ્ટિક મુક્ત ગિરનાર માટે તંત્ર દ્વારા કડક કાર્યવાહી કરવામાં આવી રહી છે. ઈકો સેન્સેટીવ ઝોનમાં સઘન ચેકીંગ દરમિયાન તા.23 થી 11 માર્ચ સુધી પ્લાસ્ટિકનો વપરાશ કરનાર સામે અત્યાર સુધીમાં રૂ. 95,300 નો દંડ વસૂલ કરવામાં આવ્યો છે.
ગિરનાર અભયારણ્ય ઉપરાંત ભવનાથ તળેટી વિસ્તારમાં પ્લાસ્ટિક સંપૂર્ણપણે પ્રતિબંધ છે. ત્યારે પ્રતિબંધિત પ્લાસ્ટિકની કડક અમલવારી માટે કલેક્ટરના માર્ગદર્શનમાં જૂનાગઢ મનપા દ્વારા કામગીરી કરવામાં આવી રહી છે જેમાં ઈકો સેન્સેટીવ ઝોનમાં સઘન ચેકીંગ દરમિયાન અત્યાર સુધીમાં રૂ.95,300 નો દંડ વસૂલ કરવામાં આવ્યો છે.
તેમજ 111 જેટલા ગુનો કરનાર આસામીઓને નોટિસ પણ આપવામાં આવી છે. સાથે જનજાગૃતિ ઝુંબેશ પણ ચલાવવામાં આવી રહી છે. જેમાં જાહેર સ્થળોએ 500 જેટલા સ્ટીકર લગાડી પ્રચાર કરવામાં આવી રહયો છે.આ ઉપરાંત ડોર ટુ ડોરના વાહનોમાં કલીપ વગાડી માઈક પ્રચાર, શહેરના મુખ્ય વિસ્તારોમાં બેનર મારફત પણ જનજાગૃતિ લાવવામાં આવી રહી છે અને જાહેરમાં ગંદકી કરતા આસામીઓ માટે 17 જેટલા અધિકારીઓની સાથેની ટીમ દ્વારા શહેરમાં અને ઇકોસેન્સિટીવ ઝોનમાં ચેકિંગ હાથ ધરવામાં આવી રહ્યું છે.
