પહેલગામ હુમલો સ્પષ્ટપણે જમ્મુ અને કાશ્મીરમાં સામાન્ય સ્થિતિને ખલેલ પહોંચાડવાનો હતો: વિદેશ સચિવ વિક્રમ મિશ્રી

ભારતીય સેનાએ મંગળવારે મોડી રાત્રે પાકિસ્તાન અને પીઓકેમાં નવ સ્થળોએ આતંકવાદી ઠેકાણાઓ પર હવાઈ હુમલા કર્યા. પહેલી વાર, સેના આ સમગ્ર ઓપરેશન સિંદૂર અંગે પ્રેસ બ્રીફિંગ કરવા જઈ રહી છે. આ સમય દરમિયાન, વિદેશ સચિવ વિક્રમ મિશ્રી બે મહિલા અધિકારીઓ સાથે પ્રેસ બ્રીફિંગમાં ભાગ લેશે. આમાં વાયુસેનાના વિંગ કમાન્ડર વ્યોમિકા સિંહ અને ભારતીય સેનાના કર્નલ સોફિયા કુરેશીનો સમાવેશ થાય છે.

આ કાર્યવાહી વિશે માહિતી આપવા માટે, ભારતીય સેનાએ આજે એટલે કે બુધવારે (7 મે) સવારે 10 વાગ્યે પ્રેસ કોન્ફરન્સ કરી માહિતી આપી છે. પ્રેસ બ્રીફિંગની શરૂઆતમાં, 2001માં ભારત પર થયેલા સંસદ હુમલા, 2008 માં મુંબઈ આતંકવાદી હુમલો, ઉરી, પુલવામા અને પહેલગામ હુમલાને લગતી ક્લિપિંગ્સ બતાવવામાં આવી હતી. વિક્રમ મિશ્રીએ કહ્યું કે, પહેલગામ પરનો હુમલો કાયરતાપૂર્ણ હતો.

આ હુમલો જમ્મુ અને કાશ્મીરની શાંતિને ખલેલ પહોંચાડવા માટે કરવામાં આવ્યો હતો.

ઓપરેશન સિંદૂર અંગે વિદેશ સચિવ વિક્રમ મિશ્રીએ જણાવ્યું હતું કે પહેલગામ હુમલો સ્પષ્ટપણે જમ્મુ અને કાશ્મીરમાં સામાન્ય સ્થિતિને ખલેલ પહોંચાડવાનો હતો. પહેલગામ હુમલો અત્યંત બર્બર હતો… હુમલા પછી, પરિવારના સભ્યોને પણ સંદેશ પહોંચાડવા માટે જવાની સલાહ આપવામાં આવી હતી. આ હુમલાનો ઉદ્દેશ્ય આ વિસ્તારના વિકાસને નુકસાન પહોંચાડવાનો અને તેને પછાત બનાવવાનો હતો. આ હુમલાની મોડસ ઓપરેન્ડી દેશભરમાં કોમી રમખાણો ભડકાવવાની હતી… સરકાર અને લોકોને શ્રેય જાય છે કે અમે તેને નિષ્ફળ બનાવ્યું.

વિક્રમ મિશ્રીએ કહ્યું કે, આ હુમલાનો ઉદ્દેશ્ય વિકાસ અને પ્રગતિને અટકાવીને રાજ્યને પછાત બનાવવાનો અને સરહદ પાર પાકિસ્તાન માટે તેને ફળદ્રુપ બનાવવામાં મદદ કરવાનો હતો.

પાકિસ્તાન આતંકવાદનો ગઢ : વિક્રમ મિશ્રી

વિક્રમ મિશ્રીએ કહ્યું કે, પહેલગામમાં થયેલા આતંકવાદી હુમલાની જવાબદારી TRF એ લીધી છે. હુમલાખોરોની પણ ઓળખ થઈ ગઈ છે. અમારી ગુપ્તચર એજન્સીઓએ હુમલામાં સામેલ લોકો વિશે માહિતી એકત્રિત કરી છે. આ હુમલાનો પાકિસ્તાન સાથે સંબંધ છે. પાકિસ્તાનને દુનિયાભરમાં આતંકવાદીઓ માટે સુરક્ષિત આશ્રયસ્થાન તરીકે ઓળખ મળી છે.

વિક્રમ મિશ્રીએ કહ્યું કે, આ હુમલાનો ઉદ્દેશ્ય વિકાસ અને પ્રગતિને અટકાવીને રાજ્યને પછાત બનાવવાનો અને સરહદ પાર પાકિસ્તાન માટે તેને ફળદ્રુપ બનાવવામાં મદદ કરવાનો હતો. ઓપરેશન સિંદૂર પર, વિક્રમ મિશ્રીએ કહ્યું કે ભારતે સ્વ-બચાવમાં પાકિસ્તાનમાં આતંકવાદી ઠેકાણાઓ પર હુમલો કર્યો. અમે આતંકવાદને રોકવા માટે અમારા અધિકારનો ઉપયોગ કર્યો. ભારતની કાર્યવાહી આતંકવાદીઓ સામે હતી. પહેલગામ હુમલો લશ્કરે જ કર્યો હતો.

સેનાની પ્રેસ કોન્ફરન્સમાં, સેનાના કર્નલ સોફિયા કુરેશીએ જણાવ્યું હતું કે પાકિસ્તાનમાં 9 આતંકવાદી ઠેકાણાઓ પર હુમલા કરવામાં આવ્યા હતા. પહેલગામમાં નિર્દોષ લોકો માર્યા ગયા. પાકિસ્તાન આતંકવાદીઓને આશ્રય આપે છે. તેમની સાથે, વાયુસેનાના વિંગ કમાન્ડર વ્યોમિકા સિંહે અંગ્રેજીમાં ઓપરેશન સિંદૂર વિશે વિશ્વને માહિતી આપી.

ઓપરેશન સિંદૂર પર, કર્નલ સોફિયા કુરેશીએ વધુમાં કહ્યું કે આતંકવાદ ત્રણ દાયકાથી પાકિસ્તાનમાં માળખાગત સુવિધાઓ બનાવી રહ્યો છે. આ કેમ્પ પાકિસ્તાન અને પીઓકે બંનેમાં છે. આ ઓપરેશન રાત્રે 1:05 થી 1:30 વાગ્યાની વચ્ચે કરવામાં આવ્યું હતું. આ દરમિયાન 9 આતંકવાદી છાવણીઓનો નાશ કરવામાં આવ્યો. છેલ્લા 3 દાયકાથી, પાકિસ્તાન અને પીઓકેમાં પાકિસ્તાની તાલીમ વિસ્તારો, લોન્ચ પેડ્સ ફેલાયેલા છે. કોઈ નિર્દોષ વ્યક્તિને નુકસાન ન થાય તે માટે ગુપ્ત માહિતીને ધ્યાનમાં રાખીને તેની પસંદગી કરવામાં આવી હતી.

પાકિસ્તાને આતંકવાદીઓ સામે કાર્યવાહી ન કરી – વિક્રમ મિશ્રી

વિક્રમ મિશ્રીએ કહ્યું કે, હુમલાના પખવાડિયા પછી પણ પાકિસ્તાને આતંકવાદીઓ સામે કોઈ કાર્યવાહી કરી નથી. તેમણે વળતા આરોપો લગાવ્યા. ભારત સામે વધુ હુમલા થઈ શકે છે. તેથી, તેની સાથે વ્યવહાર કરવો મહત્વપૂર્ણ છે.

ભારત દ્વારા પસંદ કરાયેલા નવ લક્ષ્યોમાંથી ચાર પાકિસ્તાનમાં છે અને બાકીના પાંચ પાકિસ્તાન અધિકૃત કાશ્મીરમાં છે. સૂત્રોએ જણાવ્યું હતું કે, પાકિસ્તાની સેના અને દેશની ગુપ્તચર એજન્સી ISI, તેના સ્પેશિયલ સર્વિસીસ ગ્રુપ (SSG) દ્વારા, આ કેમ્પોનો ઉપયોગ આતંકવાદીઓને તાલીમ આપવા તેમજ લોજિસ્ટિક્સ (પરિવહન અને પુરવઠા કાર્ય) માટે કરી રહી હતી.

• પહેલગામ હુમલા પછી તરત જ શરૂ કરાયું હતું ઓપરેશન સિંદૂરનું પ્લાનિંગ
• પ્રધાનમંત્રીની અધ્યક્ષતામાં બોલાવાઇ હતી બેઠક
• ઓપરેશનની કમાન રાષ્ટ્રીય સુરક્ષા સલાહકાર અજીત ડોભાલે સંભાળી
• એરફોર્સ, નેવી અને આર્મીના સતત સંપર્કમાં હતા અજીત ડોભાલ
• પાકિસ્તાનની અંદર ચાલતા હાઇવેલ્યૂ ટેરર કેમ્પસ શોધવા અપાયા સૂચન
• પાકિસ્તાનના કોઇપણ સ્થળે આવેલા આતંકીઓના કેમ્પ શોધી કઢાવા અપાયો આદેશ
• સમગ્ર ઓપરેશનની જવાબદારી અજીત ડોભાલે પાર પાડી
• સેનાએ વીરતાથી તમામ ટાર્ગેટ કર્યા ધ્વસ્ત

આતંકીઓને શોધવામાં ભારત સફળ

• ભારતે NTRO(નેશનલ ટેક્નિકલ રિસર્ચ ઓર્ગેનાઈઝેશન)ની મદદથી આતંકીઓને કર્યા ટ્રેક
• NTROએ આતંકીઓ છૂપાયાની આપી માહિતી
• હુમલામાં આતંકી કમાન્ડર ઠાર થયાની સંભાવના
• ભારતે આતંકવાદી ઠેકાણાઓને કર્યા ધ્વસ્ત
• ઓપરેશન સિંદૂરથી પહેલગામ હુમલાનો લીધો બદલો

NTRO શું છે?

• NTRO ભારતની એક ગુપ્ત એજન્સી છે
• NTROનું આખું નામ નેશનલ ટેક્નિકલ રિસર્ચ ઓર્ગેનાઈઝેશન છે
• આ એજન્સી રાષ્ટ્રીય સુરક્ષા સલાહકાર(NSA) અને પ્રધાનમંત્રી કાર્યાલય માટે કામ કરે છે(PMO) કરે છે
• તેનો મુખ્ય ઉદ્દેશ્ય ઉચ્ચ સ્તરીય ટેક્નિકલ ગુપ્ત માહિતી એકત્ર કરવાની છે
• એજન્સીનો ઉપયોગ ભારતની રાષ્ટ્રીય સુરક્ષા માટે મહત્વપૂર્ણ છે
• ખાસ આતંકવાદ, સાયબર હુમલાઓ અને સરહદ પારના ખતરાઓનો સામનો કરવાનો છે