મૂડીઝે યુએસ ક્રેડિટ રેટિંગ AAA થી ડાઉનગ્રેડ કરીને AA1 કર્યું

ડોનાલ્ડ ટ્રમ્પના કથનને ફટકો? મૂડીઝે યુએસ સરકારનું ગોલ્ડ-સ્ટાન્ડર્ડ AAA, ક્રેડિટ રેટિંગ ઘટાડીને AA1 કર્યું

શુક્રવારે મૂડીઝ રેટિંગ્સે યુનાઇટેડ સ્ટેટ્સના લાંબા ગાળાના ઇશ્યુઅર અને સિનિયર અનસિક્યોર્ડ રેટિંગને AAA થી ડાઉનગ્રેડ કરીને AA1 કર્યા. જે પહેલી વાર બન્યું છે જ્યારે યુ.એસ.એ તેનું ટોચનું ક્રેડિટ રેટિંગ છેલ્લી મોટી એજન્સી પાસેથી ગુમાવ્યું છે જે તેને હોલ્ડ કરતી હતી.

મૂડીઝે અમેરિકાના ક્રેડિટ રેટિંગમાં ઘટાડો કર્યો

મૂડીઝે યુએસ ક્રેડિટ સ્કોર Aaa થી ઘટાડીને Aa1 કર્યો છે. આ સાથે, અમેરિકાએ મૂડીઝ રેટિંગ્સ દ્વારા આપવામાં આવેલ છેલ્લી ટોચની ક્રેડિટ રેટિંગ ગુમાવી દીધી છે. બ્લૂમબર્ગના રિપોર્ટ મુજબ, આ વધતા દેવા અને ખાધ અંગે વધતી ચિંતા દર્શાવે છે. મૂડીઝે 1919 થી યુનાઇટેડ સ્ટેટ્સનું ટોચનું Aaa રેટિંગ જાળવી રાખ્યું હતું અને તેને ડાઉનગ્રેડ કરનારી ત્રણ મુખ્ય ક્રેડિટ રેટિંગ એજન્સીઓમાંની છેલ્લી હતી.

અમેરિકાએ હવે લોન લેવા માટે વધારે વ્યાજ ચૂકવવું પડશે

અગાઉ, ફિચ રેટિંગ્સ અને એસ એન્ડ પી ગ્લોબલ રેટિંગ્સે વિશ્વની સૌથી મોટી અર્થવ્યવસ્થાને ટોચના ટ્રિપલ-એ પોઝિશન કરતા નીચો ગ્રેડ આપ્યો હતો. સતત ઊંચી રાજકોષીય ખાધ અને વધતા વ્યાજ ચૂકવણીને કારણે મૂડીઝે 2023 માટે નકારાત્મક દૃષ્ટિકોણ અપનાવ્યા બાદ આ નિર્ણય લેવામાં આવ્યો છે. આથી હવે એવું કહી શકાય કે અમેરિકાએ હવે લોન લેવા માટે વધારે વ્યાજ ચૂકવવું પડશે.

મૂડીઝે વારંવાર વધતી જતી બજેટ ખાધ માટે વહીવટીતંત્ર અને કોંગ્રેસને દોષી ઠેરવ્યા છે, જે ધીમી પડવાના કોઈ સંકેતો દેખાતા નથી. શુક્રવારે, વોશિંગ્ટનમાં કાયદા ઘડનારાઓએ એક મુખ્ય કર અને ખર્ચ બિલ પર કામ આગળ ધપાવ્યું. આનાથી આગામી વર્ષોમાં ફેડરલ દેવામાં અબજો ડોલરનો વધારો થવાની ધારણા છે.