– ઘટના બાબતે મુખ્યમંત્રીએ દુ:ખ વ્યક્ત કર્યુ, રેસ્કયૂ ઓપરેશન ચાલુ
મિઝોરમાં આજે એક દુર્ભાગ્યપૂર્ણ ઘટના બની છે. મિઝોરમના સૈરાંગ વિસ્તારની પાસે આવેલા એક અંડર કન્સ્ટ્રક્શન રેલવે બ્રિજ તૂટી પડયો હતો. જેમાં ઓછામાં ઓછા 17 કામદારોનાં મૃત્યુ થયા હતા. રાજધાની આઈઝોલથી 21 કિમી દૂર સૈરાંગમાં સવારે 10 વાગ્યે આ અકસ્માત થયો હતો. ઘટના સમયે બ્રિજ પર 35 થી 40 મજૂરો કામ કરી રહ્યા હતા. બૈરાબીને સાયરાંગથી જોડતી કુરુંગ નદી પર આ પુલ બનાવવામાં આવી રહ્યો હતો. વહીવટીતંત્ર બચાવ કાર્ય ચલાવી રહ્યું છે.
- Advertisement -
Under construction railway over bridge at Sairang, near Aizawl collapsed today; atleast 17 workers died: Rescue under progress.
Deeply saddened and affected by this tragedy. I extend my deepest condolences to all the bereaved families and wishing a speedy recovery to the… pic.twitter.com/IbmjtHSPT7
— Zoramthanga (@ZoramthangaCM) August 23, 2023
- Advertisement -
આ ઘટના બાબતે મુખ્યમંત્રી જોરમથાંગાએ દુ:ખ વ્યક્ત કરતાં કહ્યું કે, બચાવ કાર્ય ચાલુ છે. એનએફ રેલ્વેએ સીપીઆરઓ સબ્યસાચી ડેએ જણાવ્યું કે, રેલ્વે અધિકારી ઘટનાસ્થળે પહોંચી ગયા છે, અને પૂર્વોત્તર સીમાંત રેલ્વેના વરિષ્ઠ અધિકારી પણ ઘટનાસ્થળની મુલાકાતે પહોંચી ગયા છે.
તેમણે વિગતે માહિતી આપતા જણાવ્યું કે, આઇજોલની પાસે સાયરાંગમાં અંડર કન્સ્ટ્રક્શન રેલ્વે ઓવર બ્રિજ ધરાશાયી થયો હતો, જેમાં 17 શ્રમીકોના મૃત્યુ થયા હતા. આ દુર્ઘટનાથી હું ખૂબ દુ:ખી અને પ્રભાવીત છું. હું મૃતકોના પરિવારજનો પ્રત્યે સંવેદના વ્યક્ત કરૂ છું અને ઇજાગ્રસ્ત જલ્દીથી સાજા થાય તેવી પ્રાર્થના કરૂ છું. તેમણે પોસ્ટમાં લખ્યું કે, રેસ્કયૂ ઓપરેશનમાં મદદ માટે મોટી સંખ્યામાં સામે આવ્યા છે, તેમનો હદયપૂર્વક આભાર વ્યક્ત કરૂ છું.
એક પોલીસ અધિકારીએ જણાવ્યું કે, કાટમાળમાંથી બધા જ મૃતદેહો બહાર કાઢી લેવામાં આવ્યા છે, કેટલાક લોકો હજુ પણ લાપતા છે.
