અમદાવાદમાં પહેલીવાર મુંબઈ ઈન્ડિયન્સે જીતનો સ્વાદ ચાખ્યો

IPLમાં સતત 4 મેચ હાર્યા બાદ જીત મળી, ગુજરાતને 99 રનથી હરાવ્યું

ખાસ-ખબર ન્યૂઝ અમદાવાદ, તા.21

મુંબઈ ઈન્ડિયન્સે (ખઈં) ઈંઙક સીઝનમાં સતત 4 મેચ હાર્યા બાદ જીત મેળવી લીધી છે. ટીમે સોમવારે ગુજરાત ટાઇટન્સ (ૠઝ) પર 99 રનથી જીત નોંધાવી હતી. આ ઉપરાંત મુંબઈએ અમદાવાદના નરેન્દ્ર મોદી સ્ટેડિયમમાં ઈંઙકના ઇતિહાસમાં પહેલી જીત મળી છે. અમદાવાદમાં ગુજરાતે ટોસ જીતીને બોલિંગ લીધી હતી. મુંબઈએ 20 ઓવરમાં 5 વિકેટ પર 199 રન બનાવ્યા હતા. જવાબમાં ગુજરાતની ટીમ 15.5 ઓવરમાં 100 રન પર ઓલઆઉટ થઈ ગઈ હતી. પહેલા બેટિંગ કરી રહેલી મુંબઈની ટીમે પાવરપ્લેમાં 48 રન બનાવવામાં 3 વિકેટ ગુમાવી દીધી હતી. ઓપનર ક્વિન્ટન ડી કોક 13, ડેબ્યૂ મેચ રમી રહેલા દાનિશ માલેવર 2 અને નમન ધીર 45 રન બનાવીને આઉટ થયા હતા. નંબર-5 પર ઉતરેલા તિલક વર્માએ 45 બોલ પર 101 રન બનાવીને મુંબઈને 199 રન સુધી પહોંચાડ્યું હતું. આ ઇનિંગમાં 8 ચોગ્ગા અને 7 છગ્ગા સામેલ હતા. નમન ધીરે 45 રન બનાવ્યા હતા. ૠઝ તરફથી કાગિસો રબાડાએ 3 વિકેટ ઝડપી હતી. 200 રનના ટાર્ગેટને ચેઝ કરી રહેલી ગુજરાતની શરૂઆત ખરાબ રહી હતી. ટીમે પહેલા જ બોલે વિકેટ ગુમાવી દીધી હતી, જ્યારે બુમરાહે સાઈ સુદર્શનને ડેબ્યૂ મેચ રમી રહેલા ક્રિષ ભગતની મદદથી કેચ આઉટ કરાવ્યો હતો. ટીમે પાવરપ્લેમાં 45 રન બનાવવામાં 3 વિકેટ ગુમાવી દીધી હતી, જેમાં જોસ બટલર (5 રન) અને કેપ્ટન શુભમન ગિલ (14 રન)ની વિકેટ સામેલ હતી. પાવરપ્લેની છેલ્લી ઓવરમાં ગિલને આઉટ કરનાર અશ્વિની કુમારે કુલ 4 વિકેટ ઝડપી હતી. તેણે રાહુલ તેવટિયા (8 રન), શાહરૂખ ખાન (17 રન) અને રાશિદ ખાન (4 રન)ને પેવેલિયન ભેગા કરીને ગુજરાતની વાપસી કરવાની આશાઓ પર પાણી ફેરવી દીધું હતું.

તિલક વર્માએ 45 બોલ પર 101 રન બનાવીને મુંબઈને 199 રન સુધી પહોંચાડ્યું હતું

તિલક વર્માએ ઈંઙક-2026માં સૌથી ઝડપી સદી ફટકારી સેમસનનો તોડ્યો રેકોર્ડ

મુંબઈ ઈન્ડિયન્સના યુવા સ્ટાર તિલક વર્માએ આઈપીએલ 2026માં ગુજરાત ટાઇટન્સ સામે સૌથી ઝડપી સદી ફટકારી અનેક રેકોર્ડ નોંધાવ્યા છે. પાંચમાં ક્રમાંકે આવેલા તિલકે માત્ર 45 બોલમાં 7 સિક્સ અને 8 ફોર ફટકારી 101 રનની વિસ્ફોટ બેટિંગ કરી છે. આ સદી સાથે તિલક વર્મા આઈપીએલ ઈતિહાસમાં મુંબઈ ઇન્ડિયન્સ માટે સૌથી ઝડપી સદી ફટકારનાર ભારતીય ખેલાડી બની ગયો છે. અગાઉ મુંબઈ માટે સનથ જયસૂર્યાએ 2008માં ચેન્નાઈ સામે 45 બોલમાં સદી ફટકારી હતી, હવે તિલકે તે રેકોર્ડની બરાબરી કરી લીધી છે. આ ઉપરાંત, તેણે સંજુ સેમસનનો 52 બોલમાં સદીનો રેકોર્ડ તોડ્યો છે. તિલકે આઈપીએલ કારકિર્દીની આ પ્રથમ સદી ફટકારી છે.