નરેન્દ્ર મોદીએ વાવેલું વાયબ્રન્ટ ગુજરાત સમિટનું બીજ યશસ્વી શાસનકાળમાં વટવૃક્ષ બન્યું: રાજુ ધ્રુવ
ખાસ-ખબર સંવાદદાતા
તાજેતરમાં જ ગાંધીનગરમાં સંપન્ન થયેલી વાઈબ્રન્ટ ગ્લોબલ સમિટને ભવ્ય અને મહાસફળતા મળી છે તેમ જણાવતાં ભાજપના સૌરાષ્ટ્રના પ્રવક્તા રાજુભાઈ ધ્રુવે જણાવ્યું છે કે કોરોના મહામારી તથા અન્ય કારણોસર દુનિયાભરમાં છવાયેલા વૈશ્ર્વિક મંદીના ઓછાયા, ઘણા દેશોના માંદા અર્થતંત્રોવાળા વિષમ વાતાવરણની વચ્ચે દેશના વિઝનરી વડાપ્રધાન નરેન્દ્રભાઈ મોદીના સામર્થ્ય અને મુખ્યમંત્રી ભુપેન્દ્રભાઈના સંકલ્પને કારણે વૈશ્ર્વિક કંપનીઓએ ગુજરાતમાં વિશ્ર્વાસ મૂકીને 45 લાખ કરોડથી પણ વધુ રકમના એમ.ઓ.યુ. કર્યા છે. તેમણે એમ પણ કહ્યું છે કે ગ્લોબલ સમિટને મળેલી મહાસફળતાને પગલે-પગલે ગુજરાત વિકાસની ટોચે આંબી જશે તે નિશ્ર્ચિત છે. રાજુભાઈ ધ્રુવે એક નિવેદનમાં કહ્યું છે કે આ સમિટ સંકલ્પથી સિદ્ધિમાર્ગનું અદભુત સશક્તીકરણ પણ થયું છે અને એક યુગ પરિવર્તનની શરૂઆત છે. આજે ઉત્પાદન અને રોકાણ માટે વિશ્ર્વમાં ભારત અને ભારતમાં ગુજરાત પ્રથમ પસંદગી બન્યું છે. વડાપ્રધાન નરેન્દ્રભાઈ મોદીએ વર્ષો પહેલા આ સમિટનું જે બીજ વાવ્યું હતું, તે આજે વટવૃક્ષ બન્યું છે, તેના પરિણામો આજે આપણે સહુ જોઇ રહ્યા છીએ. આ વાયબ્રન્ટ ગુજરાત ગ્લોબલ સમિટ એ મોટા સપના જોવાની અને ઉચ્ચ લક્ષ્યાંકો નક્કી કરવાની તક પુરી પાડે છે.
તેમણે જણાવ્યું છે કે છેલ્લા બે દાયકામાં આ પ્રકારની સમિટે માત્ર ગુજરાતની ગતિશીલ ઉદ્યોગ સાહસિક ભાવનાને જ ઉજાગર કરી નથી પરંતુ અર્થપૂર્ણ ચર્ચાઓને પ્રોત્સાહન આપી એકમો શરૂ કરવા ઉદ્યોગોને આદર્શ મંચ પુરો પાડયો છે. રાજ્યમાં રોકાણો આકર્ષિત કરવાના ઉદ્દેશ્યની સાથે આ સમિટે સામાજિક અને આર્થિક વિકાસને પણ ઉત્તેજન આપ્યું છે. સમયની સાથે તે એક આગવી પહેલ તરીકે વિકસિત થઈ છે.
તેમણે એમ પણ કહ્યું છે કે વડાપ્રધાન નરેન્દ્રભાઈ મોદી જયારે ગુજરાતના મુખ્યમંત્રી હતા ત્યારે તેમણે આ ગ્લોબલ સમિટની શરૂઆત કરાવી હતી અને આ બે દાયકાની સફર દરમિયાન તેની વૈશ્ર્વિક ઓળખ થઇ ગઈ છે.
મુખ્યમંત્રી ભુપેન્દ્રભાઈ પટેલે ગુજરાતમાં સુશાસન આપ્યું છે અને તેને કારણે વિશ્ર્વભરના ઉદ્યોગપતિઓએ ગુજરાતની શાંતિ-સલામતી અને રાજ્ય સરકારના બિઝનેસ ફ્રેન્ડલી અભિગમમાં વિશ્ર્વાસ મૂક્યો છે અને એટલે જ ગુજરાત રાજ્ય રોકાણકારોનું માનીતું સ્થળ બન્યું છે તેમ પણ રાજુભાઈ ધ્રુવે કહ્યું છે. અંતમાં રાજુભાઈ ધ્રુવે કહ્યું છે કે આ સમિટના ફળસ્વરૂપે હવે ભવિષ્યની ટેકનોલોજી માટે રાજ્યએ સેમિક્ધડક્ટર ટેકનોલોજી, રિન્યુએબલ એનર્જી, ગ્રીન હાઇડ્રોજન અને ઇ-મોબિલિટી જેવા ઉભરતાં ક્ષેત્રો પર લક્ષ્ય કેન્દ્રીય કર્યું છે. આ વાયબ્રન્ટ સમિટની થીમ ગેટવે ટુ ધ ફ્યુચર છે, જે આંતરરાષ્ટ્રીય સહયોગ મજબૂત બનાવશે. પાછલી સમિટની જેમ આ વખતે પણ ગુજરાત બિઝનેસ નેટવર્કિંગ, નોલેજ શેરિંગ અને સામાજિક-આર્થિક વિકાસની ભાગીદારીનો મંચ બનશે, જે વડાપ્રધાન નરેન્દ્રભાઈ મોદીના વિકસિત ભારત 2047ના સ્વપ્નને સાકાર કરશે. દેશ અને દુનિયામાં આદર્શ ઉદાહરણ જેવા વાણિજય અને આર્થિક ક્ષેત્રે ભવ્યાતિભવ્ય સફળતા પામેલ રાજ્યના અતિમહત્વાકાંક્ષી વાયબ્રન્ટ ગુજરાત સમિટ ગુજરાતના યશસ્વી મુખ્યમંત્રી ભુપેન્દ્રભાઈ પટેલના નેતૃત્વમાં વિશ્ર્વના સર્વાધિક લોકપ્રિય શાસક અને આપણા લોકલાડીલા વડાપ્રધાન નરેન્દ્રભાઇ મોદીના અધ્યક્ષસ્થાને યોજાયેલ અને સમાપન દેશના યશસ્વી ગૃહ અને સહકારીતા પ્રધાન અમિતભાઇ શાહની પ્રેરક ઉપસ્થિતિમાં કરવામાં આવેલ હતું. આ વાયબ્રન્ટ ગુજરાત સમિટ મહાસફળતા પામી છે તેથી તેમને અભિનંદન આપી આ મહાસફળ વાયબ્રન્ટ ગુજરાતના આયોજન સાથે સંકળાયેલા તમામ કર્મીઓ સહુ સહભાગીઓને રાજુભાઈ ધ્રુવે બિરદાવ્યા છે.
