તમામે તમામ ક્ષેત્રોના શેરોમાં અભૂતપૂર્વ તેજી: અદાણી ગ્રુપ – બેંકો – પાવર – પીએસયુ શેરોમાં તોતીંગ ઉછાળો
બીએસઈનુ માર્કેટ કેપ 423 લાખ કરોડને વટાવી ગયુ: સેન્સેકસ-નિફટી સહિતના ઈન્ડેકસ ‘ઓલટાઈમ હાઈ’
- Advertisement -
ભારતીય લોકસભાની ચૂંટણીના પરિણામો આવતીકાલે જાહેર થાય તે પુર્વે જ શેરબજારે જશ્ન શરૂ કરી દીધો હોય તેમ આજે અભૂતપૂર્વ તેજી થઈ હતી. સેન્સેકસ 2777 તથા નિફટી 849 પોઈન્ટ ઉછળવા સાથે ઓલટાઈમ હાઈ થયા હતા. અદાણી ગ્રુપ ઉપરાંત બેંક, પાવર, પીએસયુ, ઓટો સહિતના ક્ષેત્રોમાં અભૂતપૂર્વ તેજી વચ્ચે બીએસઈનુ માર્કેટ કેપીટલાઈઝેશન 423 લાખ કરોડને પાર થઈ ગયુ હતું.
શેરબજારમાં આજે માનસ તેજીનુ હતુ અને અપેક્ષિત રીતે જ રેકોર્ડબ્રેક લેવલે ખુલ્યુ હતું. શનિવારે લોકસભાની ચૂંટણીનાં સાતેય તબકકાના મતદાન પુર્ણ થવા સાથે એકઝીટ પોલ જાહેર થયા હતા અને લગભગ તમામમાં ફરી તોતીંગ બહુમતી સાથે મોદી સરકાર બની રહી હોવાના તારણો જાહેર થતા માર્કેટમાં સારી અસર હતી.
ચૂંટણી અગાઉથી જ સતત ત્રીજી ટર્મમાં મોદી સરકાર બનવાની ભવિષ્યવાણી થતી રહી હતી. એકઝીટ પોલમાં સમાન તારણ નીકળતા આશંકાઓ દુર થઈ ગઈ હતી અને વિશ્વાસપૂર્વક તેજી થઈ હતી. જાણીતા શેરબ્રોકરોના કહેવા પ્રમાણે ખુદ વડાપ્રધાન મોદી સહિતના નેતાઓએ ચૂંટણી પરિણામના દિવસે જોરદાર તેજી થવાની આગાહી કરી હતી એટલે માર્કેટમાં ભરોસો આવી જ ગયો હતો.
- Advertisement -
જે એકઝીટ પોલના તારણો બાદ બેવડાયો હતો. હવે આવતીકાલના સતાવાર પરિણામ આવી ગયા બાદ તેજી વધુ આગળ ધપી શકે છે. ત્યારબાદ નવી સરકારની રચના, નવા નાણામંત્રી તથા નવા પૂર્ણ બજેટ અને સરકારી નીતિનો આધારિત વધઘટનો દોર શરૂ થઈ શકે છે.
શેરબજારમાં આજે અભૂતપૂર્વ તેજી વચ્ચે લગભગ તમામ શેરો ઉંચકાયા હતા. એકસીસ બેંક, બજાજ ફાઈનાન્સ, ભારતી એરટેલ, એચડીએફસી બેંક, આઈસીઆઈસીઆઈ બેંક, ઈન્ડુસઈન્ડ બેંક, જેએસડબલ્યુ સ્ટીલ, કોટક બેંક, લાર્સન, મહીન્દ્ર, મારૂતી, એનટીપીસી, પાવરગ્રીડ, રીલાયન્સ, સ્ટેટ બેંક, ટાટા મોટર્સ, ટાટા સ્ટીલ, ટીસીએસ, ટાઈટન, અદાણી પોર્ટ, અદાણી એન્ટરપ્રાઈઝ, શ્રીરામ ફાઈનાન્સ, અદાણી પાવર સહિતના શેરો ઉછળ્યા હતા.
મુંબઈ શેરબજારનો સેન્સીટીવ ઈન્ડેકસ 1867 પોઈન્ટના ઉછાળાથી 75828 સાંપડયો હતો તે ઉંચામાં 76738 તથા નીચામાં 75744 હતો. નેશનલ સ્ટોક એકસચેંજનો નિફટી 581 પોઈન્ટ ઉંચકાઈને 23112 હતો. તે ઉંચામાં 23380 તથા નીચામાં 23082 હતો.
શેરબજારમાં તોતીંગ ઉછાળાને પગલે બીએસઈનું માર્કેટ કેપીટલાઈઝેશન 423.91 લાખ કરોડને પાર થઈને અત્યાર સુધીના રેકોર્ડસ્તરે પહોંચ્યું હતું.
