ક્રોલના રિપોર્ટ મુજબ ટોપ 25ની બ્રાન્ડ વેલ્યૂ 16,600 કરોડ
વિરાટ-રણવીરને પછાડી આગળ નીકળ્યા શાહરૂખ ખાન
- Advertisement -
યાદીમાં 13 પુરુષ અને 12 મહિલા સેલિબ્રિટીનો સમાવેશ થાય છે, મહિલાઓમાં અભિનેત્રી આલિયા ભટ્ટ 93.9 મિલિયનની બ્રાન્ડ વેલ્યૂ સાથે છઠ્ઠા ક્રમે એટલે કે મહિલાઓમાં ટોચ પર રહી છે
કન્સલ્ટિંગ ફર્મ ‘ક્રોલ’ દ્વારા જાહેર કરવામાં આવેલા ‘સેલિબ્રિટી બ્રાન્ડ વેલ્યુએશન ૨૦૨૫’ના તાજેતરના અહેવાલ મુજબ બોલિવૂડ સુપરસ્ટાર શાહરૂન ખાન અંદાજે રૂ. ૧૭૦૦ કરોડ (૧૭૭.૯ મિલિયન)ની બ્રાન્ડ વેલ્યૂ સાથે ભારતનો સૌથી મૂલ્યવાન સેલિબ્રિટી બની ગયો છે. શાહરૂએ બે સ્થાનની છલાંગ લગાવીને ગયા વર્ષના ટોપર ક્રિકેટર વિરાટ કોહલીને પાછળ છોડીને પ્રથમ ક્રમાંક મેળવ્યો છે. ૨૦૨૩માં આવેલી તેની બ્લોકબસ્ટર ફિલ્મો “પઠાણ’ અને “જવાન ની ઐતિહાસિક સફળતા બાદ એન્ડોર્સમેન્ટ માર્કેટમાં તેની માંગમાં મોટો ઉછાળો આવ્યો છે અને તેનો એન્ડોર્સમેન્ટ પોર્ટફોલિયો ૨૮થી વધીને ૩૬ બ્રાન્ડ્સ સુધી વિસ્તર્યો છે. આ યાદીમાં બીજું સ્થાન રણવીર સિંહે પ્રાપ્ત કર્યું છે, જેની બ્રાન્ડ વેલ્યૂ રૂ. ૧૫૫૦ કરોડ (૧૬૨.૯ મિલિયન) આંકવામાં આવી છે. પોતાની હિટ ફિલ્મોના કારણે રણવીર સિંહ પણ વિરાટ કોહલીથી આગળ નીકળી ગયો છે. જ્યારે અગાઉ પ્રથમ ક્રમે રહેલો ક્રિકેટર વિરાટ કોહલી આ વર્ષે રૂ ૧૫૦૦ કરોડ (૧૫૮.૪ મિલિયન)ની બ્રાન્ડ વેલ્યૂ સાથે ત્રીજા સ્થાને પહોંચી ગયો છે. મહાન ક્રિકેટર સચિન તેંડુલકર ૩ ૧૨૦૦ કરોડ
(૧૨૫.૯ મિલિયન્સ) સાથે ચોથા અને મહેન્દ્ર સિંહ ધોની ૧૧૫.૩ મિલિયન સાથે પાંચમા ક્રમે રહ્યો છે. આ રીતે ટોચના ૫માં પુરુષ સેલેબ્સનું વર્ચસ્વ જોવા મળ્યું છે. અહેવાલ અનુસાર, ભારતના ટોચના ૨૫ સેલિબ્રિટીઝની કુલ બ્રાન્ડ વેલ્યૂ ૧૬,૬૦૦ કરોડ રૂપિયા (૨ બિલિયન) આંકવામાં આવી છે. આ યાદીમાં ૧૩ પુરુષ અને ૧૨ મહિલા સેલિબ્રિટીનો સમાવેશ થાય છે. મહિલાઓમાં અભિનેત્રી આલિયા ભટ્ટ ૯૩.૯ મિલિયનની બ્રાન્ડ વેલ્યૂ સાથે છઠ્ઠા ક્રમે એટલે કે મહિલાઓમાં ટોચ પર રહી છે. તે પછી દીપિકા પાદુકોણ સાતમા, ઋતિક રોશન આઠમા, અમિતાભ બચ્ચન નવમા અને અક્ષય કુમાર દસમા ક્રમે રહ્યા છે. આ ઉપરાંત યુવા અભિનેત્રી અનન્યા પાંડે ડિજિટલ પ્રભાવના જોરે ૧૯મા ક્રમે પહોંચી છે.રિપોર્ટમાં જણાવાયું છે કે ભારતમાં સેલિબ્રિટી એન્ડોર્સમેન્ટ માર્કેટ ઝડપથી ડિજિટલ-ફર્સ્ટ બન્યું છે અને ૨૦૨૫ સુધીમાં ડિજિટલ પ્લેટફોર્મનો હિસ્સો વધીને ૬૦% થી ૭૫% થવાનો અંદાજ છે. શાહરૂખ ખાનની આ વર્ષે રિલીઝ થનારી બજેટ રૂ ૪૫૦ કરોડની ફિલ્મ ‘કિંગ’ને લઈને પણ માર્કેટમાં ભારે ઉત્સાહ છે, જેનાથી તેની બ્રાન્ડ વેલ્યૂ આગળ પણ જળવાઈ રહેવાની સંભાવના છે.
- Advertisement -
2025ના ટોપ-10 સેલિબ્રિટી બ્રાન્ડ રેન્કિંગ
શાહરૂખ ખાન 1700 કરોડ (177.9M)
રણવીર સિંહ 1550 કરોડ (162.9M)
વિરાટ કોહલી 1500 કરોડ (158.4M)
સચિન તેંડુલકર 1200 કરોડ (125.9M)
એમ.એસ. ધોની 115.3M
આલિયા ભટ્ટ 93.9M
દીપિકા પાદુકોણ 89.2M
ઋતિક રોશન 99.9M
અમિતાભ બચ્ચન 80.8M
અક્ષય કુમાર 80.0M
