રૈયાધાર રોડ પર આવેલી સ્વસ્તિક હાઈલેન્ડ્સના બિલ્ડરોએ લોકોને છેતર્યા

સ્વસ્તિક બિલ્ડર્સની છેતરામણી, લોભામણી જાહેરાતોથી સાવધાન

લોભામણા બ્રોશર્સ દેખાડી ગ્રાહકો પાસેથી બમણાં પૈસા વસુલ્યા હોવાની રહેવાસીઓમાં ફરિયાદ- બિલ્ડરે કોમન એમિનિટીઝ પૂરા કરવાના માત્ર વાયદા દેખાડ્યા પરંતુ હજુ સુધી કોઈ પણ જાતની સુવિધાઓ આપવામાં આવી નથી

ખાસ-ખબર સંવાદદાતા
શહેરના રૈયાધાર રોડ પર આવેલ સ્વસ્તિક હાઈટ્સમાં દેખાડવામાં આવેલી સુવિધાના નામે હાલ મીંડુ છે. આ અંગેની ફરિયાદો ફ્લેટધારકોમાં ઉઠી છે. ફ્લેટના વેચાણ કરતાં પહેલાં સ્વસ્તિક બિલ્ડર્સે દ્વારા જે સુવિધાઓ દેખાડવામાં આવી હતી તેમાંથી એક પણ સુવિધાઓ આપવામાં ન આવતાં ફ્લેટધારકોમાં રોષ ફાટી નીકળ્યો છે.

વધુમાં ગ્રાહકોને આ બિલ્ડર્સે લોભાવીને હલ્કી ગુણવત્તાના મટિરિયલ વાપરી આ ફ્લેટધારકોના પૈસાથી પોતાના ખિસ્સા ભર્યા છે. અનેક જગ્યાએ દિવાલમાં ભેજ આવવો, ટાઈલ્સ નીકળી જવી, ડ્રેનેજ પાઈપ લીકેજ થવી તેમજ પાણી ભરાવાની સમસ્યાઓ સર્જાઈ છે. લોભામણા બ્રોશર્સ દેખાડી ગ્રાહકો પાસેથી અનેકગણી કિંમત વસુલી ફલેટ વહેંચ્યા બાદ સુવિધાના નામે માત્ર રેતીના ઢગલા કર્યા છે. નફાખોરીના લીધે સોસાયટી લાઈટીંગના નામ પર માત્ર નાના-નાના નાઈટલેમ્પ મૂક્યા છે. લીફ્ટ પણ અવારનવાર ખરાબ થઈ જતાં લોકોની સેફ્ટી બાબતે પણ પ્રશ્ર્નો ઉભા થયા છે. હાલ સોસાયટી એસોસીએશન ન હોવાથી સોસાયટી માટે લેવાતા તમામ નિર્ણયના હક્ક બિલ્ડર્સ પાસે હોવાથી ઉપરોક્ત તમામ બાબતે તમામ ફ્લેટધારકો દ્વારા અવારનવાર બિલ્ડરને ફરિયાદ કરવા છતાં બિલ્ડર આંખ આડા કાન કરી કોઈપણ વાત સાંભળવા અથવા રૂબરૂ મળવા તૈયાર થતાં નથી અને પ્રશ્ર્નોના કોઈ ઉકેલ પણ લાવતા નથી જેથી ફ્લેટધારકોમાં રોષ ભભૂકી ઉઠ્યો છે. માત્ર દોઢ વર્ષમાં જ આ ફ્લેટમાં ફ્લોર પર આપેલ આરસીસી ફ્લોરીંગમાં અનેક જગ્યાએ તિરાડો પડવા સહિતની અનેક મુશ્કેલીઓ આ ફ્લેટના રહેવાસીઓ ભોગવી રહ્યા છે તેવું ‘ખાસ-ખબર’ની મુલાકાતે આવેલા ફ્લેટના રહેવાસીઓએ જણાવ્યું હતું.

સીસીટીવી, પીવાનું પાણી, અવારનવાર લીફ્ટ બંધ હોવી તેમજ નબળી ગુણવત્તાવાળા ફ્લેટ બનાવી લોકોને છેતર્યા- ‘ખાસ-ખબર’ની મુલાકાતે આવેલા ફ્લેટના રહેવાસીઓએ પોતાની કથની વર્ણવી
હતી. જેમાં તેમણે જણાવ્યું હતું કે સ્વસ્તિક હાઈટ્સના બિલ્ડર્સ મીત દેવાણી, વ્રજ દેવાણી, જગદીશ પાનસેરીયા, હરસુખ ડોબરીયા સહિતના અન્ય 9 બિલ્ડરોએ ફ્લેટધારકોને મોટી-મોટી સુવિધાઓ દેખાડી બાદમાં અન્ય સામાન્ય પ્રાથમિક સુવિધા પણ આપી નથી અને લોકોને છેતરી પોતાના ફ્લેટ વહેંચી રૂપિયા
ઉભા કરી લીધા હોવાનો આક્ષેપ ફ્લેટના રહેવાસીઓએ કર્યો હતો.

છેલ્લાં દોઢ વર્ષથી બિલ્ડર્સે કોમન એમિનિટીઝ પૂરા કરવાના ખાલી વાયદા જ કર્યા
ક્લબ હાઉસ, સ્વિમિંગ, જીમ, થિયેટર, ટેરેસ સીટઆઉટ, ચિલ્ડ્રન પ્લેએરિયા, ઈન્ડોર ગેઈમ ઝોન, જોગિંગ ટ્રેક સહિતની અન્ય સુવિધાઓનું હજુ સુધી સોસાયટીમાં નામોનિશાન નથી

કોમન એમિનિટીઝના રખરખાવ માટે લેવામાં આવતું મેઈન્ટેનન્સ ફંડ ફ્લેટધારક પાસેથી ઉઘરાવી દોઢ વર્ષથી આ મેઈન્ટેનન્સ ફંડ બિલ્ડર્સ વાપરે છે!

સ્વસ્તિક હાઈલેન્ડ્સના બિલ્ડરો

તેમણે વધુમાં જણાવ્યું હતું કે છેલ્લાં દોઢ વર્ષથી બિલ્ડર્સે કોમન એમિનિટીઝ પૂરા કરવાના ખાલી વાયદા જ કર્યા છે. ક્લબ હાઉસ, સ્વીમીંગ, જીમ, થિયેટર, ટેરેસ સીટઆઉટ, ચીલ્ડ્રન પ્લેએરિયા, ઈન્ડોર ગેઈમ ઝોન, જોબીંગ ટ્રેડ સહિતની અન્ય સુવિધાઓનું હજુ સુધી સોસાયટીમાં નામોનિશાન નથી. કોમન એમિનિટીઝના રખરખાવ માટે લેવામાં આવતું મેઈન્ટેનન્સ ફંડ દરેક ફ્લેટધારક પાસેથી ઉઘરાવી છેલ્લાં દોઢ વર્ષથી આ મેઈન્ટેનન્સ ફંડ બિલ્ડર્સ વાપરી રહ્યા છે. આ ઉપરાંત સોસાયટીમાં 290 પરિવારને પૂરતો પાણીનો સ્ત્રોત પણ આપ્યો નથી. સીસીટીવી કેમેરા તો ફીટ કરાવ્યા છે પરંતુ તેમાં સોસાયટી કમ્પાઉન્ડ એરિયા કવર થતો નથી જેના કારણે ફ્લેટધારકોની સિક્યુરિટી બાબતે પ્રશ્ર્નો ઊભા થયા છે.

સ્વસ્તિક હાઈલેન્ડ્સ સોસાયટીનાં 290 પરીવાર પાણી વિહોણા !

નફાખોરીના લીધે સોસાયટી લાઈટિંગના નામ પર માત્ર નાઈટ લેમ્પ મૂકી દીધા, જેમાં અડધાથી વધુ લેમ્પ બંધ

સોસાયટીમાં માણસોની સંખ્યાને ધ્યાને લઇ યોગ્ય રીતે ટુ વ્હીલર પાર્કિંગની વ્યવસ્થાનો પણ અભાવ

(1) છેલ્લા 1.5 વર્ષથી બિલ્ડરે કોમન એમિનિટીઝ પૂર્ણ કરવાના હજુ વાયદા જ કરેલા છે. ક્લબ હાઉસ, સ્વિમિંગ પૂલ, જિમ, થિયેટર, ટેરેસ સીટ આઉટ, ચિલ્ડ્રન પ્લે એરિયા, ઇન્ડોર ગેમ ઝોન, જોગિંગ ટ્રેક વગેરેનું હજુ સોસાયટીમાં નામોનિશાન નથી.
(2) કોમન એમિનિટીઝના રખરખાવ માટે લેવામાં આવતું મેન્ટેનન્સ ફંડ દરેક ફ્લેટ ધારક પાસેથી ઉઘરાવી છેલ્લા 1.5 વર્ષથી બિલ્ડર વાપરે છે.
(3) સોસાયટીમાં 290 પરીવારને પૂરું થઈ શકે તે રીતે કોઈ પાણીનો સ્ત્રોત આપેલ નથી.
(4) નામ પૂરતા ઈઈઝટ કેમેરા નાખેલા છે, જેમાં સોસાયટી કમ્પાઉન્ડ એરિયા પણ કવર થતો નથી. જેના લીધે ફ્લેટ ધારકોની સિક્યુરિટી બાબતે પ્રશ્ન ઉદભવેલ છે.
(5) ગ્રાહકોને લોભવીને હલકી ગુણવત્તાના મટીરીયલ વાપરેલ છે જેના લીધે અનેક જગ્યાએ દીવાલમાં ભેજ આવ્યો છે, ટાઇલ્સ નીકળી જવાની ફરિયાદ છે, તેમજ ડ્રેનેજ પાઈપ લીકેજ અને પાણી ભરવા જેવી સમસ્યા રહેવાસીઓને સહન કરવી પડે છે.
(6) લોભામણા બ્રોસર દેખાડી ગ્રાહકો પાસેથી અનેક ગણી કિંમત વસૂલી ફ્લેટ લેવડાવ્યા બાદ સુવિધાના નામમાં સોસાયટીમાં માત્ર રેતીના ઢગલા જોવા મળે છે.
(7) નફાખોરીના લીધે સોસાયટી લાઈટિંગના નામ પર માત્ર નાઈટ લેમ્પ મૂકી દીધેલા છે. જેમાં અડધાથી વધુ લેમ્પ હજી ચાલતા પણ નથી.
(8) ફ્લેટ ધારકોને લૂંટી સાવ નબળી ગુણવતાની લિફ્ટ મૂકી છે જે વારંવાર ખરાબ થાય છે અને લોકોની સેફટી બાબતે પ્રશ્ર્ન ઊભો કરે છે.
(9) પ્રવાસના સ્થળની જેમ કોઈપણ લોકો સોસાયટીમાં પ્રવેશ કરી શકે છે ને દરેક ફ્લેટ સુધી વિના કોઈ રોક ટોકથી 14માં માળ સુધી જઈ અગરબત્તી અને શેમ્પુ વેંચી શકે છે. સિક્યુરિટી બાબતે બિલ્ડર દ્વારા કોઈ પગલાં લેવામાં આવતા નથી.
(10) હાલ સોસાયટી એસોસિયેશનના હોવાથી સોસાયટી માટે લેવાતા તમામ નિર્ણયના હક્ક બિલ્ડર પાસે હોવાથી ઉપરોક્ત તમામ બાબાતે તમામ ફ્લેટ ધારકો અવાર નવાર બિલ્ડરને ફરિયાદ કરવા છતાં બિલ્ડર આંખ આડા કાન કરી કોઈ પણ વાત સાંભળવા તૈયાર નથી.
(11) ફ્લેટ ધારકો પાસેથી લાખો રૂપિયા પડાવી લઈ બિલ્ડર નફાખોરી કરવામાં વ્યસ્ત છે અને સરકાર દ્વારા બનાવવામાં આવેલા નિયમો માત્ર નાના માણસોને જ લાગુ પડતાં હોય તે રીતે બિલ્ડરો પોતાને મન ફાવે તે રીતે લોકો સાથે વર્તન કરે છે.
(12) ફ્લેટ ધારકોને પડતી તકલીફ સંદર્ભે સોસાયટીના સભ્યો દ્વારા ફરિયાદ કરવા જતાં નોકરિયાત વર્ગના લોકોને બિલ્ડર લોબીનો વગ દેખાડી “તમારાથી કંઈ ના થઈ શકે” જેવા શબ્દ પ્રયોગ કરી ડરાવે છે.
(13) સોસાયટીમાં આવેલા તમામ ફ્લેટનું વેચાણ થઈ ગયું હોવાથી હવે બિલ્ડરને સોસાયટીમાં પૂરતી સુવિધા ઊભી કરવામાં કોઈ રસ નથી. હવે બિલ્ડર મવડી વિસ્તાર સ્વસ્તિક હાઇટ્સ નામના પોતાના નવા પ્રોજેક્ટના વેચાણથી લોકોને ફરી લૂંટી નફાખોરી કરવામાં વ્યસ્ત છે.
(14) પ્રોજેક્ટમાં માણસોની સંખ્યાને ધ્યાને લઇ યોગ્ય રીતે ટુ વ્હીલર પાર્કિંગ માટેની કોઈ જગ્યા આપેલ નથી.
(15) ગ્રાઉન્ડ ફ્લોર પર આપેલ છઈઈ ફ્લોરિંગમાં અનેક જગ્યાએ માત્ર 6થી 8 મહિના જેવા ટૂંકા સમયગાળામાં તિરાડો પડી ગઇ છે.