અભિનેત્રીએ હિન્દી સિનેમામાં પોતાના દમ પર એક અલગ ઓળખ ઉભી કરી છે. પોતાના અભિયનથી રાની મુખર્જીએ ઈન્ડસ્ટ્રીમાં એક ઉંચુ શિખર પાર કર્યુ છે. રાની મુખર્જીની તસવીરો જોઇએ જે તમે ક્યારેય નહીં જોઈ હોય..
રાની મુખર્જીના બાળપણની તસવીરો
- Advertisement -
રાની મુખર્જીનો જન્મ 21 માર્ચ 1978ના રોજ મુંબઈમાં થયો હતો. તેના પિતા રામ મુખર્જી એક ફિલ્મ નિર્દેશક હતા અને તેની માતા કૃષ્ણા એક પ્લેબેક સિંગર હતા. ફિલ્મ ઈન્ડસ્ટ્રીમાં રાનીના પરિવારના અન્ય ઘણા સભ્યો પણ છે. કાજોલ અને અયાન મુખર્જી તેના પિતરાઈ ભાઈ-બહેન છે.
રાની મુખર્જીએ જુહુની માણેકજી કૂપર હાઈસ્કૂલમાં અભ્યાસ કર્યો છે અને SNDT મહિલા યુનિવર્સિટીમાંથી હોમ સાયન્સમાં ડિગ્રી મેળવી છે. અભિનેત્રી એક પ્રશિક્ષિત ઓડિસી નૃત્યાંગના છે અને તે ધોરણ 10માં હતી ત્યારે તેણે નૃત્યની તાલીમ લેવાનું શરૂ કર્યું હતું. રાની મુખર્જી તેના પિતા રામ મુખર્જી સાથે પોઝ આપતી દેખાઈ છે. જો કે 22 ઓક્ટોબર 2017ના રોજ તેમનું નિધન થયું હતું.
સાથિયા(2002) ફિલ્મના શૂટિંગ દરમિયાન રાની મુખર્જી. તેણીએ આ ફિલ્મમાં વિવેક ઓબેરોય સાથે સહ-અભિનયની ભૂમિકા ભજવી હતી, જે 2000ની ફિલ્મ અલૈપયુથેની રિમેક હતી. રાની મુખર્જી અને શાહરૂખ ખાને કુછ કુછ હોતા હૈ (1998), ચલતે ચલતે (2003), વીર-ઝારા (2004), પહેલી (2005) અને કભી અલવિદા ના કહેના (2006) જેવી લોકપ્રિય ફિલ્મોમાં સાથે કામ કર્યુ છે.
- Advertisement -
ફિલ્મો ક્યારેય રાની મુખર્જીની પહેલી પસંદ નહોતી. ભલે રાની ઈન્ડસ્ટ્રીમાં પગ મૂકવા માંગતી ન હતી, પરંતુ તેના નસીબને કંઈક બીજું જ સ્વીકારવાનું હતું.
બોલિવૂડ અભિનેત્રી રાની મુખર્જી ઈન્ડસ્ટ્રીની સૌથી સફળ અભિનેત્રીઓમાંની એક રહી છે. શાહરૂખ ખાનથી લઈને સલમાન ખાન સુધી તેણે દરેક મોટા અભિનેતા સાથે કામ કર્યું અને પોતાની ઓળખ બનાવી. રાની મુખર્જીએ તેના વ્યાવસાયિક જીવન તેમજ અંગત જીવન માટે ઘણી હેડલાઇન્સ બનાવી. આજે પણ આદિત્ય ચોપરા સાથેની તેની લવ સ્ટોરી લોકોના જીભ પર છે. પરંતુ, ઇન્ડસ્ટ્રી પર રાજ કરનારી રાણી એક સમયે ફિલ્મી દુનિયાથી ભાગી જતી હતી, આ વાત બહુ ઓછા લોકો જાણે છે.
હા, અભિનય અને ફિલ્મો ક્યારેય રાની મુખર્જીની પહેલી પસંદ નહોતી. ભલે રાની ઈન્ડસ્ટ્રીમાં પગ મૂકવા માંગતી ન હતી, પરંતુ તેના નસીબને કંઈક બીજું જ સ્વીકારવાનું હતું. તે ફિલ્મોમાં આવી અને દર્શકોના દિલો પરરાજ કરવા લાગી. વાસ્તવમાં, રાની પહેલા ફેશન ડિઝાઇનર બનવા માંગતી હતી. પરંતુ, તેના પિતાના કારણે તે ફિલ્મોનો ભાગ બની. રાની મુખર્જીની પ્રથમ હિન્દી ફિલ્મ ‘રાજા કી આયેગી બારાત’ હતી, પરંતુ તે પહેલા તે અભિનયની શરૂઆત કરી ચૂકી હતી.
રાની મુખર્જીએ બંગાળી ફિલ્મ ‘બિયાર ફૂલ’થી અભિનયની શરૂઆત કરી હતી. આ બંગાળી ફિલ્મ રાની મુખર્જીના પિતાએ ડિરેક્ટ કરી હતી. જેમાં અભિનેત્રીએ પ્રોસેનજીત ચેટર્જી સાથે સ્ક્રીન શેર કરી હતી. આ પછી રાની મુખર્જીને ‘રાજા કી આયેગી બારાત’માં જોયા બાદ તેને એક પછી એક ફિલ્મોની ઓફર મળવા લાગી. જે પછી તે ગુલામ, કુછ કુછ હોતા હૈ, હેલો બ્રધર, મન, બિચ્છુ, હર દિલ જો પ્યાર કરેગા જેવી ફિલ્મોમાં જોવા મળી હતી.
રાની મુખર્જીને ‘મર્દાની’ અને ‘બ્લેક’ જેવી ફિલ્મોમાં તેના દમદાર અભિનય માટે ઘણા પુરસ્કારોથી નવાજવામાં આવી હતી. તેની કરિયરની વાત કરીએ તો તેને અત્યાર સુધીની ફિલ્મી કરિયરમાં બહુ ઓછો સંઘર્ષ જોવો પડ્યો છે. રાનીની ફિલ્મો પણ હંમેશા બોક્સ ઓફિસ પર સારો દેખાવ કરતી હતી. અંગત જીવનની વાત કરીએ તો તેણે 2014માં આદિત્ય ચોપરા સાથે લગ્ન કર્યા હતા. જે પછી તે ફિલ્મોની સાથે પોતાની અંગત જિંદગીને પણ પૂરો સમય આપી રહી છે.
