પીઠડીયા, વીરપુર અને ચરખડીમાં વૃદ્ધાશ્રમના 350 વૃધ્ધોને અડદિયા અને ગાંઠિયા અપાયા

ગોંડલ શ્રી રાધેશ્યામ લેઉવા પટેલ વાડી યોગીનગર તરફથી પ્રશંસનિય કામગીરી

રાધેશ્યામ લેઉવા પટેલ વાડી છેલ્લા ચાર વર્ષથી જ્ઞાતિજનો માટે અલગ અલગ સેવાકીય કાર્યો કરે છે

ખાસ-ખબર સંવાદદાતા
ગોંડલશ્રી દૂધીબેન વશરામભાઈ પટેલ ચેરીટેબલ ટ્રસ્ટ સંચાલિત શ્રી રાધે શ્યામ લેઉવા પટેલ વાળી યોગીનગર તરફથી પીઠડીયા, વીરપુર અને ચરખડી માં આવેલ ત્રણ વૃદ્ધાશ્રમ ના 350 જેટલા વૃધ્ધોને 350 કિલો શુદ્ધ ઘીના અડદિયા અને 150 કિલો ગાંઠિયા બનાવીને આપવામાં આવ્યા.
પ્રત્યેક વૃદ્ધ દીઠ 1 કિલો અડદિયા અને 500 ગ્રામ ગાંઠિયા ના બોકસ આપવામાં આવ્યા. શ્રી રાધેશ્યામ લેઉવા પટેલ વાડી યોગીનગર તરફથી વીરપુર માં આવેલ માવતર વૃદ્ધાશ્રમ, પીઠડીયા પાસે આવેલ હરિઓમ વૃદ્ધાશ્રમ અને ચરખડી માં આવેલ તિરંગા વૃદ્ધાશ્રમ ખાતે રહેતા 350 જેટલા વૃધ્ધોને પ્રત્યેક વૃદ્ધ દીઠ 1 કિલો અડદિયા અને 500 ગ્રામ ગાંઠિયા આપવામાં આવ્યા અડદિયા અને ગાંઠીયા મુકેશભાઈ કુંજડિયા દ્વારા સેવામાં બનાવી આપવામાં આવ્યા છે રાધેશ્યામ વાડી ખાતે યુવાનો અને વડીલો દ્વારા અડદિયા અને ગાંઠીયા ના પેકિંગ કરવામાં આવ્યા હતા.
350 કિલો અડદિયા માં 100 કિલો લોટ, 100 કિલો ઘી, 35 કિલો ડ્રાયફ્રુટ જેમાં બદામ, કાજુ, પિસ્તા અને કિસમિસ નાખી ને અડદિયા બનાવવામાં આવ્યા હતા, 90 કિલો લોટના ના ગાંઠિયા બનાવી ને પ્લાસ્ટિક ના બોક્સ માં પેકિંગ કરવામાં આવ્યા હતા અડદિયા અને ગાંઠિયા મુકેશભાઈ રસોયા દ્વારા બનાવવામાં આવ્યા હતા તેને પણ માનવતા દાખવી હતી મજૂરી ના રૂપિયા પણ ટ્રસ્ટ પાસેથી લીધા ના હતા.

રાધે શ્યામ લેઉવા પટેલ વાડી તરફથી જરૂરિયાતમંદ જ્ઞાતિના પરિવાર ને રાશન ની કીટ ઘરે ઘરે જઈ ને આપવામાં આવે છે કોઈ પણ પ્રસિદ્ધિ કે ફોટો પાડ્યા વગર જ્ઞાતિજનો સુધી કીટ પોહચાડે છે આ પહેલા પણ કોરોના ના કપરા સમયે રાધેશ્યામ વાડી તથા જેલચોક પટેલ વાડી તરફથી જરૂરિયાત જ્ઞાતિજનોને 600 જેટલી રાશન કીટ આશરે 4 લાખ જેટલો ખર્ચ કરીને રાશન કીટમાં ઘઉં, ચોખા, મગદાળ, ચણાંદાળ, તેલ, ચા – ખાંડ, બટાકા, ચટણી વગેરે મસાલા સહિત ની કિટો બનાવી ને પોહચતી કરવામાં આવી હતી.
રાધેશ્યામ લેઉવા પટેલ વાડીના તમામ ટ્રસ્ટીઓ મનુભાઈ ગજેરા, જગદીશભાઈ વેકરિયા, ચંદુભાઈ વેકરિયા, મનુભાઈ કોટડીયા, રમેશભાઇ ગજેરા (રોયલ), રમેશભાઇ હિરાણી, મહેશભાઈ વિરડીયા, હર્ષદભાઈ વેકરિયા, રમેશભાઇ રૈયાણી, રમેશભાઇ ગજેરા (રામજીમંદિર) રોનકભાઈ રૈયાણી, ડો.રાદડિયા, અશોકભાઈ પીપળીયા, પિન્ટુભાઈ સાટોડીયા અને નારણભાઇ સાવલિયા સહિત ના ટ્રસ્ટી મંડળોનો આ સંસ્થા માં સહયોગ મળતો રહે છે.