‘ખાસ-ખબર’ કાર્યાલયની મુલાકાત લેતાં પ્રમુખ પરશોત્તમભાઈ વઘાસિયા, પ્રોજેકટ ચેરમેન મનુભાઈ વઘાસિયા
તેજસ્વી વિદ્યાર્થીઓનું સન્માન થશે
ખાસ-ખબર સંવાદદાતા
રાજકોટ શહેરમાં રહેતાં વઘાસિયા પરિવારનું સ્નેહમિલન સમારોહ રાજકોટ ખાતે આગામી તા. 7 જાન્યુઆરી રવિવારના રોજ યોજાશે. રાજકોટમાં છેલ્લાં બે દસકાથી વઘાસિયા પરિવાર દ્વારા દર વર્ષે વિવિધ કાર્યક્રમો યોજીને સ્નેહમિલન સમારોહ યોજવામાં આવે છે. આ વર્ષે આગામી રવિવારના રોજ સમગ્ર રાજકોટ શહેરમાં રહેતાં વઘાસિયા પરિવારનું ભવ્ય સ્નેહમિલન સમારોહ સાંજે 4થી રૂદ્રાક્ષ પાર્ટી લોન્સ, કોઠારીયા રોડ, નવા 250 ફૂટ રીંગ રોડ શુભ રેસ્ટોરન્ટ પાસે યોજાશે.
આ સમારોહમાં પરિવારની એકતા વધુ મજબૂત બને તે ઉદ્દેશ્યથી વિવિધ કાર્યક્રમો યોજાશે. પરિવારના બાળકો જેમણે અભ્યાસમાં સારો દેખાવ કર્યો હોય તેઓનું સન્માન તેમજ વિવિધ ક્ષેત્રે પ્રગતિ કરી હોય તેમનું વિશેષ સન્માન કરીને નવાજવામાં આવશે. આ સ્નેહમિલન સમારોહમાં શહેરમાં રહેતાં તમામ વઘાસિયા પરિવારને જોડાવવા વઘાસિયા પરિવાર રાજકોટ દ્વારા આમંત્રિત કરવામાં આવ્યા છે.
