મોરબીની યુવતીએ વિકૃતિ માટે રાજકોટની 13 વર્ષીય સગીરાને ફસાવી હવસખોરોને સોંપી દીધી

કાલાવડના ઇન્ફ્લુએન્ઝરએ અટલ સરોવર પાસે ફ્લેટમાં દુષ્કર્મ આચર્યું, અન્ય શખ્સે અડપલાં કર્યા

ભક્તિનગર પોલીસે અપહરણ, પોક્સો, દુષ્કર્મનો ગુનો નોંધી યુવતી સહિત ચારની કરી ધરપકડ
ખાસ-ખબર ન્યૂઝ રાજકોટ

રાજકોટમાં રહેતી અને ધો. 6માં અભ્યાસ કરતી 13 વર્ષની સગીરાને ઇન્સ્ટાગ્રામમાં એક યુવતીએ ફસાવી તેના કાલાવડ રહેતા મિત્રને સોંપી દેતા તેણે દુષ્કર્મ આચર્યું હતું બાદમાં એક મિત્રએ શારીરિક અડપલાં પણ કર્યા હતા લાપતા દીકરીની શોધમાં નીકળેલા માવતરે ઇન્સ્ટાગ્રામ ચેક કરતા તેણી મોરબીની યુવતી સાથે સંપર્કમાં હોવાનું જાણવા મળતા ભક્તિનગર પોલીસે ગુનો નોંધી યુવતી, કાલાવડના ઇન્ફ્લુએન્ઝર સહીત ચારની ધરપકડ કરી પૂછતાછ કરતા મોરબીની યુવતીએ વિકૃતિ માટે સગીરાને ફસાવી તેણી સાથે દુષ્કર્મ આચરવા અન્ય મિત્રને સોંપી હોવાનું જાણવા મળ્યું છે તેણીએ પૈસા માટે નહીં પણ સગીરાને ફસાવી અન્ય મિત્રોને મોજમજા કરાવવા આ કૃત્ય આચર્યું હોવાનું જાણવા મળ્યું છે.

સગીરાની માતાએ ભક્તિનગર પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, ગઇ તા. 28ના સાંજે તેની પુત્રી ઘરેથી ભાગ લેવા ગયા બાદ પરત આવી ન હતી પરિવારજનોએ શોધખોળ કરી પરંતુ કોઈ પત્તો મળ્યો ન હતો ત્યાર બાદ મોટી દીકરી પાસે રહેલા મોબાઈલમાં ઇન્સ્ટાગ્રામ ચેક કરતાં તેમાં નાની દીકરીએ સમીના નામની યુવતી સાથે ચેટ કર્યાનું જોવા મળ્યું હતું એટલું જ નહીં એક મોબાઇલ નંબર ઉપર ઘણી વખત વાતચીત થયાનું જોવા મળ્યું હતું.
જેથી તે નંબર ઉપર કોલ કરતાં મોરબીથી સમીના નામની યુવતીએ કોલ રિસીવ કરી તેની નાની પુત્રી પોતાની સાથે હોવાનું કહ્યું હતું. જેથી તેઓ તુરંત મોરબી દોડી જઈ દીકરીને ઘરે લઈ આવી પૂછપરછ કરી હતી દીકરીએ જણાવ્યું હતું કે એકાદ વર્ષ પહેલા ઈન્સ્ટાગ્રામમાં સમીના સાથે વાત થઈ હતી. જેણે તેને સતીષ ગોહેલનું ઈન્સ્ટાગ્રામ આઈડી આપી તેમાં વાત કરવાનું કહ્યું હતું જેથી તેણે સતીષ સાથે વાતચીત શરૂ કરી હતી ક્યારેક-ક્યારેક સમીના ઇન્સ્ટાગ્રામમાં કોન્ફરન્સમાં સતીષને લઈ તેની સાથે વાતચીત કરાવતી હતી એકાદ માસ પહેલા તે મોટી બહેન અને જીજાજી સાથે બહાર જવાની હતી. પરંતુ તે વખતે સમીનાએ કોલ કરી કહ્યું કે, તે રાજકોટ આવી છે અને તેની સાથે મળવું છે જેથી તેણે બહેન અને જીજાજી સાથે જવાનું રદ કર્યું હતું જે બાદ તેને સમીના, તેનો ફ્રેન્ડ ફૈઝાન અને સતીષ તેડવા આવતા તેની સાથે જતી રહી હતી બધા અટલ સરોવર ફરવા ગયા હતા.
ત્યાંથી સમીના અને તેનો બોય ફ્રેન્ડ જતા રહ્યા બાદ સતીષ તેને નજીકમાં આવેલા મિત્રના ફલેટમાં લઇ ગયો હતો. જ્યાં તેની સાથે શારીરિક સબંધ બાધ્યો હતો. મોડી રાત્રિના ત્રણેય તેને ઘરે મૂકી ગયા હતાં. ગઈ તા. 28ના પણ સમીનાએ કોલ કરી બહાર ઉભું રહેવાનું કહ્યું હતું. જેથી બહાર જતાં ફૈઝાન અને સમીના બાઇક લઈને આવ્યા હતા. બંને તેને મોરબી લઇ ગયા હતાં.

જ્યાં સમીનાએ તેને આફતાબનું ઇન્સ્ટાગ્રામ આઈડી આપી તેનો ભાઈ હોવાનું સાથોસાથ તેની સાથે ફ્રેન્ડશીપ કરવાનું કહ્યું હતું થોડી વાર બાદ આફતાબે આવી તેના શરીર સાથે અડપલા કર્યા હતા. પુત્રીએ આપવિતી જણાવતાં પરીવાર નીચેથી જમીન સરકી ગઈ હતી. જે બાદ ગઈકાલે રાત્રે ભક્તિનગર પોલીસ મથકમાં ફરિયાદ નોંધાવી હતી ફરિયાદ આધારે ભક્તિનગર પોલીસ મથકના પીઆઇ એમ.એમ. સરવૈયા અને ટીમે આરોપી કાલાવડના સતીષ વિજય ગોહીલ ઉ.19, પરસાણાનગરમાં રહેતા આફતાબ રફીક જુણેજા ઉ.20, મોરબીની સમીના મહેબુબશા બાબુશા શાહમદાર ઉ.20 અને ફૈઝાન અકબર ચાનિયા ઉ.19ની ધરપકડ કરી હતી.
પોલીસની પ્રાથમિક તપાસમાં એવું જાણવા મળ્યું હતું કે, આરોપી સમીનાએ સગીરા સાથે ઇન્સ્ટાગ્રામમાં પરીચય કેળવી અને સતીષ સાથે મીત્રતા કરાવી અટલ સરોવર લઇ જઇ ત્યાંથી ભોગ બનનારને સતીષને સોપી દુષ્કર્મ આચરવા સક્રીય ભુમીકા ભજવી હતી અને ભોગ બનનારને રાજકોટથી મોરબી તેના ઘરે લઇ જઇ અને આફતાબે સગીરા સાથે સમીનાના ઘરે શારીરીક અડપલા કર્યા હતા આરોપી ફેજાન સમીનાનો બોયફ્રેન્ડ છે સમીના સાથે રાજકોટ સગીરાને લેવા માટે આવ્યો હતો અને અટલ સરોવર લઇ ગયો હતો તેમજ મોરબી લઇ ગયો હતો આરોપી સતીષ ફૂડ ડિલિવરી બોય છે અને ઇન્સ્ટાગ્રામ ઇન્ફલુઇનઝર છે પોલીસે ચારેય સામે ધોરણસરની કાર્યવાહી હાથ ધરી છે.

દીકરીઓને ફસાવવાનું ઉત્તમ માધ્યમ એટલે સોશિયલ મીડિયા
સગીર દીકરીઓ તેમજ યુવતીઓને પ્રેમજાળમાં ફસાવી હવસનો શિકાર બનાવવાના અનેક કિસ્સા અત્યાર સુધી પોલીસ ચોપડે નોંધાઈ ચુક્યા છે ઇન્સ્ટાગ્રામ, ફેસબુક, સ્નેપચેટ મારફત રૂપકડા સપના દેખાડી નરાધમો દીકરીઓને ભોળવી અપહરણ કરી લઇ જઈ હવસનો શિકાર બનાવતા હોય છે ત્યારે દુષ્કર્મ જેવા ગંભીર ગુનાઓને આચરવા માટે સોશ્યલ મીડિયા ઉત્તમ માધ્યમ બની ગયું છે.