રાજ્યમાં રોજ 9 બાળક ગુમ થાય છે, 3 વર્ષમાં 10 હજાર બાળક ગુમ થયાં

• 2020માં ગુજરાતમાં કુલ 7673 મહિલા ગુમ થઈ હતી

• એક વર્ષમાં સૌથી વધુ સુરતમાં 629 બાળક ગુમ

ગુજરાત વિધાનસભામાં રાજ્ય સરકારે ગુમ થયેલાં બાળકોની માહિતી આપી હતી. કોંગ્રેસના ધારાસભ્યોના સવાલના લેખિતમાં વર્ષ 2019થી 2021 સુધીના આ આંકડા રાજ્ય સરકારે આપ્યા છે. રાજ્યમાં રોજ 9 બાળક ગુમ થાય છે, 3 વર્ષમાં 10 હજાર બાળક ગુમ થયાં, એક વર્ષમાં સૌથી વધુ સુરતમાં 629 બાળક ગુમ થયાં છે. રાજ્યમાં છેલ્લાં ત્રણ વર્ષમાં 10 હજાર 92 બાળકો ગુમ થયાં હતાં, જે પૈકી 9085 બાળક પરત મળી આવ્યાં હતાં. હજી 1007 બાળકનો આજદિન સુધી કોઈ જ પત્તો નથી. સરકારનું કહેવું છે કે બાળકોને શોધવા માટે અલગ અલગ ટીમો બનાવીને તપાસ કરવામાં આવે છે.

2020માં રાજ્યમાં 7673 મહિલા ગુમ થઈ હતી

વિધાનસભામાં ગૃહ વિભાગે માહિતી રજૂ કરી છે કે વર્ષ 2020માં ગુજરાતમાં કુલ મળીને 7673 મહિલા કોઇ ને કોઇ કારણોસર ગુમ થઇ હતી, જેમાંથી 6528 મહિલા પરત આવી હતી. રાજ્યમાંથી 1145 મહિલા ગાયબ છે. એક જ વર્ષમાં અમદાવાદમાં 1870 મહિલા ગુમ થઇ હતી, જેમાંથી 974 મહિલાનો પરત મળી આવી હતી. આ જ પ્રમાણે, સુરતમાં 12166 મહિલા ગુમ થઇ, જેમાંથી 988નો પત્તો મળ્યો હતો. વડોદરામાં 327 મહિલા ગુમ થઇ, જેમાંથી 291 મહિલા મળી આવી હતી. મહેસાણામાં 296 મહિલાઓ ગૂમ થઇ તે પૈકી 272 મહિલાઓનો શોધવામાં આવી છે.

રાજ્યમાં કયાં શહેરમાં કેટલા બાળક ગુમ થયાં? 

1. 629
   સુરત શહેર
2. 338
   અમદાવાદ શહેર
3. 142
   ગાંધીનગર
4. 104
   વડોદરા
5. 123
   મહેસાણા
6. 132
   દાહોદ જિલ્લો
7. 131
   ભરૂચ જિલ્લો
8. 121
   ખેડા જિલ્લો

બાળકોને શોધવા ટીમો બનાવી તપાસ થાય છે

સરકારનું કહેવું છે કે બાળકોને શોધવા માટે અલગ અલગ ટીમો બનાવીને તપાસ કરવામાં આવે છે. ચિલ્ડ્ર્ન હોમમાં નિયમિત તપાસ કરાય છે. મિસિંગ સેલ અને સીઆઈડી ક્રાઈમ દ્વારા પણ ડ્રાઈવનું આયોજન કરવામાં આવે છે. બાળકોને શોધી કાઢવા માટે અવારનવાર ઉપરી અધિકારી દ્વારા આદેશો કરવામાં આવે છે. આમ, તંત્ર દ્વારા ગુમ થયેલાં બાળકો પરત મળી આવે એ માટે પૂરતા પ્રયાસો કરવામાં આવતાં હોવાનું કહેવાય છે. મોટા ભાગના કિસ્સામાં બાળકો પરત મળી આવતાં હોય છે.

આ પણ વાંચો: સાઉદી અરબમાં 14 કરોડમાં વેચાયો સૌથી મોંઘો ઊંટ 
https://khaskhabarrajkot.com/2022/03/29/the-most-expensive-camel-sold-in-saudi-arabia-for-14-crores/