ગાયકવાડીના વેપારીની ઉત્તરાખંડ અને દિલ્હીના બે શખ્સો સામે પ્રનગરમાં ફરિયાદ
ફલાઈટ ટિકિટ, વર્કપરમિટ વિઝા મોકલી લોકોને મુંબઈ એરપોર્ટ બોલાવ્યાં, ત્યાં પહોંચ્યા તો ખબર પડી કે ટિકિટ કેન્સલ કરી નાખી છે
ખાસ-ખબર ન્યૂઝ રાજકોટ
- Advertisement -
યુરોપના વિઝા અને વર્ક પરમિટ કઢાવી આપવાની લાલચ આપી રાજકોટના 22 લોકો સાથે 31 લાખની છેતરપિંડીનો બનાવ સામે આવતા ચકચાર મચી જવા પામી છે આરોપીઓએ ફલાઈટ ટીકીટ, વર્કપરમીટ વિઝા મોકલી લોકોને મુંબઈ એરપોર્ટ બોલાવ્યાં હતા ત્યાં પહોંચ્યા તો જાણ થઈ હતી કે ટીકીટ કેન્સલ કરી નાંખી છે ગાયકવાડીના વેપારીએ ઉતરાખંડ અને દિલ્હીના શખ્સ સામે છેતરપિંડી સહિતની કલમ હેઠળ ફરિયાદ નોંધાવી છે.
રાજકોટમાં ગાયકવાડીમાં રહેતાં વારીસઅલી અયુબભાઈ ઉ.26એ ઉતરાખંડના મહમદ આવેઝ અને દિલ્હીના અફલાક અહેમદ સામે પ્ર. નગર પોલીસમાં છેતરપીંડી સહિતની કલમ હેઠળ નોંધાવેલી ફરીયાદમાં જણાવ્યું હતું કે, તે પાંચ વર્ષથી એટલાસ ઈન્ટરનેશનલ ઈમિગ્રેશન નામની પેઢી ધરાવી ભારતના નાગરિકોને વિદેશ જવા માટે વર્કપરમીટ વિઝા અપાવવાનું કામકાજ કરે છે 8 થી 10 મહીના પહેલા આરોપી મહમદ આવેઝનો ફોન આવેલ કે, મે ઓનલાઈન તમારું વિઝાનુ અને ઈમિગ્રેશનનુ કામકાજ જોયું છે, મારી પાસે યુરોપની ઘણી બધી ક્ધટ્રીનું વર્ક પરમીટનુ કામ છે. તેમ ફોનમા જણાવતા પરીચય મહમદ આવેઝ સાથે થયેલ અને તેને રૂબરૂ રાજકોટ મળવા માટે કહેલ જેથી સાત આઠ દીવસ બાદ આરોપી રાજકોટ આવેલ અને મળીને કહેલ કે, હુ દિલ્લીના અફલાક અહેમદની સાથે વર્કપરમીટ વિઝા અપાવવાનુ કામ કરું છુ તેની કંપનીનું નામ એ.ટી.એ. વીઝા હબ છે, જે જનકપૂરી દીલ્હી ખાતે આવેલ છે, જે બાદ અફલાક અહેમદ સાથે ફોનમાં વાત કરાવેલ ત્યારે અફલાક અહેમદે કહેલ કે, મહમદ આવેઝ મારો પાર્ટનર છે, અમે બન્ને યુરોપનુ વર્ક પરમીટ વીઝાનુ કામ કરી આપશું અને કામ થઈ ગયા બાદ જ તમારે રૂપીયા આપવા ના રહેશે.
તેમજ મહમદ આવેઝે જણાવેલ કે, તમે રૂબરૂ કાશીપુર (ઉતરાખંડ) ખાતે આવો ત્યા મારી ઓફીસ છે. જેથી ફરીયાદી આઠેક મહીના પહેલા કાશીપુર (ઉતરાખંડ) ખાતે ગયેલ અને ત્યાં બાબા રીસોર્ટની સામે આવેલ ઓફીસે મહમદ આવેઝને મળેલ અને તેણે અન્ય લોકોના વીઝા ટીકીટ, કોન્ટ્રકટ વીગેરે બતાવેલ અને કહેલ કે, આ માણસોને મે વીઝા અપાવેલ છે તેમ કહેતાં ફરિયાદીએ પણ તેની સાથે કામ કરવાનુ નક્કી કરેલ હતું. તેઓની પાસે પણ વિઝા અને ઈમીગ્રેશનનું કામ હોય તેમા સારા કમીશનની અપેક્ષાએ પોતાના તેમજ પરીવારજનોના અને કેન્ડીડેટ્સના ડોક્યુમેન્ટ મહમદ આવેઝને મોકલતાં તેને જણાવેલ કે, થોડાક દીવસમા તમારા બધાની વર્ક પરમીટનુ કામ થઈ જશે. બાદમા મહમદ આવેઝે તમામના વીઝા મોકલેલ અને રુપીયા ચુકાવવાનુ કહેલ જેથી ફરિયાદીએ પોતાના રૂ.3 લાખ, 21 કેન્ડીડેટ્સના મળી કુલ રૂ.30,40 લાખની આસપાસ મહમદ આવેઝને ચુકવેલ છે, જેમાથી રૂ.22 લાખ આસપાસ રકમ ઓનલાઈન તેના એકાઉન્ટમાં કટકે કટકે નાખેલ અને બાકીના રૂ. 9 લાખ રોકડા ચુકવેલ હતા મહમદ આવેઝે જણાવેલ કે, પંદર દિવસમાં તમને આ તમામ વ્યકિતઓના પાસપોર્ટ તથા વર્કપરમીટ વિઝા, ફલાઈટની ટીકીટ મળી જશે, બાદ આ બન્ને શખ્સોએ ફોન કરીને જણાવેલ કે, તમને ઓનલાઈન ફલાઈટ ટીકીટ, વર્કપરમીટ વિઝા મોકલું છું.
મારા બધાની તા.05 -12-2024 ની મુંબઈ એરપોર્ટથી યુરોપની ફ્લાઈટ ટીકીટ છે, જેથી તમો બધા તા.04-12-2024 ના મુંબઈ 5હોંચી જજો, જેથી તેઓએ મોબાઈલ ચેક કરતાં તેમાં મહમદ આવેઝએ બધાની ફલાઈટ ટીકીટ તથા વર્કપરમીટ વિઝા મોકલેલ હતા. બાદમાં યુવાને મુંબઈ એરપોર્ટના હેલ્પ લાઈન નંબર પર ફોન કરી ક્ધફર્મ કરેલ કે અમારા નામની ટીકીટ બૂક છે કે કેમ ? તે સમયે અમારી ટીકીટ અમારા નામથી બૂક થયેલ હતી. બાદ તેઓ પાંચ વ્યકતી તા. 04-12-2024 ના મુંબઈ પહોંચી ગયેલ અને તા. 05-12-2024 ના મુંબઈ એરપોર્ટ ઉપર પહોંચતા તેમની સાથે આવેલ કેન્ડીડેટ્સને માલુમ પડેલ કે, મહમદ આવેઝએ મોકલેલ તમામ ફલાઈટ ટીકીટ કેન્સલ કરેલ છે. જેથી યુવાને અને કેન્ડીડેટ્સએ મહમદ આવેઝને ફોન કરતાં તેનો ફોન સ્વીચ ઓફ આવતો હતો જેથી યુવાન રૂબરૂ મહમદ આવેઝની ઓફીસે ઉતરાખંડ ખાતે ગયેલ, અને જયાં તે 25 દિવસ સુધી રોકાયેલ અને ત્યાં તપાસ કરતાં માલુમ પડેલ કે, મહમદ આવેઝ તથા અફલાક અહેમદે તેઓની પાસેથી રૂપીયા પડાવી લેવા કાવતરૂ કરી છેતરપીંડી કરેલ છે. જેથી આરોપીઓએ મળી 31 લાખ ટ્રાન્સફર કરાવી ફેક ફ્લાઈટ ટીકીટો અને વર્કપરમીટ વીઝા આપી દઈ છેતરપીંડી કરતાં ફરીયાદ નોંધાવી હતી.
- Advertisement -
રાજકોટના ભોગ બનેલા નાગરિકો
નીતિનભાઈ પટેલ રૂ.1 લાખ,
ગઢવી ગોવીંદકુમાર રૂ.1 લાખ,
કોટિયા ધર્મેશ અરવિંદભાઈ રૂ.1.10 લાખ,
હિરેન મહેરિયા રૂ.3.75 લાખ,
અંજુમબેન અસ્લમભાઇ સંધી રૂ. 75 હજાર,
સૈયદ મહંમદઅનસ હાસમભાઈ રૂ.4 લાખ,
ઈશ્વરભાઈ લોઢારી રૂ. 1.30 લાખ,
સોચેબ સૈયદ રૂ.1 લાખ,
ગુલામ સંજરખાન રૂ.1.10 લાખ,
રીનોય વીન્દ્ર રૂ.1.20 લાખ,
અમન રૂ.50 હજાર,
અંકીત કુમાર રૂ.1.30 લાખ,
હીના સીંગરખીયા રૂ.1.30 લાખ,
સલમાન વ્હોરા રૂ.30 હજાર,
ગૌરાંગ પટેલ રૂ.1 લાખ,
અમનદીપસીંગ રૂ.1.20 લાખ,
નૂર દસ્તગીર સૈયદ રૂ.1 લાખ,
એયાઝ સેયદ રૂ.1 લાખ,
તારીફ હુરીન સયદ રૂ.1 લાખ,
નુર આલ્બમ રૂ.1.10 લાખ,
સોહીલખાન યુસુફખાન પઠાણ રૂ.1.15 લાખ
