વિશ્વના વૈજ્ઞાનિકોએ પહેલીવાર HIV સંક્રમણને 100% ઠીક કરતા ઇન્જેક્શનના સફળ ટ્રાયલનો દાવો કર્યો છે. લગભગ 5 હજાર લોકો પર આ ટ્રાયલ સફળ રહી છે. વૈજ્ઞાનિકોના મતે આ ઈન્જેક્શનના 2 ડોઝ લેવાથી HIV AIDS મટી શકે છે.
વિશ્વભરના HIV અને AIDS પીડિતો માટે સૌથી મોટી રાહતના સમાચાર છે. વૈજ્ઞાનિકોએ HIV સંક્રમણને ઠીક કરનાર ઈન્જેક્શનનું સફળ ટ્રાયલ કરવાનો દાવો કર્યો છે. એક વર્ષમાં આ ઈન્જેક્શનના બે ડોઝ લેવાના રહેશે. આ પછી AIDSની પણ છુટ્ટી થઈ જશે. જણાવી દઈએ કે દક્ષિણ આફ્રિકા અને યુગાન્ડામાં મોટા પાયે કરવામાં આવેલા ક્લિનિકલ ટ્રાયલમાં જાણવા મળ્યું છે કે વર્ષમાં બે વાર નવી નિવારક દવાના ઈન્જેક્શનથી યુવતીઓને HIV સંક્રમણથી સંપૂર્ણ સુરક્ષા મળે છે.
- Advertisement -
ટ્રાયલમાં એ જાણવાનો પ્રયાસ કરવામાં આવ્યો કે શું દર છ મહિને ‘લેન્કાપાવીર’ના 6-6 મહિને ઇન્જેક્શન, બે અન્ય દવાઓ (રોજ લેવામાં આવતી ગોળીઓ)ની સરખામણીમાં HIV સંક્રમણ સામે વધુ સારી સુરક્ષા પ્રદાન કરશે. ત્રણેય દવાઓ ‘પ્રી-એક્સપોઝર પ્રોફીલેક્સિસ’ (રોગ નિરોધક) દવાઓ છે. અભ્યાસના દક્ષિણ આફ્રિકન ભાગના મુખ્ય તપાસકર્તા, ચિકિત્સક-વૈજ્ઞાનિક લિન્ડા-ગેલ બેકરે જણાવ્યું કે આ સફળતા શા માટે એટલી મહત્ત્વપૂર્ણ છે અને આગળ શું અપેક્ષા રાખવામાં આવે. લેન્કાપાવીર અને અન્ય બે દવાઓની અસરકારકતાની ટ્રાયલ 5,000 સહભાગીઓ સાથે ‘પર્પઝ 1’ ટેસ્ટ યુગાન્ડામાં ત્રણ જગ્યાએ અને દક્ષિણ આફ્રિકામાં 25 જગ્યા પર કરવામાં આવ્યા.
5000 લોકો પર ટ્રાયલ સફળ
લેન્કાપાવીર (લેન એલએ) ઈન્જેક્શનનું 5 હજાર લોકો પર સફળ પરીક્ષણ કરવામાં આવ્યું. લેન્કાપાવીર HIV કેપ્સિડમાં પ્રવેશ કરે છે. કેપ્સિડ એ પ્રોટીન શેલ છે જે HIVની આનુવંશિક સામગ્રી અને પ્રતિકૃતિ માટે જરૂરી ઉત્સેચકોનું રક્ષણ કરે છે. તે દર છ મહિનામાં એકવાર ત્વચા પર લગાવવામાં આવે છે. પૂર્વી અને દક્ષિણ આફ્રિકામાં, યુવાન સ્ત્રીઓ HIV સંક્રમણથી સૌથી વધુ પીડિત હોય છે. અસંખ્ય સામાજિક અને માળખાકીય કારણોસર, તેઓને દૈનિક પ્રી-એક્સપોઝર પ્રોફીલેક્સિસ રેજીમેન જાળવી રાખવાનું પણ પડકારજનક લાગે છે. ટ્રાયલના રેન્ડમાઈઝ્ડ તબક્કા દરમિયાન લેન્કાપાવીર લેનાર 2,134 મહિલાઓમાંથી કોઈ પણ એચઆઈવીથી સંક્રમિત ન થઈ. આ ઈન્જેક્શન 100 ટકા કાર્યક્ષમતા પુરવાર કરે છે. આ પરીક્ષણોનું મહત્ત્વ શું છે? આ સફળતા મોટી આશા જગાડે છે કે લોકોને HIVથઈ બચાવવા માટે અમારી પાસે અકે સિદ્ધ, અત્યંત અસરકારક નિવારણ ઉપાય છે.
- Advertisement -
HIV નાબૂદ કરવા માટે આશા જાગી
આ ટ્રાયલની સફળતાથી હવે HIV નાબૂદ થવાની આશા જાગી છે. ગયા વર્ષે, વૈશ્વિક સ્તરે 1.3 મિલિયન નવા HIV સંક્રમણના કેસ નોંધાયા હતા. જો કે, આ 2010 માં જોવા મળેલા 20 લાખ સંક્રમણના કેસ કરતાં ઓછા છે. તે સ્પષ્ટ છે કે આ દરે આપણે HIVના નવા કેસોને ઘટાડવાના લખ્યને પૂરા કરી શકીશું નહીં જે UNAIDS એ 2025 માટે (વૈશ્વિક સ્તરે 5,00,000 થી ઓછા) નિર્ધારિત કરેલા છે અથવા 2030 સુધીમાં એઇડ્સને સંભવિતપણે નાબૂદ કરવાના લક્ષ્યાંકને પૂર્ણ કરી શકીશું નહીં. પ્રી-એક્સપોઝર પ્રોફીલેક્સિસ દવાઓ નિવારણનો એકમાત્ર ઉપાય નથી.
HIV માટે સ્વ-પરીક્ષણ, કોન્ડોમની ઍક્સેસ, જાતીય સંક્રમિત ચેપ માટે પરીક્ષણ અને સારવાર અને બાળકો પેદા કરવા લાયક સ્ત્રીઓ માટે ગર્ભનિરોધક દવાઓની ઍક્સેસ સાથે પ્રી-એક્સપોઝર પ્રોફીલેક્સિસ પ્રદાન કરવી જોઈએ. પરંતુ આ વિકલ્પો હોવા છતાં, અમે તે બિંદુ સુધી પહોંચ્યા નથી જ્યાં આપણે નવા ચેપને અટકાવી શકીએ, ખાસ કરીને યુવાનોમાં.
એક વર્ષમાં બે ઇન્જેક્શનથી નથી થાય HIV
યુવાન લોકો માટે, રોજ એક ગોળી લેવી અથવા કોન્ડોમનો ઉપયોગ કરવો અથવા સંભોગ સમયે એક ગોળી લેવાનો નિર્ણય ખૂબ જ પડકારજનક હોઈ શકે છે. HIV વૈજ્ઞાનિકો અને કાર્યકરો આશા રાખે છે કે યુવાનોને એ ખબર પડશે કે વર્ષમાં માત્ર બે વાર આ ‘નિવારણ નિર્ણય’ લેવાથી મુશ્કેલીઓ ઘટાડી શકાય છે. એક યુવાન સ્ત્રી માટે, વર્ષમાં બે વાર માત્ર એક ઇન્જેક્શન લેવાનો એ વિકલ્પ છે જે તેને HIV થી દૂર રાખી શકે છે.
